BERTSO JARRIAK II, 5/10: MUNDUA (Ixiar Altuna)

2015/12/11 Altzo
Harituz Bertsozale Taldeak antolatuta II. BERTSO JARRIEN GAUA
Eskutan izanagatik
atlasa den liburua
leiho guztiak iriki
bueltaka jarri burua
ta begiak zabaltzea
izan liteke modua
errealitate, ametsak?
Hor sortzen zaigu gudua
gizarteak sortze al du
azpian dugun zorua?
Lur zati bat soilik al da?
Zein da bere helburua?
Ohartu gabe heltzean
erantzuteko ordua
benetan ba al dakigu
nolakoa den mundua?
Denon gainetik daudenei
jarri nahi diet arreta
nahiz kargu handia izan
eredugarria ezta
trajeak ta bizkarzainak
ta eskuetan maleta
beste guztien kontura
patrikak ondo beteta
besten batek idatzia
botatzen dute tarteka
etxea kendu askori,
geroz ta gehiago eska
hola segiko al duten
nere barreneko kezka
besten kontura bizitzek
nazka ematen dit eta.
Zer gustatu behar zaigun
badakigu umetatik
jaio orduko buruan
sartzen digutenagatik
neska bati mutilak ta
mutilei neskak, zergatik?
Norbaitek horrela uste
duen arrazoagatik?
Berekoiak izatea
ez al da alde hortatik?
hola izan behar al du
euren egoeragatik?
Denok ez gea berdinek
hasiz sentimentutatik
ta itte deuna in dezagun
bakar-bakarrik gugatik.
Dena utzi ta derrigor
ikasi eta ikasi
jolasteaz ahaztu ta
apunteetan nahasi
ikasitakoa egun
gutxi barru dena a(ha)ntzi
debekatuz abentura,
salto, negar ta garrasi
zergatik norbera dena
hainbeste tituloz jantzi
alper-alperrik erdiak
eztet ulertzen ze grazi
bakoizak dakagun hura
garatzea hobe kasi,
eta benetan balio
dugunaz ohartzen hasi
Bizitzeko aukera hau
guk bihurtu dugu beltza
paradisu izan ziteken
ta da amildegi ertza
batzuk guztia daukate
ta besteek ezereza
jatekoa izatea
ume askoren ametsa
baina hortaz ezta ari
telebista eta prentsa
politikan ta diruan
hoiek ere interesa
biktimei distantziatik
hitzak bidaliz markesa…
dutenaren zatitxo bat
ematea da babesa.
Inporta duena soilik
da burtsa eta kirola
ekonomia kontuak
eta gizonen futbola
Europako liga edo
bat edo bestean gola…
emakumeenak berriz
eztu batere axola
horrek niri irakiten
ipini ohi dit odola
arazoa ezta gutxi
ta ezin liteke nola
gizarten berdintasuna
bihurtu dute kaiola
ta mundua hoberako
ezta aldatuko hola.
Kalterako bada ere
horren da dinamikoa
ixkin batetik bestera
helduz azken aldikoa
mundu triste honetako
pentsamendu tipikoa
arropa erostera joan
ta saltzen duten tipoa
berdin izan emakume
edo berdin mutikoa
sarri etorri izan naiz
amorrazioz itoa
ze gizarte klase da hau?
ta ez al da eroikoa
hezur hutsean daudenak
badira prototipoa.
Konturatu gabe gara
saltzen dutenan bezero
ta ezetz usteagatik
ipintzen gaituzte ero
komeni dena bakarrik
diote astero-astero
belarriak ta burua
ipiniz besteoi bero
benetako arazoak
badeazpada ere zero
“mundua holakoa da”
leporatu arren gero
bakoitzak izanagatik
autoestima ta ego
denok kutsatuko gara
horrela segi ezkero.

[@xirowzz]

primer comentario!!!