فايز مبارك - أنتي و أنا
Вставка
- Опубліковано 4 жов 2024
- أنتي وأنا ( #تفعيله )
------------
أنتي وأنا ..
كِنا هِنا ..
نضحك .. ويغمُرنا الهَنا
وجهك فرَح
وعيونك النجلا عَنا
وكان اللقا .. سِرقه عن عيون البشَر
وقطر الندى .. باقي على أوراق الشجَر
لكن .. على وضح النقا
أنتي ، وأنا ، والغيم ، وطيور الصباح
وعبير وردك والوشاح
أجيك .. حافظ كم سطر
وأكسّـر بيوت الشعْر
وأجبر براءة خاطرك ..
كِنتي وكنت وكانت .. أيام ومشاعر
وصار وصلي لك حرام .. وصرت شاعر
صرت أكتب وأكتب .. وتقراني الحروف
وصرت أسمع بقلبي .. قبل عيني تشوف
وأستذكر أيام اللقا ..
راحت بي الذكرى وجَت
كنّ الدقايق وقّـفَت ..
وكنّي بـ حِنّا ليلك .. ورعشة يديك
يوم إنّ خطواتي على اللهفة .. تجيك
وأمرّ شبّاكك وأقول
يا ( الطاهرة ) ما لك مفَر
لو كنت ما أقدر أطول
أرمي لـ شبّاكك حجَر
كيف أبنسى !
وأنتي لـ ذكراي .. مرسى
والمشاعر ، والقصايد ، كلها منك وإليك
وليه أنسى !
وقلبي اللي كل مَ أمسى
وكل مَ أصبح ، وكل نبضه ، دايم يسمّي عليك
يا أجمل اللحظات من عمر الزمان اللي مضى
مَ أقدر أقسى ..
مَ أقدر أنسى ..
واليوم مرّيت المكان .. جيته وأنا كلّي حنين
أطلال يا ذاك الزمان .. يمكن يجي يوم وتجين
وصرت أنتظر ، ثم أنتظر
حتى الصبر
ملّ وتركني أحتضر
وجفّ الندى .. وراح العُمر
وأنتي هناك ..
وأنا هِنا ..
فايـز مبـارك
#أنتي_وأنا_يا_ريت_كنا_كوخ #جورج_وسوف #جديد
#الجبيل #شعر #قصيد #بوح #حزن #ذكريات #فايز_مبارك #البخيت #أنتي_و_أنا
الله الله عليك يابو مبارك ... شاعر فخم