Өгүүллэг зохиолч Санжаажавын Оюун "Тайгын зул цэцэг" // "Taigiin zul tsetseg" S.Oyun uguulleg sonsoh

"Тан руу нүүж явна" киноны зохиолч, Харанга хамтлагийн "Үгүйлэн санана" дууны шүлгийн зохиогч, Монгол Улсын Төрийн соёрхолт, МУСГЗ, яруу найрагч Санжаажавын Оюун
Зохиолчийн номыг авахыг хүсвэл 80133708 дугаарт холбогдон хүргүүлээд аваарай.
Сэтгэшгүй чандмань сүмийн дууль романы хэсгээс
Хиймэл нуурын эрэгт барьсан сэрүүцэх танхимд хунтайж суугаад, үдшийн сэвшээ салхи хаа нэгтээ хацрыг нь илбэж, хун шувуу ганганан өнгөрөхийг ажинхан, бийр янтайгаа нийлүүлнэ. Овог отгоо засаглаад бараг долоон жил болж, хэзээ нэгэн цагт санан тэмдэглэсэн мөр бадгийг эргэн санах нь ээ мөн тийм хугацаа өнгөрсөн байна. Хунтайжийн хийдийн ажил ч цаг зуурын саатлыг үл тооцвол тун бүтэмжтэй, сэтгэл санаа сатаарах юмгүй тул шүлгээ тэрлэн сууна.
Дээр тэнгэр ханы аху хийгээд
Дэлхий дэх хан богдсын аху газар
Дээр дорын ялгал болбоос
Жаргал хайрлал хоёрын агаар нэгэн буй
Агнистын агуй дахь бодисадва нар хийгээд
Алтан дэлхий дэх бодь сэтгэлтэн хоёрын
Аху газар ангид болбоос
Асран нигүүлсэхүйн агаар нэгэн буй
Энд хан богдсын сайн түшмэд хийгээд
Эрүүлэгч эрлэг хааны их ноёд хоёрын
Ёс өнгө өөр болбоос
Зөв бурууг ялгахын агаар нэгэн буй
Олз идэш олон ядагч хүмүүн хийгээд
Уулын модонд явагч араатан хоёрын
Аху бие ангид болбоос
Алан идэхийн агаар нэгэн буй
Хол ойроос хулгай хийгч хүмүүн хийгээд
Хотыг эргэн гэтэгч чоно хоёрын
Илт бие дүр өөр болбоос
Идэхүйг хүсэх сэтгэлийн агаар нэгэн буй
Онон мөрөнд аху халуут эгч минь хийгээд
Орхон Туулд эгч өвчит бид хоёр
Халх, Оннигудын газар хол болбоос бээр
Хайрлан санагалзахын агаар нэгэн буй
Энэ биедээ эс золголцвоос
Үүнээс хойш төрөл тутамдаа
Эх нь ганц хүүхнээ хайрлах мэт
Элдэв үйлээр туслалцах болтугай... Шүлэг санаанд нь хүрч, хэзээ нэг цагт
үүнийгээ Дуут хаднаа бичүүлнэ дээ гэж догдлон суух дор ард нь хөлийн чимээ гарчээ. Эргэн үзвэл Амар ноён. Хунтайж тун баяртайгаар ноёныг угтан авав.
-Миний сайн нөхөр шүлгийн цагт ирэв
-Ямар шүлэг вэ? Хунтайж надад дуудагтун... Цогт шүлгээ аялгуулан хэлэхэд мандаж буй сарны гэгээнд хар нүд нь цогтойёо гялалзаж, түүний хамаг биеэс ид бах түгэх мэт ээ. Амар ноён шүлгийн сайхан, утгын гүнд биширч, эрхгүй тэврэн талархав.
-Би энэ шүлгээ Дэлгэрэхийн тал дахь Дуутын хаданд сийлүүлнэ
-Тэгвэл тэр шүлэгт хаданд чинь би сархад өргөмз
-Ингэхэд хоёулаа манай өргөөнд тухалж, хундага тулгавал яанам?
-Ийм сайхан урилгаас хэн татгалзах билээ. Тэр хоёр сэрүүн танхимаас гарч, монгол гутлын улаар өвс ногоо ханаруулан гишгэсээр өргөө зүг одов.
Том өргөөний голд байх зааны ясан чимэгтэй зандан ширээний ард ноёд сууж, сархад сөгнөн тулгахад хөөр баяраар дүүрэн тэдний сэтгэлийн галтай, сархдын гал нийлэн дэвэрлээ. Амар,
-Таны шүлэг лав нүдний мөрт ургаж, олон шөнийн зүүдний бясалгалд үзэгдсэн буй за хэмээн магтсанд Цогт хөхин хөөрч,
-Ихэс дээдэс маань мөнх тэнгэрийн хүчин дор наран мандахаас шингэх хүртэлх бүх ертөнц эв баясалд нэгдэхийн цагт бидний зорилго илт болох бус уу гэж байсан билээ. Номын ертөнцөөр түүний талыг бас эзэлж болно шүү
-Ертөнцийн утгаас номын утга гаргаж, номын утгаас ертөнцийн утгад оруулсан шад бүхэнд тань биширлээ
-Цагийн хүрдний хямрал, дотоод шалтгаан, гадаад нөхцөл бэрх энэ үед анд нөхрийн тус яндашгүй билээ. Бидэн хоёр андын тангараг өргөж дараагийн хундагыг тулгавал ямар вэ гэсэн хунтайжийн урмыг уухайн тас дэмжиж, Амар ноён,
-Тангаргаа бататгаж, эмээлээ сольё. Хэрэв тангаргаа мартвал эмээлээ солиод мөр мөрөө хөөнө. Гэхдээ тийм бусармаг цаг үл тохиох биз ээ гээд ноёнд дахин хундага өргөлөө. Амар ноёныг хунтайжийн эмээлийг тохон гэрийн зүг эргэхэд үр төгс намар цагийн огторгуйд гэрэлт саран мандаж, орчлонгийн хаа нэгтээ үзэмжит цэцэг дэлгэрэн, хоёр ноёны сэтгэлд бадарсан гал одоо ч төөнөсөөр. Халдутын уулын хөх чулууд мөнгөрөн үдшийн шүүдэр буужээ.
Зохиолчийн хаяг: / sanjaajav.oyun
Номын тухай буу халъя бүлгэм: / 428979821266411
Хөгжмийн зохиолч Лигдэн Наранжав: / ligden.naranjav ► / @leegy
Хэрвээ та илүү ихийг сонсохыг хүсвэл...
/ @artuzo
Анхаарал тавьсан та бүхэнд
Баярлалаа😉

[@NinaOtgonbileg]

❤❤❤Гоё

[@MajigMyagmarjaw-hq7oc]

Баярлалаа ❤❤❤❤

[@olnooaltaa9256]

Bayarlalaa ❤❤❤

[@bayalagdalaierdenechimeg2632]

🎉

[@enkhtuyaenhtuya4593]

Баярлалаа

[@saikhanbayarretl7790]

❤❤❤.bayarlallaa.

[@g.buyntogtokh]

❤❤❤❤❤

[@aagiiaagii4969]

Үнэхээр сайхан уншдаг шүү баярлалаа.

[@enkheetuya1737]

Zultsetseg uguulleg yagaad iim baga aguulagtai baidag yum boloo dutuu baih yum.3 minut unshmaarguidee ...????😮

[@user-qp1mo2ew4n]

Баярлалаа ❤❤❤❤❤