Money has a narcissist, and how do they use it to manipulate you, humiliate and exploit you ?

ازاى النرجسي بيستخدم المال علشان يتلاعب بيكى
النهاردة هنتكلم عن النرجسي والفلوس احد اهم الاسباب اللى بتخلى النرجسي بيحب الفلوس انه بيركز بشكل اساسي على صورته قدام نفسه وتصوير نفسه على انه مميز ومتفوق واحسن من الناس كلها تنميه فلوس النرجسي وثروته اهم عندة الف مرة من تنميته لشخصيته او حتى لشخصيه اولادة او تربيتهم مش مهم ابدا هو انسان كويس او اخلاقه ضحله مش مهم ابدا هو بيراعى ربنا او بيتقى الله او لأ مش مهم ابدا الحقيقه ايه المهم الناس شايفاة ازاى وهو مظهرة ايه قدام الناس غير حصوله على الوقود النرجسي مفيش حاجه عند النرجسي اهم من الفلوس او انه يكون فى حياة اشخاص عندهم فلوس
علشان كدة خلونا نتكلم عن الطرق اللى بيستخدم فيها النرجسي الفلوس للسيطرة والقوة على ضحاياهم
خاصه النرجسي الصريح
1- فى البدايه وفى اول العلاقه بيكون كريم جدا ياخدك فسح غاليه وخروجات يدفع فيها اد كدة وعزومات على الغدا او العشا فى فنادق ومطاعم شيك جدا يشتريلك هدايا غاليه وكتيرا ولو خارجين مع شله من الاصحاب او مجموعه يتعمد يظهر فلوسه قدامهم وانه غنى ومعاة فلوس ممكن يدفع الحساب ليهم كلهم ويدفع بقشيش او تيبس عالى اوى علشان يزغلل عنين اللى معاة بفلوسه ويقولهم انه احسن منهم وطبعا لو انتى مش فاهمه ايه هى النرجسيه هتنخدعى بسهوله وتقولى اد ايه هو لطيف وكريم وذوق استخدام النرجسي للفلوس بالطريقه دى فى بدايه العلاقه دة من ضمن مرحله الحب الذهبيه او قصف الحب عارف وفاهم انه بكدة بيعلقك بيه وبيبان قدامك بالصورة المثاليه اللى انتى نفسك فيها
2- النرجسي بيستخدم المال علشان يذل اللى قدامه ويحطمه ويعامل االى معاة على انه اقل منه حتى لو كان هو ماعندوش المال اللى هو يعنى يخليه ثري اى حاجه تحسسه انه مميز ومتفوق واحسن من غيرة
تلاقيه مثلا بيتباهى بسيارته وبيتعمد يقول ماركه سيارته فى كل جمله او لقاء بينه وبين اى حد يعرفه جديد ويقارن طول الوقت بين سيارته وسيارة اللى بيتعرف عليه جديد
وممكن كمان لو هو ماشي فى طريق يتنرفز اوى لو سيارة ماركتها اقل من ماركه سيارته او ارخص منها تسبقه ويصمم انه يحصلها ويسبقها زى ما يكون دة بيجرح احساسه وبيجرح غرورة
النرجسي علشان يحس انه متميز ومتفوق واحسن منك لازم يذلك بالفلوس اللى عندة يعنى لو عايزة فلوس لازم تتذللى ليه لازم تروحيله وتتحايلى عليه وتبينيله اد ايه انتى ماتقدريش تعيشي من غير فلوسه وهو بقه على حسب حالته المزاجيه على حسب موودة هيقرر يديلك الفلوس اللى طلبتيها او لأ ويديلك اد ايه كمان ممكن يفاصل وما يديلكيش اللى طلبتيه يديلك اقل منه على اعتبار انه بيمن عليكى وبيديلك صدقه بطريقه مهينه جدا ليكى ويستمتع اوى وانتى بتطلبي وبتشرحى ليه انتى عايزة الفلوس دى وهتعملى بيها ايه بيكون مقتدر وربنا فاتحها عليه ويدقق فى تفاصيل وحاجات غبيه زى الديسكاونت او الخصومات اللى ممكن تكون على الحاجه حتى لو الديسكاونت دة قليل اوى ما يستاهلش يعنى او ان الحاجه ممكن تاخديها فور فرى او لا المهم تبرريله كل قرش ممكن تكونى عايزاة لازمته ايه
3- كمان النرجسي هيستخدم المال فى مرحله الهوفرينج بعد مايكون استنزف طاقتك وخلاكى تنهارى من الحزن والالم واساء اليكى لساعات وا لشهور او لسنين لكن هنا مش هيكون الصرف زى مرحله اللوف بيامبينج او قصف الحب لأ هيكون اقل بكتيرر لأنه بيكون خلاص برمجك وخلاكى بأقل القليل بترضى يعنى يادوب هديه سخيفه من هداياة هتقضى الغرض قلم روج بوك صغير من ابو 10 جنيه بالكتير اوى ويوم مايبقى يعنى كريم اوى وعامل معاكى احلى واجب يروح يجيبلك حاجه دهب صينى وكدة حلو اوى عليكى بيعتبر كدة انه ليه كل الحق انه يذلك ويسيء ليكى لانه بيصرف عليكى
طب والنرجسي الخفى ازاى بيستخدم الفلوس معظم النرجسيين الخفيين ما بيكونوش اثرياء اوى ولا عندهم فلوس كتيير يعنى وبالرغم من كدة فهو اكتر واحد يحب ويعشق الفلوس وبيكون بارع جدا فى استغلال الاخرين والتلاعب بيهم طبعا انتى عارفه ان النرجسي الخفى دايما بيعيش فى دور الضحيه الفقير وهو بارع وشاطر جدا فى اثارة الشفقه واحساس الذنب للى بيتعامل معاة علشان يقدر ياخد منه فلوس ولو حط عينه عليكى فدة بيكون لانه شايف اللى معاكى مش شايفك انتى خالص حتى لو هو معاة بيتعمد يبان قدامك انه فقير وغلبان وان اللى معاة دة فلوس ناس هيسددها لكن هو ياعينى مش معاة يصرف على البيت ولا حتى على نفسه ما يتكسفش ابدا ابدا انه يطلب منك مصروفه الشخصى وكمان يطلب منك انك تدفعى الايجار او فلوس الغاز او فلوس الاكل والشرب لانه ياعينى مش معاة وتبقى شايفه الفلوس كتيير فى محفظته
لو كنتى بقه بتتعاملى مع نرجسي خبيث فحدث ولا حرج كل حاجه ممكن تتوقعيها منه عادى جدا ممكن يسرق فلوسك من وراكى ياخد ال اى تى ام بتاعتك من غير مايقولك يزور امضتك اى حاجه وكل حاجه تخليه يوصل لهدفه انه يستغلك وقت ماهو عايز للاسف النرجسي الخبيث خطير جدا مابيرحمش وطالما الموضوع متعلق بالفلوس فاعرفى انه هيستنزفك لاخر قرش فى جيبك
اوعى تفضلى تحت رحمه النرجسي وتحت سيطرته الماديه لو انتى مش يتشتغلى ارجوكى حاولى تشتغلى ويكون ليكى دخل خاص بيكى اعملى اى حاجه اشتغلى شغل ابرة اعملى اكل بيتى من البيت وبيعيه اشتغلى اون لاين فى الخدمات المدفوعه زى الفويس اوفر او الترجمه اوادخال البيانات اى حاجه دورى واجتهدى وما تستخسريش فى نفسك المحاوله
الاعتماد على النرجسي ماديا بطريقه كليه من اهم واقوى الاسباب اللى بتخليه يسيء ليكى لو النرجسي حس انك قويه بفلوسك او شغللك وانك تقدرى تستغنى عنه وتبعدى من غير ماتنهارى وتقعى لانك مالكيش دخل دة بيخليه يخاف منك ويعملك الف حساب وكمان دة هيخلى قرارك انك تبعدى عن اسائته وعن حياته اللى لا تحتمل اسهل واسرع فى رأيي انا الفلوس هى اول واهم سبب بيخليكى مش قادرة تسيبى النرجسي قبل اولادك وبيتك والكلام اللى بسمعه دة كله لان لو عندك المال هتقدرى تصرفى على اولادك وهتقدرى تأمنى لنفسك مكان تعيشي فيه مع اولادك بعيد عن النرجسي
#ناجيه_من_جحيم_نرجسى