كل قطرة دم بشرياني | يوسف سعد العاملي 1445 هـ
Вставка
- Опубліковано 26 лип 2023
- قصيدة كل قطرة دم بشرياني تهتف باسمك يا حسين
الليلة الثانية من محرم 1445 هـ
الشاعر الأديب جابر الكاظمي
الرادود يوسف سعد العاملي
توزيع و ميكساج: قاسم حمادي
تنفيذ وتصوير: ايليا سعد - ابراهيم حريري
موكب انصار الحسين عليه السلام - الغازية
#كل_قطرة_دم_بشرياني #تهتف_باسمك_يا_حسين
#تراث_جابر_الكاظمي
كلمات القصيدة:
0:00:07 كل قطرة دم بشرياني تهتف باسمك... يا حسين
روحي اشلون تظل بجسمي من اذكر جسمك... يا حسين
جسمي مو اغلى من جسمك ... دمي مو أغلى من دمك
0:00:41 يا هل العايش على ارموشي حلم كل لحظة يتجسم
سحر شوقك يا بو الأكبر يسايرني بخلايا الدم
جسد و اتمثلك كوكب اصد لجروحك اتوهم
أشوفن كل جرح منك ثغر للدنيا يتبسم
عجيبة تندبح ضامي يا من كل عين الك زمزم
و الأعجب تنزف اجروحك و أنت الكل جرح بلسم
دنيانة المشغوفة بحبك بيك اتغنت... يا حسين
مو بس العابس جنيته كلها انجنت... يا حسين
كلها غدت تلهج باسمك ... دمي مو أغلى من دمك
0:03:42 لون عابس وقف بالطف يصيح الشوق جنني
ملايين أصبحت مثله لونك عنها تسألني
عِشاكَة و كل فرد منهم غِدى بعابس يذكرني
و كلمن انشده يجاوب يقول احسين هيمني
و أنا بعالم لهيب الطف سيوف الهم يبارنّي
عجيبة يوذرنّ جسمك و لا مثلك يوذرّني
شبهت اجروحك بعيوني و الدم يجري... يا حسين
و الحافر ما هشّم صدرك هشّم صدري... يا حسين
و آنا ريت انصرع يمك ... دمي مو أغلى من دمك
0:06:29 الحديد اتلين الداوود عجيبة اعليك يتصلب
و يصير اسيوف و يقطع جسد فوق الثرى امخضب
الشمس لو مر عليها الغيم بثياب الخجل تتحجب
اشعجب ما غابت و جسمك تشوفه بكربله مترب
عجيبة الماي ظل يجري و لا عن خجل يتنضب
و يشوفك ضامي و بكتره دليلك بالعطش يلهب
بهذا الماي اشلون اتهنا و قلبك ضامي... يا حسين
اشلون اتنام الليل اعيوني و جسمك دامي ... يا حسين
بروحي و بدمي أخدمك ... دمي مو أغلى من دمك
0:08:55 لون خيّم عليّ ليلي بسواد العاشر اتذكر
صور عن ليلة العاشر اعيش وياها و اتحسر
اعانكَ لجمة اجروحي بفضاوة قلبي و اتصبر
و لا صحوة سِمه بعيني تريضني يا بو الأكبر
سوادة ليلي ترسم لي وداعك ويه هالحدر
و اشد اعلى الحزن حيلي لون خيط الفجر أسفر
كل مصباح اتذكر يومك يوم العاشر... يا حسين
بس موجات المدمع ترحم قلبي الشاجر... يا حسين
دمعي دم يجري و يكلمك ... دمي مو اغلى من دمك
حليف الهم كلف يقدر دليله بصبره يتورع
على مصابك يا بو اليمة وراعة قلبي ما تنفع
تريد اصبر اشبعد اصبر و اشوفك دامي بالمصرع
اشتظن جفن المحب يغفى و حبيبه اعلى الثرى مقّطع
يا بو الأكبر لون يذبُل نخبره بحلك و يسمع
يفتت كل صخر غيضه و يجود اعليك بالمدمع
لو يسمع بمصابك يذبُل جَان اتفطر... يا حسين
و اشلون آنا العاشق و اصبر بيش اتصبر... يا حسين
و آنا همي بكثر همك ... دمي مو اغلى من دمك
صرت كلما أصد للنار أذكر جمرة اخيامك
و لون اسمع طفل يبجِي أنوحن و أذكر أيتامك
و إذا مني عضو اتألم أهيم بسجَت ألآمك
و إذا يومي يخالفني أون لمخالف أيامك
أنا و كل اهلي و اصحابي نذر لتراب أجدامك
يا غالي و أغلى من عمري رخيصة اعيوني جدامك
روحي و جسمي و شما املك باسمك صاحن... يا حسين
و كل ذرات العالم مثلي لجلك ناحن ... يا حسين
دمي لو تطلب أسلمك ... دمي مو أغلى من دمك
الحسابات الرسمية إلى الرادود يوسف سعد العاملي
Facebook: / youssefalamili
Instagram: / y.saad.alameli
Telegram: t.me/YoussefAlameli
Tel : 0096170224322
- مجموعة واتساب 1 : chat.whatsapp.com/EizNFXJtQE6...
- مجموعة واتساب 2 : chat.whatsapp.com/IA29Z27DzsC...
- مجموعة واتساب 3 : chat.whatsapp.com/IA29Z27DzsC...
السلام عليك يا ابا عبد الله الحسين
السلام عليك يا ابا عبدالله❤
من 7 الصبح مشغلها تخلص وعيدها وهسه ب11ونص
يا رحمه الله الواسعة ياحسين ❤️🩹
اللهم صل على محمد وال محمد ❤
جابر الكاظمي افضل شاعر حسيني حاليا
المفروض يكون بزمن عبود غفله والسيد حيدر الحلي
افضل حتى من الشعراء القدماء
ليش دائما اتجاملون هو افضل شاعر
جابر الكاظمي بالعالم..
من قال ان العراقيين لا مثيل لهم في الأداء مخطىء جدا...
عندنا في لبنان حناجر حسينية ذهبية👑
رزقكم الله شفاعة سيد الشهداء ولا حرمكم من خدمة المنبر الحسيني لانه شرف لا يعلوه شرف.
ما شاء الله عليه رهيب هذا الرجل
كلهم خدام الحسين ولافرق عند الله بين عراقي وغيره، بين عربي وأعجمي. ولكن لحد الان اللبناني يُقلد العراقي والايراني والبحريني، وهذه القصيدة خيرشاهد، شاعرها عراقي ومُلحنها ورادودهاعراقي.. وفق الله جميع الخدام في كل مكان.
ياابا عبدلله ياحسين بن علي ايها الشهيد يابن رسول •اللّـہ̣̥ ياحجه •اللّـہ̣̥ ع خلقه ياسيدنا ومولانا انا توجهنا واستشفعنا وتوسلنا بك الى •اللّـہ̣̥ وقدمناك بين يدي حاجاتنا ياوجيهاً عند •اللّـہ̣̥ اشفع لنا عند •اللّـہ̣̥ 💔
يا رَحمةَ اللهِ الواسِعة، ويا بابَ
نَجاةِ الأُمَّة يا أبا عبدالله الحُسين
ماشاء الله عنك 😢
السلام عليك يا أبا عبدالله وعلى الأرواح التي حلت بفنائك
عليك مني سلام الله أبداً ما بقيت وبقي الليل والنهار ولا جعله الله آخر العهد مني لزيارتكم...
السلام على الحسين... وعلى علي بن الحسين...وعلى أولاد الحسين... وعلى أصحاب الحسين"
ماشالله كتير حلوة اللطمية بصوتك
❤❤❤❤
الله علطميات الزمن الجميل❤ مأجورين
ياخي انته عملاق
الله يوفقك بحق ابا عبدالله
اداء رائع بارك الله فيك وفي صوتك
احدى معلقات جابر الكاظمي
لبيك ياحسين❤
والله صوتك روعة عاشت ايدك
عبالك باسم الكربلائي بشبابه
دخيل الله لخلقك
الله ياديبي ❤
اتمنى تقرالنا التراث الجابري كله صوتك ما شاء الله عالم أخر
يا أباعبدالله🖤
قصيده خالده الخادم الشاعر جابر الكاظمي ذكرى الطفوله أيام البعث المقبور لكن انتصرت الشعائر على الطغاة
ادائك عالمي استمر ❤
لو تتوسع بقراءة القصائد العراقية لتأبدع
انرید منک امراد تنطینه
اللهم صل على محمد وال محمد ❤