【EP47 男友話我個心打唔開,點先可以率真?】
Вставка
- Опубліковано 11 вер 2024
- 四位主持你哋好,非常鐘意聽你哋嘅節目!
先講講我嘅難題:我今年28歲,大約喺兩年半之前,由香港搬到英國曼城,但我而家感到有D無助同迷失。最近之前嘅男友同我分手,佢話其中一個原因係佢覺得佢「真係唔太認識我」。
而家,我喺曼城開始同另一個教會認識嘅弟兄拍拖。而令我震驚嘅係:佢一樣都話佢唔感覺到佢真係認識我[即使我哋已經拍咗拖個半月]。老實講:我自己亦都唔太認識自己。我一向都覺自己比較保守,好難真心表達自己,自從嚟到英國後,對我嚟講更加係一個挑戰。
我喺香港大,屋企好傳統吓,家人都唔多表達內心情感。所以我都好難做到同人打開個心。而要去適應曼城教會弟兄姊妹同新朋友交心文化,呢兩年嚟就更加困難。我通常同人分享,都係啲D表面嘅嘢。而自己亦傾向避免衝突,因為我怕如果有碗話碗,只係會令情況更壞。
好唔鍾意而家呢種奄奄悶悶嘅感覺。我想同人建立有意義嘅關係,我想率真但就係唔知道應該點樣去打破自己而家個模式。唉。你四位可以教吓我嗎?希望可以聽到四位嘅解答。祝好!
Ming Ming 敬上
朱先生你給MING MING 的忠告給你一個讚👍
我的看法比較接近麥之華,可能這是比較接近女性的觀點。每人的性格不同,當你初步喜歡一個人,你很願意和此人分享你的看法。若Ming Ming覺得自己未打開心扉,即表示熟落時間不足,而另一方面,對方亦未很主動,未能令Ming Ming放心訴心聲,因此不用勉強自己。若然男士未主動,即熱度不足,女方主動亦是白費的,因此無需要改變自己去迎合對方,太辛苦了,對方也不領情。一切要順其自然。核心是:不要迎合對方,但對一切人都要有好奇心,目的是擴闊視野,打開話盒子,可問對方最難忘的事,最快樂的事,最難堪的事,最傷心的事等,若對方不 樂於回答,即表示此人是悶蛋,將來亦是無溝通話題,放棄也吧
感覺幸運沒有認識那姓蘇的人 一個虛偽 一個說話不真實 只是有咸濕性格的人 聽不出嗎? 告訴MING MING在床上那句話 該人說話令人聽來氣憤 你們三人真有修養 我現在的說話是不會令他汗顔的 因他常說他不會氣惱的 🧐🧐🤪🤪🤨🤨