عقد الجلاد - مسدار ابو السرة - يامحبوبي - حاجة امنة

[@mojahedmobark1091]

الناس اللسه البتسمع الاغنية دي ومتفقين انو دي كانت من احلى حفلات عقد الجلاد على مر التاريخ ،، لاااايك
مسدار ابو السره ..

[@صبري-ع4ك]

كنت بسمع لعقد الجلاد ومصطفى سيد أحمد وانا عمري ١٨ سنه وانا عمري ٤٨ سنه الحمدلله كل يوم بنبكي بكيه مختلفه وأصعب من الفاتت

[@AHMED-cv8pg]

ربنا يطول و يزيد في الاعمار .. كنت حضور لتدشين شريط مسدار ابو السرة في كارينو النيل الازرق في بحري تقريبا 2004 .. كنا طلبة في الجامعة اخر ايامنا لمللمنا حق التذاكر بعد تلتله مع شباب رايعين فارقناهم من الزمن داك من غربه ل غربه .. ربنا يديم عليهم وعليكم وعلي عقد الجلاد نعمة الصحة والعافية .. كاااااااانت ايام 🥹

[@alasalaa6960]

كلامك صاح ميه الميه بدون تقريبا
كنا في نفس الزمان والمكان ❤ بس الملامح والشبه بينا وكانت اجمل أيام وزكريات وكانت التزكرة 5الف تشيل التزكرة مع الشريط😂 لك التحيه اينما كنت

[@adeldawood4138]

للتصحيح التدشين كان قبل كده ، في قاعة الصداقة المسرح الداخلي ، التحيه لك محبي العقد

[@AHMED-cv8pg]

@@adeldawood4138
لا غير صحيح
تدشين مسدار ابو السرة كان في متنزه النيل الازرق وكان الشريط مجاني مقابل سعر التذكرة
تقريبا حضر التدشين استاذ شرحبيل ولفيف من الشخصيات الفنية المعروفة

[@ميكائيلسليمان-و9ي]

​@@AHMED-cv8pg❤

[@montasaid4013]

دفعه ياخ وهو كذلك نفس اليوم والمقاعد هي زاتها والصور نفس المشاهد❤😢

[@rofaeeahmed6231]

اول مرة اسمع العقد وانا في عمر ال 19 ... والان عمري 46 ومازلت استمع لهم بنفس الشغف والحب.....
لكم كل الحب ❤❤❤

[@محمودالعركي-ط7ع]

متعك الله بالصحه والعافيه

[@sasasou3698]

أنا كان عمري 17 أو أقل بشوية .. كان شريط فيديو حق السهرة حقتهم العملوها في التلفزيون سنة 85 تقريبآ أيام منال بدر الدين 🙂 و من أول غنية سمعتها ليهم فيهو عرفت إنهم حيكونو إدمان بالنسبة لي و إنو مسيرتهم حتستمر و حيلقو ظاهرة في السودان مهما حصل ليهم من عقبات 👌👍👍😍😍😍🙂

[@hafezmester]

رحم الله الخرطوم وربنا يعيد لسودانا نعمة الأمن والأمان وينصر قواتنا المسلحة ويثبت اقدامهم ويسدد رميهم ويحفظهم يالله

[@Tarigeltayep]

يامحبوبي ..
هاك منّى مكتوبي .
صدّاح الغُنا المكتوم
ومدّاح الجمال والنور
كلمة حُب فى قلب حبيبي
وقليب حبيبي من توبي
تشوِّش جوّه قلب النيل
مع اللهفة العلى ولدي
يا معشوقي ..
ليك من شوقى كل الشوق
فيا الخرطوم إذا نامت عليك عيون
تشوف الضلمة في الضحى
والنَهار مخنوق
ولو غنيتِ والغُنا للسلام مخنوق
أعرفي إنك الزمن اللى جاي شروق
وأعرفي إنك .. الزمن الحبيبوحنون
فيا الخرطوم ..
عيون الحق ما بتنوم
عيون الحق ما بتنوم
أعرفي إنك ..
الزمن اللى جاي شروق
وأعرفي إنك ..
الزمن الحبيب وحنون

[@aalaa4452]

ممكن نقول انوا دي اعظم حفلة لي عقد الجلاد علي مر الزمان واجيال العقد من الثمانيات للان!
انور/ شبكة / شمت/ شريف/ الخير /
والفرقة الرائعة بقيادة المايسترو عثمان النور وكلمات الرائع القدال 😍❤️

[@aboalnja1]

المسدار أو اليانكي دي ملحمه شعريه من اجمل الملاحم التحيه والتقدير للاستاذ محمد طه القدال والملحن استاذ عثمان النو واجمل ناس عقد الجلاد قمة الإبداع فن سوداني اصيل. 👍

[@MohammedFathErrhman]

كنت ممن اتيحت له الفرصه بحضور المهرجان الثاني لعقد الجلاد في ذاك الحفل تجلت فرقة عقد الجلاد في تواصلها مع الجمهور .. هاكذا عودتنا عقد الجلاد .. مزيدا من التقدم والعطاء و في سماوات ارحب نلتقي ونحتفل بذاك المولود الجديد.

[@abuhurairhkhalid396]

يااااااامحبوبي
هاك مني مكتوبي

[@MohammedFathErrhman]

+abuhurairh khalid thanks abo.

[@حاتممورينتس-ص6ق]

Mohammed Fath Errhman

[@ايمنرمضانالدابي]

وصلنا العــ2023ــام و لسه بذات الثبات و المحبة الكبيرة للعقد ح نكون علي اتصل كل عام ما دمنا احياء

[@قدورهالمهدى]

❤

[@aldawmaney2882]

يمر بنا الزمان ونشيخ في الطرقات والارصفة وتبقي زكريات العيد نابضة في قلوبنا ومتعمقة داخل الوجدان 😢 رحم الله تلك الايام واعاد علي الزكريات في وطن امن وسالم ❤

[@مأمونمحمدفضل]

😢😢

[@hibaeltahiar7212]

ألف رحمة نور تتنزل علي شاعرنا الكبير في مقعد صدق عند مليك مقتدر

[@rashialsafi7273]

فن راقي وأداء زااااهر بالروعه يستحق أن يسمع اكثر من مره
يلا نسمع يااااخ يلا ننضف مسامعنا
حب كبير لعشاق العقد 💝

[@محمدفضل-ط1ص]

عقد الجلاد فن وأدب وذوق وأداء فريد وانسجام متناحي
سلمتم ❤

[@mutazfathi7764]

والله قمة الروعة والمتعة . ده الفن صاحب الرسالة وما اى غناء فن ...
الفن السودان له رموز مصطفى سيد احمد ومحمد الحسن سالم حميد ومحجوب شريف ومحمود عبد العزيز وانتم ايها العقد الفريد

[@tarigaltaybabdalrhman8084]

نسيت القدال

[@goarbab3340]

من اجمل .... ما كتب القــــــدال علي مر العصور والازمنه ...
هذه الاغنيه ... تناولت اعظم القضايا حول العالم ..
يا لروعتكم ... ايها الجلاده ..
الله علي تلك الايام

[@qamar1963]

النّاسْ التِّحِتْ خابرين عَمايْل اليَانْكي
مَرّة معونة لي اللّغّاف ومَرّة دَوانْكِي
شِنْ معناهو جيبها إن كان ملوهو بوانكي
وصوتها مكتِّمو القَرَبين سيوف وسَوانْكِي
قولَنْ لي الأَخْلو ديارو دمّكْ فَرْهَدْ في نارو
غَوّرْ في الأرض طارو صَقْرين أولاد الأرض ما طارو
يااااااااهـ ياااااااهـ ما اروعك يا قدال .. اقدل .. اقدل

[@Havana76508]

ابداع ليس له مثيل .
رحل صوت المغني حزين ولسه الصوت صراع زمني, لك الرحمة زيدان

[@ahmedmohawadelkkreem811]

الناس التحت خابرين عمايل اليانكي
ابداع ابداع يا قدال والفرقه المحبوبه لكل شعب السودان عقد الجلاد حفظكم الله ورعاكم

[@ahmedmohawadelkkreem811]

الف رحمة ونور تنزل على قبرك شاعرنا المحب لوطنه محمد طه القدال

[@باسلالعبيد-ظ6ع]

لك الرحمة يا زيدان ... ولكم المجد ايها العقد الجميل الذي لطالما امتعنا ,,,

[@migdado]

لك الرحمه و الغفران القدال 💔💔

[@mounem1784]

🤚✋🏽

[@surgeonimam9019]

سفريتك ميها الفي النيه ميها الكانت محريه
ربنا يرحم القدال رحمه واسعه واسكنه فسيح جناته

[@gadoraalsser9054]

الله يجازي الكان السسبب😭😭😭😭💔

[@ahmedelnour7007]

اعظم عمل على الاطلاق

[@aseelelnogomi9414]

يا حليلك يا قدال ويا عركي الرحمة والخلود في النعيم ان شاء الله

[@fragishag7611]

طال ام قصر الزمن شمس الحريه ااات لا ماله له

[@aamirsaad993]

حرية ام فكوا مافي ليكم

[@bakoaltahir1231]

العقد الفريد فكرة و الفكرة لاتموت لكم التحية اينما كنتم و اتمنى العقد ترجع من اول و جديد تتحفنا بالروائع

[@ahmedabdelrazig2885]

الرحمة و المغفرة لشاعرنا الكبير القدال .
.

[@alhindiabohima7769]

إبداع خرافي #مسدار أبو السره..

[@Tak2233]

شكراً ليك ياخ بفتش على مسدار السرة دى لى زمن

[@AnasAbubakeraldaw]

الا ليت العقد المنفرط يجتمع يوما
أجمل ايام للعقد كنت حاضر في المسرح القومي

[@جقود]

الاصوات الجميله في العقد فقدناها

[@alteybissa361]

اروع جيل مر علي الفن السودان.......عقد الجلاد

[@سليمانعلينوح]

أفضل فرقه عرف الشعب السوداني لكم التحيه 🇸🇩🇸🇩🇸🇩✌️✌️✌️✌️🙏🙏🙏🙏🙏🙏🙏

[@khalidabdinahmed2904]

أماتى([1]) القبيل بى حِنَّهِن([2]) لجَّـنِّـي
كَـرْفَـه وقَـلْـدَه كيف شوق اللبن رَجَّـنِّـي!!
حزناً جانِـي فى ميع الصبا يلجِـنِّـي
أطلع منِّـي يا جلْدى المنمِّـل جِـنِّي
وأطلع منى ياحزناً بقى مكجِـنِّي([3])
خَلَّـنـي ابْدَا مُسْداري
واودى قفاَي لى داراً بِـقَتْ([4]) ما داري
جيتها وجلدى بينو وبين عضاىَ([5]) الشحمه
الا النار بقت قَدامى
.
جلدى الليله بينو وبين عضاى... المافي([6]).
الا ترانى شوَّال الكِـبِـسْ([7])
نفِّيخ جراريب([8]) الورم هَـدَّامي([9])
فى جلدى الورم؟ قولن لي ..
ولا صحي([10]) الورم عَـضَّامي؟
سفريتك ما فى النيه
ما ها الكانت مَـحَـريَّـه([11])
خابراك عِـرِّيف
زم العربان ولا قيام الورديه؟
مالك ؟ تريان([12]) ومنَـدِّي
كاسي الكِـتّان والهندي
قولَك كِكّيف ؟ !
ترجى البيشان([13]) .. ولا الغربه ال بالزندى؟
برقاً عِـبدِلِّـي([14]) الوزنِ
يا طاش .. يا جاب المزنِ
فرِّقْ ياالضيفْ
فعل الغضبان..
أم فرفيرات([15]) الحزنِ؟
وشِـن القعده يا ابو السُّـرَّه؟
شن القعده فى ضل العمارات ام كَـمِرتاً([16]) بَـرَّه؟
ضُـقْنا الحنضل اليانكي([17])
وبلعنا المره
كملت كوتة التمباك([18]) صَـقَعْـنا الجِـرَّه([19])
وكت إتقفلت شِـقَّيش([20]) ..قَـبَلْ ..بالمره
نرمي امُرنا فى بلد المعاني الحُره ؟
(الشم([21]) خَـوَّختْ([22])
بَـرَدَنْ ليالى الحرَّه…
تلقاها ام خدود الليله مَـرَقَتْ بَـرّه)([23])
.. مرقت بره
تغلى مدِيدة الحِلْبه التسمِّنْ ردفها!!
السمن الـمَـبَـسْـتَرْ .. يانكي.
والويقود([24]) بعيرات الدخان فى العين
وفي الفَشْفَاشْ([25]) يسوِّي عمايلو
شن فايدة مديدة الحلبة ؟
الويقود .. وشالو اليانكي.
يا ابو السرة
قامت من دخاخين العمى
تلمع وشيها([26])
اليانكى مستنيها..
كان اليانكى مستنيها فى مراية السَجَم فى الليل
لقيتها متل فريخ الطير.مَـرَقْ ود عينها من ود عينها رجَّافة المزمَّـلْ حُمَّـى، جَـفَلتْ مِنو وقعت عندى ...صدرها يغلي..يأبو السره شفت اليانكى فى ود عينها. شلتها للبَحَـر يمكن يغسِّلْ عينها من اليانكي. فُـتْـنا الحَجْـره([27]) بالكَـتَّه([28]) وغطسنا مسافة تبقى قَـدُرْ مسالك الريده، ما لاقانا من يغبانا، فى البحر الفَـدَرْ تحتانى .. ناس عارفاها - ناس عارفاك - ناس عارفاني. لاقيت القَعُوي([29]) والبلطى، قَـرقور السمك ودَّاني لى دابي([30])الخُـشَـشْ([31])نادينا عمال الطمي، الصارقيلة([32]) والقرموط وود المويه .. فتنا عليها كانت نايمة، عَجَّال([33]) البحَـرْ حارساها..كانت نايمه بين حجرين وضُل ساسويه([34]) . مسكنا دَرِبْـنا، عمال الطمي الصحُّوها لـمُّوا حصى البَـحَرْ، قسموه، يات من كان سبِـعْ جـمْرات، دابي الخُـشَة قال: أدوها فى الجمرات تلات سبعات. قلنا: أدوها فى الجمرات تلات سبعات. مسكنا دربنا، عمال الطمى الصحونا خابرين الدروب، مَـرَقوبْـنا فى مشرع مسارب الضي، لقينا الدنيا تترجَّانا قوقى([35]) القمرى، خَـوَّى صقير([36])وعوَّى حدَىْ([37])وعمال الطمى الصحوها لمو على البيعرفوا الصَّـيْ([38]). حصى القيزان دوابـي الدارقه([39])والسحليه والناس التحت.
الناس التحت خابرين عمايل اليانكى
مره معونه للغَّاف ومره دوانكي
شِـن معناها جبيها اكان ملوه بوانكي([40])
صوتها مكتِّـمُه القَـرَبـينْ([41])،
سيوف وسونكي.
قولَـن للأخلوا ديارُه
دمَّك فّـْرهد فى نارُه
غوَّر فى الأرْضْ، طاروا صقرينْ
أولاد الأرْضْ ما طاروا.
لحمي غطى بن عمِّي
شو صار حالو يا إمِّـي
منديل العِـرض؟
فى بيتِ الدينْ
دمِّـي ما يخلِّـي دمِّـي.
قُمنا من دير ياسينْ
صرنا فى جذر التينْ
عم نسقى بعضْ
حُب الزييتونْ
بَـدُّو يرجع للطينْ.
صابرا تحت الداوريه؟؟
صابرا فوق الداوريه
يا حال الضد
لحم الطفلين
نابِـت غصن الحريه.
جذرى مو فى شاتيلا
ما قال حالى ياويلا
حِـنَّا فى الارضْ
أرضِ فلسطينْ
يأمى هيلا هيلا
يأمى هيلا هيلا
هيلا وهيلا يأبو السره كُـج([42]) العينْ
تخَـبْـر الشينه من الزينْ
تَـفُـرْز الساري من الطاري
يأبو السره كج العين
ومدو صباعك السبابي
قول للغافي: يا زول هُوي.
ارخى الغُـرْدَه([43]) للعَـنَّافي([44])
شد القِمْري([45]) بالحوبابي([46])
فى مسدارنا شلنا نهارنا
يأبو السره
فى إيدينا من ساسُو البَـحَر عقدين
مَـسَـكنا دَرِبْـنا
عمال الطمى الصحوها
خابرين الدروب مرقُوبنا([47])
فى مشرع مسارب الضيْ
لقينا الدنيا تتحرانا قوقا القُمرى
خوَّى صقير وعوَّى حديْ
وعمال الطمى الصحونا خابرين الدروب ..
وكنا جماعه;
دابَّـات الأرِضْ
والسايمه
عوَّامة البَـحَـرْ
والطيرْ
وحتى الغيمه
قَـصَّـاصة الآثر فوق راسنا
شيافه الدَرْبْ
ضنيب([48]) اليانكى .
قال القمرى للضُـلِّيله:
- خَـلِّيك صاحيه
زوغ اليانكى لا يودِّرنا
قال الدابي:
- إن يغباها ما يغبانى
ولما الشم([49]) مودِّعه غاربه، وصَّـت جُـملة الصَّـقَّـار عيونهم كارْبه
ابقوا ألِـفْ بـفوت للمِـتْـلَكُم ناهضين
وفوق ديناب([50]) عريباً غادي
قال السحلى:
- لا نغشاهُـ
ديل عربان توابع اليانكي.
قال الجمع:
- لا نغشاهُـ
ديل عربان توابع اليانكي.
خَـلُّـوها العريب الغايبه
والسراق طبيقهُ معاهو
تيجاناً عروشها الخِـرْوِع([51]) الهَـشَ العويش
النار تعَـلِّـب([52]) فوق عُقال العرش
ولا خصَّـانا بى هدي([53]) العروش الـهُـرْبَـة([54])، يأبو السره، لا عقّال.
مسكنا درِبْـنا،
عمال الطمى الصحونا خابرين الدروب
مرقوبنا من وادى الضُلُمَّه الكان
عُـقُب لـمِّـينا فى باقى الجَـمِـع
قاصَّـين دريب اليانكي..
سَـنُّور الغِـيَـبْ([55]) فى الكنغو
صَبَراً([56]) من جنوب أمريكا
من كَـلْهاري([57]) ديباً ضارى
والتمساح وليد أمازون([58])
ونمراً فى النمور كمبودي
وأم رخم الله([59]) مكسيكيه.
ولـــمَّ لـميمنا والشمس البتوقد فوقنا
شدَّ شديدنا لي التمثال([60]) مَـشَـيّل روقنا.([61])
عالَـم حُـر يدوعِـل([62]) فوقنا
لى يوم سوقنا([63])..
نبصق فيهُ فى عينيهُ جَـرْ واسوقنا([64])
يا شمسي طِـلِّي طلي
شاوري ع بيتى دِلِّـى
كيال الكيلْ؟
ختياري ماتْ
ظِـلِّـى عمْ يحرس ظلي.
عادل ع خَـيِّي مَـيْلي
خَـيِّي ما يحمل شَـيْلي؟
ما خَـفَّ الشَـيْلْ
ثانـي المراتْ
ناطِـر رصاصي سَـيْلي
عَـيْـني فى الفيل .. ما ظِـلَّه
كِـلْـنا نِـدْريه ما نْضِـلَّه
يا ويل الويلْ
نِـرمي الجَـمْـراتْ
عَدْ المستشهِـد كِـلَّه....
----------------------------------

[@mohammadawad79]

والله احب العقد الفريد
ميت عليه تاوها وتشويقا

[@ahmedmorrein8078]

رووووووعه

[@ammarahmed97]

يا سلام عليك

[@Ms_Oszy]

💞💞💞💞💞

[@Tarigeltayep]

لا تحلموا بعالم سعيد
فخلف كل قيصر يموت
قيصر جديد
وبعد كل ثائر يموت
احزان بلا جدوى ودمعة سدى
احتاج دوزنة
وتراً جديد
لا يضيف إلى النشيد سوى النشاز
لغة تفتش عن اراض خصبة
شمساً تغير طعم فاكهة الشتاء
أحتاجُ مِفرزةً من الشعراءِ و الجوعى
لنُعلن سُخطنا أو ننتهي منا باغنيةٍ تذاع
بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتتفنا ما سمعتم
ثم هاجرنا انصرفتم
يا بحراً تجاوز في سكونِهِ كل حد
يا بحر قم .. حرِك تحرك
أو فعُد نحو ابتدائك فالنهايات البعيدة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهموا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال
يا بحر قم .. حرِك تحرك
أو فعُد نحو ابتدائك فالنهايات البعيدة لاتحد

[@ashrafyousif6744]

كلمة حب في قلب حبيبي وقليب حبيبي من توووووبي
يا معشوقي ليك من شوووقي كل الشوووق

[@wjdeymoner3258]

مسْدَار أبو السُّرة لي اليانكي
أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني
خَلّني أبدا مُسداري
وأودي قفايا لي داراً بِقَتْ مِي دَاري
جِيتَا ..
وجِلْدِي بينو وبين عضايا الشّحَمَة
إلا النّار بِقَتْ قِدّامي
جِلْدِي اللّيلة بينو وبين عَضَايَا المافي
إلاّ تراني شَوّالْ الكِبِسْ
نِفّيخْ جَراريب الوَرَمْ هَدّامِي
في جِلدي الورم قُولَنْلي
واللاّ صَحِي الورم عَضّامِي
سفريتك مِي في النيّة
ماها الكانت محريّة
خابراكْ عِرِّيفْ ..
ذم العُربانْ واللاّ قِيام الوردية
مالكْ ؟؟؟
تَرْيَانْ ومندِّي
كاسي الكِتّان والهندي
قولَكْ كِكّيفْ ترجى البيشان
واللاّ الغُربة البي الزِّنْدي
برقاً عِبْدِلِّي الوَزْنِ
يا طاشْ .. يا جاب المُزْنِ
فَرِّقْ يا الضّيفْ
فِعْل الغَضْبان ..
أم فِرْفيرات الحُزْنِ
وشِنْ القَعدة
يا أبو السُّرة
شِنْ القَعدة في ضُل العمارات أم كمرةً برّة
ضُقْنا الحَنْضَل اليانكي
وبَلَعْنا المُرّة
كِمْلَتْ كوتة التُّمبَاك
صَقَعْنا الجِّـرّة
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة ..
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
تبقى قَدُر مسالك الرّيدة
وما لاقانا من يغبانا في البحر الفَدَرْ تحتاني
ناس عارفاها
ناس عارفاكا
ناس عارفاني
نادينا القعوي والبُلْطي
قرقور السّمَك ودّانا لي دابي الخُشَشْ
نادينا عُمّال الطّمِي
عُمّال الطّمِي الصّارقيلا
والقَرْمُوط
وود الموية
وفُتْنَا عليها
كانت نايمة
عَجّال البحر حارساها
كانت نايمة بين حجرين وضُل ساسوية
وعُمّال الطّمِي الصّحونا لّمُو حصى البحر
قسموهو ياتْ من كان سبع جمراتْ
دابي الخُشّة قال :
أدُّوها في الجمرات تلات سبعاتْ
قُلْنا :
أدُّوها في الجمرات تلات سبعاتْ
مَسَكْنَا دَرِبْنَا
وعُمّال الطّمِي الصّحوها
خابرين الدّروبْ
مَرَقوبنا في مُشْرَعْ مسارب الضّيْ
لقينا الدُّنيا تترجّانَا
قُوقَا القِمْري
خَوّى صِقيرْ
وعَوّى حِديْ
وعُمّال الطّمِي الصّحونَا
لَمُّو على البعرفو الصّيْ
حَصَى القيزان
دوابي الدّارْقَة
والسِّحْليّة
والنّاسْ التِّحِتْ
النّاسْ التِّحِتْ خابرين عَمايْل اليَانْكي
مَرّة معونة لي اللّغّاف
ومَرّة دَوانْكِي
شِنْ معناهو جيبها إن كان ملوهو بوانكي
وصوتها مكتِّمو القَرَبين سيوف وسَوانْكِي
قولَنْ لي الأَخْلو ديارو
دمّكْ فَرْهَدْ في نارو
غَوّرْ في الأرض
طارو صَقْرين
أولاد الأرض ما طارو
لحمي غَطّى بِنْ عَمِّي
شو صار حالو يا إمِّي
منديل العِرْضْ في بيت الدِّينْ
دمِّي ما يخلِّي دمِّي
إنّا من دير ياسينْ
صِرْنا في جِزْر التّين
عَمْ نسقى بعضْ
حُبّ الزّيتونْ بدّو يرجع للطينْ
صابرا تحت الدورية
صابرا فوق الدورية
صابرا فوق الدورية
يا حال الضِّدْ
لحم الطِّفلين نابت غُصنْ الحريّة
جِذْري مو في شاتيلا
ما قال حالي يا ويلا
حِنّا في الأرضْ
أرضِ فلسطين
يا إمِّي هيلا هيلا
يا إمِّي هيلا هيلا
يا أُمِّى هيلا هيلا
هيلا
هيلا
هيلا
هيلا وهيلا يا ابو السُّرة كُجْ العين
تخبر الشّينة من الزّينْ
تَفُرْز الطّاري من السّاري
يا ابو السُّرة كُجْ العينْ
ومدُّو صباعك السّبابي
قول لي الغَافي يا زول هويْ
وهوي يا غافي يا زول هويْ
أرخي الغُردة للعَنّافي
شِدْ القمري بالحوبابي
في مسدارنا
شِلْنا نهارنا
في إيدنا من ساسو البحر عقدينْ
مَسَكْنا دَرِبْنا
وعُمّال الطّمي الصّحونا
خابرين الدِّروب مرقوبنا في مُشْرع مَسَارب الضّيْ
لقينا الدُّنيا تترجّانا
قوقا القِمري
خَوّى صقيْر
وعَوّى حِدَيْ
وكُنّا جماعة
دابّات الأرض والسّايمة
عَوّامة البحر والطّيرْ
وحتى الغيمة قصّاصة الأَتَرْ
فوق راسنا شايفة الدّربْ
ضِنيب اليَانْكي
قال القمري لي الضُّليلة :
خَلِّكْ صاحية زوغ اليانكي لا يودِّرنا
قال الدّابي :
إن يغباها ما بيغباني
ولمّا الشّمْ مودِّعة غاربة
وَصّتْ جملة الصّقّار عيونهنْ كَارْبة :
أبقو أَلِفْ
بَفوت لي المِتْلَكُنْ ناهضينْ
وفوق ديناب عريباً غادي
قال السِّحْلي لا تغشوهو
ديل عُربانْ توابع اليانكي
وخَلُّوها العريب الغايبة
السّراقْ طبيقو معاهو
تيجاناً عروشها الخروعْ ..
الهَشْ ..
العَويشْ
الناّر تَعَلِّبْ فوق عُقَال العَرْشْ
ولا خَسّانا بي هادي العروش الهـُرْبة
يا ابو السُّرة .. لا عَقّالْ
مسكنا دربنا
وعمال الطمي الصحوها
خابرين الدروب مرقوبنا من وادي الضلمة
الكان
وعقب لمينا في باقي الجمع
قاصين دريب اليانكي
سنور الغيب في الكونغو
وصبراً من جنوب أمريكا
ومن كلهاري ديباً ضاري
والتمساح وليد أمازون
ونمراً في النمور كمبودي
وام رَخَمْ الله مكسيكية
ولمّ لميمنا
لمّ لميمنا والشّمش البتوقد فوقنا
شدّ شديدنا لا التِّمثال مَشيّلْ روقنا
عَالَم حُرْ يدوعِلْ فوقنا
لي يوم سوقنا
نبصُق فيهو .. في عينيهو جَرْ واسوقنا
يا شمسي طِلِّي .. طِلِّي
شاوري عَ بيتي دِليِّ
كَيّال الكيل .. ختياري ماتْ
ظِلِّي عَمْ يحرس ظِلِّي
عَادِلْ عَ خَييّ ميلي
خَييّ ما يحمل شَيلي
ما خَفّ الشّيلْ
تاني المرّات ناطِرْ رصّاصِي سيلي
عيني في الفيل ما ظِلّه
كِلْنا ندريه ما نضِلّه
يا ويل الويلْ
نرمي الجمرات عَدِّ المستشْهِدْ كِلّه
نرمي الجمرات عَدِّ المستشْهِدْ كِلّه

[@badreldoma1389]

مسدار أبوالسرة قمة والله في الابداع

[@جقود]

ياسلام ايام الاستاذ النو والأستاذة الراحله حواء وعبد الحيم رحمه الله عليهم

[@محمدحسين-و4ز5خ]

والله السودان بنجيهو اشان اتنين الاهل وانتو

[@muhammadalnagi2142]

الجيل الذهبي للخضراء الجلاد 💚

[@goarbab3340]

اميمه ....
ما اعذب ذلك الصوت ...
لن تجلب الفـــــرقه انثي تضاهي هذا الجمال ...

[@mohamedadam4477]

تحف غنائية خالدة من اروعة فرقه عرفهاء اهل الفن الراقي

[@AHMEDMAHMOUD-qb4pe]

العقد فكرة ❤️
حب كبير ليكم

[@dannmoona9567]

العقد الجميل في الزمن الاجمل وشريف شرحبيل مبدع حد الثمالة

[@جقود]

عبد الجليل وهاني مبدعين لكن فقدناهم

[@user-ni6zp2oo5e]

عقد الجلاد صوت لن يتكرر

[@ashrafyousif700]

دخلنا 2024 ولسه حبكم في قلوبنا الي ان يرث الله الارض سوف تبقو في دواخلنا اينما كان ريثما تصفو السماء عاشق العقد وكلمات الشاعر الكبير فقيد الوطن محمد طه القدال الف رحمه ونور تنزل عليو بقدر ما اعطي من كلمات راقيه جسدت شخصية السوداني البسيط والمتواضع والكبير في فهمو والمعاني الكبيره ❤❤❤❤

[@sunata10]

شكرا محمد طه القدال شكرا عقد الجلاد قمه وروعه

[@mohammedmorssal3564]

كل الإحترام لي أسرة عقد الجلاد في شي في ذهني عن هذة الفرقة الانيقة و الجميلة في سنة 2013 حضرت ليهم ححفلة في نادي الظابط رسلو لينا رسالة جميلة اتصلو بي الأسطورة محمود عبدالعزيز في ذلك الوقت هو كان مريض في الأردن اطمنو من صحتو مباشرة كل الجمهور بسمع ما قادرة أكتب أكتر من ذلك لأني قاعد في الغربة الزكرة ضعفت التحية لي كل من ساهم بي حرف في كوكب عقد الجلاد أحبكم من ادخل قلبي

[@mohamedahmedabbas2679]

ابدااااااع

[@ابوآية-ل4ي]

منتهى الابداع والالق والتميز

[@مونتيالجعلي]

نتمنا يرجع سوداننا احسن 😢

[@Veranio-ce9hz]

الله علي الفرقه . حليل ايام الجامعه الاهليه. ايام شلتر اداريه . والميدان .

[@عبدالشافعادم-س3ت]

احلي فرقة انشاءالله ربي يسدد خوطاكم

[@mohamedabdulazizyousef5882]

أعرفي إنك الزمن الجاي شروق 🖤

[@جقود]

التحيه للاستاذ عوض الله خارج المسرح دفعتك موجودين

[@محييالدينالخير]

التحيه لي عقد الجلاد معجب متعصب عقد الجلاد فقد الوطن ٢٠٢٢ ومازالت راسخه كلام سابق زمنو حقيقه

[@ahmedadam8616]

دايمآ انتم الروعة لكل جيل حفظكم الله ورعاكم العقد الفريد

[@ahmedidres5892]

💔😭2023
البسمعها في 2050 ادعي ربنا يرحمنا ويغفر لينا 😭😭💔💔

[@alaaahmed346]

😂😂😂😂

[@ahmedidres5892]

@@alaaahmed346 🤗🤗🇸🇩🇸🇩🇸🇩

[@smusaHUSSIN]

ايام

[@ahmedmohmmed3101]

الفرق واضح ف الجمهور ناس جاية تسمع وتستمتع مش زي البحصل هسي ف الحفلات هسي

[@montserhassn2905]

وين الناس دول 😭😭😭😭😭😭😭😭😭😭😭😭😭

[@ضياءعلي-ي1غ]

الدقيقه 55 روووعه يخ

[@عبداللهفضلالموليابوهوفه]

حليل ايام الكازنو وبس عقد الجلاد محمود نادر خضر لهم الرحمه ربي يرحم السودان بحالو

[@القبطانالرحال-خ3ه]

زولي

[@waleedomer9134]

الف رحمه ونور عليك القدال

[@badrbdry5644]

في ٢٠١٩ احلي عايزين نسمع طواقي الخوف في قاعة الصداقة والمسرح القومي

[@بشرىعثمانعدلان]

كملت كوتة التمباك صقعنا الجره .............. وكت اتقفلت شقيش قبل بالمره ... نرمى عمرنا فى بلد المعانى الحره........................... شن القعده .. يابو السره ... فى ضل العمارات ام كاميرتن بره

[@محمدالفاتح-ض8ب]

لي مهرجان عقد الجلاد اتوقف والفرقة نفسها اعضاها اتفرتقو 😢

[@luaibaam]

احلى تلاته اغانى

[@جقود]

رحمه الله القدال وزيدان

[@mohamedabdo-xg6tw]

رائعون ايها العقد

[@nazarmahgoub2842]

اعشق عقد الجﻻد حتى النخاع ﻻن كلماتهم تعبر عن قضيه معينه

[@sulimansami8582]

تعبر عن كل قضايا الوطن و تديك احساس بالوطنية

[@salahfox987]

روعة عقد الجلاد

[@montserhassn2905]

يا ابو السره يا ابوي 😭😭😭😭😭😭😭😭😭😭😭

[@كمالمحمد-ث8ظ]

انتم دايما رايعون واثرون القلوب لكم التحيه

[@musaabomer7328]

إبداع

[@marsealhussain6439]

اعرفى انه الزمن الجاي شروق
لابد للشمس ان تشرق
فالتحيا الحريه

[@mohimg]

amazing video! thank you very much

[@mosabasheiry6054]

ضُقّنـا الحَنضّـل اليانّكِـي وبلْعّنـا المُـرّة ..

[@nazarabdelmoulaelsiddigg598]

محمد طه القدال له الرحمة والمغفرة يارب

[@nazarabckarhassan7462]

دوب خلاني ابدا مسداري أودى قفاي بقت مي داري
😭😭😭😭😭😭😭

[@waleedelshazly3392]

العقد الفريـــــد
انور والخير نفتقدكم جدا جدا جدا

[@مهديشطه-ص6ع]

لكم التحية الطيبة في اي بقعة من بقاع الارض ياعقد الجلد

[@محمدمضوى-ر8ع]

عيني في الفيل ما ضلا كلنا ندري مين ضلا
الف رحمة ونور عليك ياقدال ياوطن
والف رحمة ونور عليك عقد الجلاد
الف رحمة ونور عليك شبكة
الف رحمة ونور عليك شمت
الف رحمة ونور عليك الخير
نرمي الجمرات عند المستشهد كله 😭😭😭😭😭😭😭😭😭😭

[@مرتضيالقمر]

كلنا امل ترجع عقد الجلاد كما كانت وأفضل كل الوجوه الجديده م عندها كاريزما الفن
ارجع هاني وجليلو ورينا وشوف الفرقه ح تكون كيف ياخ زمان م بتلقى فرقه لمن تكون عقد الجلاد عندها حفله هلال مريخ لكن تعال شوف الليله المقاعد فاضيه تقول فرقه مبتدا

[@ابوتالين-ض9ض]

مافي كلام العقد ابداع

[@بكريالطيببابكر-ص9ص]

ابدااااااع والله

[@ishagalmldein8399]

روعه جدا عقد الجلاد

[@عاطفعلي-خ3ن]

ابداااع والله
احبكم احبكم

[@ahmedmohawadelkkreem811]

يا الخرطوم عيون الحق ما بتنوم رحم الله القدال

[@mussaabdulrahman5178]

لو داير تفسحنا ها ديك بلدنا

[@مهندعمربسيوني]

ماف كلام روعه

[@fouzalmansi7098]

الله يسعدكم .

[@فيصلبابكرشلال]

روعة والله

[@mohamedahmedkhabar4095]

الرحمه والخلود القدال

[@جقود]

عقد الجلاد البعرفها انا انتهت الجديده حقت الجيل الجديد ماحقتنا ناس الوهمي الكتيابي والوهميه بهجه

[@عمادالكاملالتحيهل]

التحيه للرائع القدال جميل شمت والمجموعه

[@azizzkria2590]

De beautiful love song