ملايه اسماء المشخاب قصيده تكسر الكلب للعباس

اسماء المشخاب
قناة تل الزينبيات
🥀رايحة لعباس زينب رايحة🥀
الفاتحة اعلة النهر تقرأ الفاتحة
*-
رايحة ودمعاتي تچوي وجنتي
وين اخوي اليوم يمسح دمعتي
گوة انوح وگوة اجر بونتي
بين الشيب اعلة راسي ومهجتي
انصابحة وين اخوي الچنة دوم نصابحة
**
جيت اجر السهم بلكي يشوفني
مااكول الدللاني يعوفني
الدنية ميالة ويا وسفة تخوني
مااضن يرضة العدة يسبوني
جارحة الفرگة وي عباس كلش جارحة
*
دارت العسكر على ايتامي وصحت
وين يا عباس ياخوية رحت
وين جودك بالعطاشى اتحيرت
تدري ليل اهدعش لحظة مانمت
طايحة اخيامنة محركة خوية وطايحة
**
مگطعة اوصال ابو اليمة اعلة الثرى
مسلبة اهدومة وضلوعه مكسره
صحت يا عباس سبع الگنطرة
عالثرى الخوان كلها مسطرة
النايحة راح انصب للعزاز النايحة
*
گوم يا عباس شيل الراية
گوم سمعني يخوية حجاية
گوم جبت الحرم كلها وياية
حايرة وظلت بلا حماية
شابحة اعيوني لدروبك يخوية شابحة
**
للمُلة اسماء المشخاب