Zilzila ortidan Marokash ahli ko’chalarda tunamoqda

Fojiali zilzila qayd etilgan Marokashda aholi uchinchi kecha ham ko'chalarda tunadi. 8-sentabr oqshomida yuz bergan 6,8 balli zilzila 2100 dan ziyod odamning o'limiga sabab bo'ldi. Yo'llar yopilib qolib, texnika va transport yetib borishi qiyinlashgan chekka hududlarda qidiruv-qutqaruv operatsiyalari nisbatan kech boshlangan. Qurbonlar soni ortishi kutilmoqda. BMT bayonotiga ko'ra, zilzila tufayli jabr ko'rganlar soni 300 mingdan oshiq. Marokash rasmiylari shu kungacha faqat to'rt mamlakat - Ispaniya, Qatar, Britaniya va Birlashgan Arab Amirliklari yordam qo'lini cho'zgani haqida bayonot bergan.