أهم 5 حاجات مينفعش تعملها لما تجيب قطة جديدة للبيت
Вставка
- Опубліковано 7 вер 2024
- عالم القطط | إزاي تعرف شخصية قطتك 🐈❤🌍
الفيديو دا اتكلمت فيه عن إزاي تعرف شخصية قطتك:
1. التدخين.
2. أنك تحرمها من الهواء الطلق "أو تحبسها ".
3. أنك تنسى تنظف طبق الماء الخاص بيها.
4. انك تتجاهل لغة الجسد بتاعت قطتك.
5. انك تسيبها في الضلمة.
في عدد قليل من الحاجات الي مفروض متعملهاش مع قطتك. لانها ممكن تصاب بالاكتئاب أو الخوف من الناس لو متعالجتش بالطريقة الصحيحة. كل القطط مختلفة عن بعض فممكن قطتك تحتاج عناية بشكل مختلف شوية. بس الحاجات دي أساسية ولازم تخلي بالك منها لو انت بتربي قطط، سواء كانوا صغار أو كبار.
1- التدخين:
من المعروف ان التدخين سلبي وضار لجميع البشر، والبشر والحيوانات زي بعض في النقطة دي. ممكن التدخين جمب حيوانك الأليف يعمله مشاكل صحية خطيرة على المدى البعيد، ومن ضمنها السرطان.
2- أنك تحرمها من الهواء الطلق "تحبسها":
حتى لو كانت قطتك جوا البيت، ف لسة في طرق بتعوضها عن الطبيعة. افضل فاتح شبابيك البيت وأهم حاجة تكون مفتوحة بطريقة تخلي القطة تقدر تشوف الي بيحصل برا وتحس بالهواء كمان، بس مش بطريقة تقدر تهرب من خلالها. ممكن كمان تحط حبوب أكل للطيور عشان القطة بتاعتك تتفرج عليهم لما ييجوا ياكلوا.
3- انك تنسى تنظيف طبق الماية الخاص بيها:
مش بس تغير طبق الماية، أو حتى تكب الماية وتحط ماية جديدة - مفروض تغسل طبق الماية كويس عشان تتخلص من الطبقة اللزجة الي بتتكون على سطح الطبق كل يوم أو يومين بالكتير. تخيل أنك بتشرب من كوباية ماية لزجة طوال الوقت!
4- انك تتجاهل لغة الجسد بتاعت قطتك:
القطط عندها طرق كتير تعبر بيها عن نفسها، بس لغة جسدهم غالباً بتكون طريقة سهلة جداً بالنسبالنا عشان نفهمها. ممكن تكون دي بردو واحدة من علامات التعاسة أو الخوف عند القطة، لو تجاهلتها أو مفهمتش هي عاوزة منك ايه. زي انها أوقات مبتكونش عاوزة حد يلمسها أو يشيلها، خصوصا في لحظات التوتر. وغالباً ممكن تهاجمك في الوقت دا أو تئذيك. مفروض تركز وتشوف عدد المرات الي قطتك بتحب انك تشيلها فيها عشان متدايقهاش ف الأوقات التانية، يعني ممكن تشيلها وتسلم عليها أول ما ترجع من الشغل ، أو ممكن تزعقلها لو عملت حاجة غلط. القطط حساسة جداً للصوت وممكن تخاف منك لو كان صوتك عالي جدًا حواليها.
5- انك تسيبها في الضلمة:
ممكن تتأثر القطط بالاضطراب العاطفي الموسمي زي ما بيتأثر البشر بالظبط ، عشان كدا لازم تتأكد ان ضوء الشمس بيوصل لقطتك علطول. لازم برضو متخرجش من البيت وتسيبه ضلمة جداً ، لان دا ممكن يحسس قطتك انك اتخليت عنها وسيبتها. حاول تسيب شوية ضوء مفتوح عشان تحسسها انك هترجع قريب.
بتمنى تكونوا حبيتوا الڤيديو و استفدتوا منه ❤️
رابط قناتي على التيك توك 👇🏻💕:
vm.tiktok.com/...
تذكير: جدول التنزيل كل يوم أحد وثلاثاء وخميس.
اتفرجوا على الفيديو بتقنية ال ( 1080p )عشان تشوفوا كل حاجة بوضوح .
~ اسئلة و اجوبة سريعة ~
الاسم : منار محمد
العمر : 20 سنة
الجنسية : مصرية
برنامج المونتاج: AceMovi video editor
اسمائي على مواقع التواصل الاجتماعي :
تيك توك: @cats_world2020
اشتركوا بالقناة عشان نوصل 10k ،، انشروا القناة في كل مكان.
( ماتنسوش تعملوا لايك للفيديو عاوزين نوصل 100 لايك )
استغفرالله العظيم و اتوب اليه✨
سبحان الله و بحمده سبحان الله العظيم 💫
بحبكوا كتير، أشوفكوا الفيديو الجاي على خير إن شاء الله .
❤️
#عالم_القطط #قطط #مشاكل_القطط #حب #شخصيات_القطط #fyp #cats
اللهم صل وسلم على محمد وعلى آله وصحبه أجمعين ❤️
عليه أفضل الصلاة والسلام ❤
جميل جداً ❤
شكراً ❤
بالتوفيق يارب
شكراً ❤