如何幫小朋友搵加拿大學校 - 港人救生艇 Stream A & Stream B 移民加拿大
Вставка
- Опубліковано 6 лют 2025
- 由現正身在加拿大讀書港人向大家分享點樣幫自己小朋友搵加拿大學校(包括中小學、公立及天主教公立學校)的兩種方法。York Region District School Board 及 York Catholic District School Board 網站搵校區及學校方法介紹。示範使用 zoocasa.com 網站以學校名稱搵樓方法。介紹學校排名參考網站。自己移民自己搞。幫得一個得一個。
York Region District School Board (一般公立學校資訊網站)
(只限安省約克區，包括 Richmond Hill 及 Markham)
www2.yrdsb.ca/
York Catholic District School Board (天主教公立學校資訊網站)
(只限安省約克區，包括 Richmond Hill 及 Markham)
www.ycdsb.ca/
School Ranking: Fraser Institute (學校排名參考網站)
www.comparesch...
Zoocasa (以學校名稱搵樓網站)
www.zoocasa.com/
#加拿大 #救生艇 #讀書移民
![(粵)【🇨🇦中小學】加拿大中小學排名有用嗎? | 加拿大真係有名校? | 名校區值得嗎? | 如何知道哪間是名校? [🇨🇦讀書留學必看]](/img/n.gif)
多謝香港朋友分享❤
多謝收睇。
你好，我想問一下，我入到find my school page之後，佢寫要腦school locator tool, then error. 係咪要安裝咩程式去LOAD MAP出黎呢?
School locator tool 係可以用瀏覽器直接開，唔洗裝其他程式。如果用手提電話開唔到，可以試吓用電腦開。我試過喺電腦用 Google Chrome 同 Microsoft Edge 都可以睇到地圖。另外仲有一個可能性係個網站限制咗只限加拿大嘅 IP address 先睇到，如果你依刻喺香港，呢個情況下就要用 VPN 方法解決。
Hi, 已經將地址証明, 學簽upload上education board, 下一步應該怎做?
建議你參考返相關 school board 有關收生嘅網頁。因為唔同 school board 有唔同程序。通常上網填完表都要約時間親身帶證明文件嘅正本俾佢哋睇同核實。
以 York Catholic District School Board 為例，交咗網上入學申請後會收到佢哋嘅電郵。電郵會列明申請人下一步要做咩 (如要致電預約時間出示文件正本及要準備咩文件或填寫其他表格等)。如果唔見有電郵，就要留意學校可能會直接打電話俾你約時間。
你好，想請問有無一條片關於小朋友申請小學之所需文件？謝謝
建議你可以睇吓另一位 UA-camr "Miss Nilli" 嘅以下影片：
ua-cam.com/video/h-7s64ySkz4/v-deo.html
Miss Nilli 係加拿大安省註冊教師，佢嘅專業意見絕對值得參考。佢仲有好多關於小朋友喺加拿大讀書嘅片，對家長嚟講係好有用。
www.youtube.com/@MissNillisClassroom
@@HK2CA 萬分感謝。
我小朋友 兩歲幾 應該係邊上堂先
如果小朋友係四歲以下，可以去 preschool (即 Early childhood education)。詳情可參考以下網頁有關 "Early childhood education in Canada" 那一段。
The newcomer guide to schooling in Canada
arrivein.com/studying/the-newcomer-guide-to-schooling-in-canada/
你好！感謝你的分享！請問如果父母報讀私校2年diploma 課程,其子女可否申請加拿大免費讀書嗎？
多謝收睇。只要小朋友的父或母其中一個係獲批加拿大學簽或工簽，小朋友就可以一齊過嚟免費入讀公立學校。如果父或母其中一位係天主教徒，或者小朋友係信天主教，已領洗，就會多埋天主教嘅公立學校可以選擇報讀。免費教育只限公立學校，如果想小朋友入讀私校，就要自費。
@@HK2CA 就係請問父母入讀私立學校都係可以為子女申請免費入讀加拿大公立學校嗎？唔該你！☺️
不好意思，因為有啲人話如果報讀私校嘅話，其小朋友唔可以免費入讀公立學校，請教邊個個先啱呢？
@@hiuyincheung4904 以我所知，我未聽過有呢個講法。我上網搵過一啲同加拿大教育政策有關嘅官方網站，都係搵到 "Public elementary or primary school is free for residents of Canada." 及 "Public secondary or high school is free in Canada for residents of the country." 等信息。一般理解，只要大人持有學簽或工簽，大人及小朋友係加拿大生活，就已經係 residents。
可參考 Cost of elementary school in Canada 的那一段：
www.educanada.ca/programs-programmes/elementary-primaire.aspx?lang=eng
可參考 Cost of high school in Canada 的那一段：
www.educanada.ca/programs-programmes/secondary-secondaire.aspx?lang=eng
請留意，以上網頁所提及的 international students 係指小朋友自己一個到加拿大留學，無父母陪同個一種。唔係講緊大人行 Stream A 過來讀書個種國際學生。
另外提一提，大人報讀私立學校記得確認有關學校係有出現係 DLI (Designated learning institutions) 名單內及有關課程最好係可以係畢業後申請到 PGWP。前排曾經有私立專上學校出現財困或被政府調查，搞到啲學生唔知畢唔畢到業。建議小心選擇學校。
www.cbc.ca/news/canada/montreal/quebec-india-colleges-foreign-students-1.6292359
非常感謝你提供嘅参考資料
你好，請問父母提交了SP申請，小朋友會跟住一齊過嚟，個小朋友係咪唔洗做biometric 同body check，佢係用visitor入境，對嗎？
如小朋友用 visitor 身份入境，只需參考加拿大政府最新公布的旅客入境要求。如有幫小朋友申請埋學簽，先會被要求做 body check。小朋友申請學簽時細過 14 歲，就可以獲豁免，唔洗做 biometric。
提提各位朋友，小朋友用旅客身份入境，一般只會獲批 6 個月逗留時間。到達加拿大後要適時幫佢辦理延期或以其他方法延長佢嘅逗留期限。
如果間學校只4.7, 咁係唔係表示該校教學有問題？還是反映其他？謝謝
我估計你應該係講緊 Fraser Institute 學校排名網站內就每間學校嘅評分。以我理解，以 elementary schools 為例，各學校嘅分數主要係由過往就讀該校學生嘅平均成績計算出來。分數無咁高嘅學校唔代表間學校有問題，可能只係代表該校學生嘅平均成績無其他學校咁好。
就我所見，高分嘅學校大多集中係較多華人住嘅地區。因為常見都係啲華人家長比較緊張小朋友嘅學術成績。呢邊雖然話返學無咁大壓力，但放學後都有好多華人家長安排咗好多嘢俾啲小朋友學。
其實睇身為家長嘅選擇，如選擇高分學校，係好大機會大部份都係中國人同學，而且功課會比其他學校多。相反，如選擇無咁高分嘅學校，就多啲機會接觸本地或其他種族嘅同學，同埋會係 happy school，放咗學唔洗點做功課。
謝謝解說
STREAM B 小朋友17歲plan讀完中六過去 又點搵學校？小朋友需唔需要有學校接受先？🙏
以安省為例，18歲以下都係 minor child(有啲省係19歲以下)，如果你行 Stream B， 係可以帶埋小朋友過嚟讀書。如入讀公立學校，係要到咗加拿大先可以根據住址申請入學。但就住你小朋友入學的問題，由於本人的小朋友較小，我只可以同大家分享入讀小學的經驗。建議你可以向另一 UA-camr，Miss Nilli 作出查詢。她是加拿大的高中註冊教師，她亦有一些片講解中小學入學方法。
ua-cam.com/users/MissNillis%E6%A5%93%E8%91%89%E5%9C%8B%E6%95%99%E5%AE%A4
可以睇吓 Miss Nilli 嘅片幫唔幫到你：
DSE之後升讀加拿大大學? - Part 1 (重讀高中): ua-cam.com/video/nNtLEvbEHv0/v-deo.html
DSE之後升讀加拿大大學? - Part 2 (College): ua-cam.com/video/-Od0iM2L4io/v-deo.html
DSE之後升讀加拿大大學? - Part 3 (直升大學): ua-cam.com/video/EO1Eda62mEg/v-deo.html
港人移加 HK2CA 多謝嗮