NY FITIAVANTSIKA - TARIKA NY ANY AMINAY

Sarobidy sady masina ny voady nifanaovana
Tapitra eo ny sangisangy sy ny ora nilalaovana
Fa vonona hijoro, hifanaiky ho doria
Hibanjina ny ho avy, hanamafy ilay fitia
Fiainam-baovao arahim-pitiavana
No hery ho entintsika hitsinjo Tanindrazana
Hasambaram-pifaliana hatreto ka hatrany
Ho tretrika isika, hiadana ny tany
Hifampitantan’eny, handrato fahendrena
Hikatsaka ny soa, hitana izay nekena
Hiombon'alahelo, hifampizara hafaliana
Hanondana ny loha eo an-tratran'olon-tiana
Fa tany paradisa, akany volamena
Io no tanjontsika ary ho an’ny firenena
Hokolointsika hatrany ilay fitiavan-tsarobidy
Ho vatsim-panahy hiatrehana ny adidy
Tonony sy Feony : NAIVOARIVELO Rakotondratsimba