كيف أمسيت -

‏﮼گيف،أمسيت؟
بعد طول الجفَا والهجر گيف أمسيت؟
أنا ع الشطّ ذاته طول ممسايه
على صوت البحَر والطّير .. كم غنّيت!
وأنا ادري ما سواگ يحسّ بغنايه
شمَس يومي تودّعني على (ياليت):
تلاقيني (مسا غد) وانته امعايه
صحيح أني من الأدماع ما هلّيت
لگن لي قلب باگي داخل احشايه
اشوم القاف راجي گلّمَا قاسيت
من اشواقي .. يترجم خافي اعنايه
رجيت يخفّ مگنوني اذا عدّيت
من أشعاري .. واثره يزيد بلوايه
على فرقى مثيلگ گيف ما عانيت؟
بَرَى حالي فراقگ بَرْي مبرايه
وأنته .. ما مثيلگ ف الخلايق ريت
وقبلگ ما عزف لي الرّاعبي نايه
تضيق بي الوسيعة وين ما لدّيت
لا لارض ارضي ولا حتّى السّما اسمايه
أنا هذا مسايه وانت .. گيف أمسيت؟
عسا ممساگ هاني .. غير ممسايه
---------
كلمات: عبدالله بن رميله العامري
‏Twitter & Instagram @BinRumaila
ألحان: نبض
غناء: عبدالرحمن الجنيد
‏Instagram: @a_aljunaid90
---------
Videos from Gran Hotel - Spanish TV show produced by Tabu Producciones