خيمة حنان || الرادود مرتضى الوالي || الشاعر محمد الجماسي محرم 1445هـ

🎵 خيمة حنان
🎤 اداء الرادود الحسيني #مرتضى_الوالي
📝 كلمات الشاعر #محمد_الجماسي
مجلس عزاء هيئة مجانين رقية
ساحة شهداء الحشد الشعبي المركزي
#محرم_الحرام ١٤٤٥ه
كلمات القصيدة
حسين فطرتنه 00 حسين دمعتنه 00 حسين
ــــــــــــــــــــــــــــــــــــــ
كل سنه وعاشورك ايربينه
ومنبرك ياسيدي امحضرينه
الثوب الاسود بالبچي امفصلينه
بلكن اعيونك يفرحن بينه
كل الابيوت ابخدمتك.. ليليله عدنه اقرايه
بالليل مجلس للزلم.. والصبح للملايه
امي تنادي يَولِدي.. شد الحزام اويايه
آنه اطبخ وفوگ السطح.. انته التعلگ الرايه
عادتنه بالموكب نتجمع
لطمتنه لمصابك والمدمع
حسين هيبتنه 00 حسين دمعتنه 00 حسين
ــــــــــــــــــــــــــــــــــــــ
اليخدم ايحصل أجر مولاته
فاطمه اتحب الجرن دمعاته
امحرمك يابو علي اشمحلاته
الشايب ايعزبلك ابشيباته
يحرگنه دخان الطبخ.. مثل الخيم نعتبره
اصخام الجدر مثل الذهب.. هذا الينظف الفطره
حته الطفل هم يختنگ.. واعيونه تجري العبره
شمعلمه يحسين الطفل.. ويانه يلطم صدره
يالحبك رباني تنزيله
مايعلم بس الله تأويله
حسين ثورتنه 00 حسين دمعتنه 00 حسين
ــــــــــــــــــــــــــــــــــــــ
يرسم اهلالك صور للناظر
وحده منهن صورتك بالعاشر
نسمع اتنادينه هل من ناصر
طشر اضلوعي يشيعه الحافر
وزينب تنادي ياشمر.. لاتذبح ابن الزهره
اشمالك تديره اعله الوجه.. واثنعش طبره اتطبره
هذا التحب لونه الشمس.. والجنه تشتم عطره
چا تعطش وانته المطر.. والناس كلهم گطره
يالمثلك بالوادم مانلگه
رازقنه بالدمعه والحرگه
حسين قدوتنه 00 حسين دمعتنه 00حسين
ــــــــــــــــــــــــــــــــــــــ
ياوحيد وهاكثر خدامه
الدنيه تخشع من تمر ايامه
الشاعر يخلص عليك اقلامه
القاري يقره وتلطم اللطامه
وحته الخطيب بمقتلك.. من الله نازل صوته
يقرالك بطوره الشجي.. وايبچي حته الموته
ايگول الحسين امن السحگ.. جثته نحت منحوته
واتلث ليالي اعله الرمل.. محد دفن تابوته
مذبوح و نسوانك مسبيه
يحسين و لموك ابّاريه
حسين حرگتنه 00 حسين دمعتنه 00 حسين
ــــــــــــــــــــــــــــــــــــــ
ياحنين الغرگانه بخيره
اگطع اجدامي التروح الغيره
يالغــــز ربنه الصعب تفسيره
حبك ابارواحـنه تأثيره
حبك الف عام وثلث.. بس مابطل مفعوله
الضايع الماعنده اسم.. خليته يمشي بطوله
انته السفينه الناجيه.. واعمالنه المقبوله
واعله المجالس فاطمه.. هيه امك المسؤاله
والزهره عالخادم لوترضه
يعرضونه اعله اجهنم واترفضه
حسين جنتنه 00 حسين دمعتنه 00 حسين
محمد الجماسي

[@ahmedmohan5276]

موفق ان شاء الله حبيبي

[@عليكاظم-ج6خ9س]

موفق ملا مرتضى الله يحفظك

[@كرارالسماوي-ك8ز]

كل التوفيق انشالله ملا

[@ماوراءالفراق]

فدوه لصوتك حبيبي

[@سلامرسول-ظ5ش]

وفقك الله

[@ياعليمدد-ر2ض6ط]

ربي يوفقك ويحفظك

[@user-alialkhadem]

موفق حبيبي

[@BTSARMY-rq6ku]

موفق ❤