ကျောက်ဖရာမြစ်တစ်ဘက်ကမ်းက Bang Kachoဆိုတဲ့မြို့လေးမှာ စက်ဘီးသွားကြမယ်

ဖော်ရွေတဲ့ မြို့သူမြို့သားတွေရှိတဲ့ ကျောက်ဖရာမြစ်တစ်ဘက်ကမ်းက Bang Kachoဆိုတဲ့မြို့လေးမှာ စက်ဘီးသွားကြမယ်
မွန်းကြပ်လှတဲ့ဘန်ကောက်မြို့ကနေ ရှောင်ရှားပြီး တစ်နေ့တာ ခရီးတိုလေးထွက်ချင်တဲ့သူတွေတွက်ကတော့ ကျောက်ဖုရားမြစ်တစ်ဘက်ကမ်းမှာရှိတဲ့ Bang Krachao (Bang Krachao)ဆိုတဲ့မြို့လေးကို BTS စီးပြီးတော့ သွားရောက်လည်ပတ်ရတာပါပဲ။
ခရီးတိုလေးဖြစ်တာမို့ လမ်းစရိတ်လည်းသိပ်မကုန်ဘဲ ဒီခရီးစဉ်လေးအတွက် နောင်တလုံးဝရမှာမဟုတ်ဘူးဆိုတာတော့ အသေအချာပါ။
မြို့လေးကလည်း သန့်ရှင်းသပ်ရပ်နေပြီး စက်ဘီးစီးပြီးလျှောက်သွားရပေမယ့် ပင်ပန်းတယ်လို့မထင်မိဘဲ စိတ်ထဲကနေအလိုလိုပျော်ရွှင်မိနေတာပါ။
စက်ဘီးမြို့လေးဖြစ်တာမို့ ကားလမ်းတွေဘေးမှာ စက်ဘီးစီးတဲ့သူတွေအတွက် သီးသန်းလမ်းနေရာတွေထားပေးတာမို့ ကားတိုက်မိမှာလည်းပူစရာမလိုဘဲ အေးအေးဆေးဆေးစီးလို့ရပါတယ်။
ဘေးတစ်ဘက်တစ်ချက်က သစ်ပင်ရပ်လေးတွေ မန်းကျည်းပင်ရိပ်လေးတွေမြင်ရရင်လည်း တစ်ခါတစ်လေ အညာဒေသရောက်သွားသလိုခံစားမိပါသေးတယ်။
အေးချမ်းပြီးတော့ ချစ်စရာကောင်းတဲ့မြို့လေးနာမည်ကတော့ Bang Krachao (Bang Krachao)
အေးချမ်းသာယာလွန်းလှတဲ့မြို့လေးဖြစ်ကာ ကျွန်းတစ်ကျွန်းနှင့် ဆင်တူပြီး ဘန်ကောက်ရဲ့ တောင်ပိုင်းတွင်တည်ရှိတဲ့ မြို့လေးတစ်မြို့လည်းဖြစ်ပါတယ်။
Traveling To Bang Krachao (Kung Bang Kachao)
ထိုင်းနိုင်ငံမှာ ကိုယ်ပိုင်ကားမရှိတဲ့သူတွေအတွက်တော့ BTS Skytrain နှင့်ခရီးထွက်ရတာဟာအဆင်ပြေဆုံး Short Trip လေးတွေလည်းဖြစ်ပါတယ်။
Kung Bang Kachaoရဲ့ တစ်နေ့ခရီးလေးကိုအစပြုမယ်ဆိုလျှင်တော့ BTS Skytrain Green Lineကိုစီးပြီးတော့ Bang Na BTS မှာဆင်းရမှာပါ။
ပြီးလျှင်တော့ Exit 2 (Wat Bang Na Nai)ကနေထွက်ပြီး Bat Bang Na Nok Pier သို့ ဆိုင်ကယ်စီးပြီးဆက်သွားရပါတယ်။ ဆိုင်ကယ်ခကတော့ နှစ်ဆယ်ဘတ်ပါ။
လှေဆိပ်ကိုရောက်လျှင်တော့ မြစ်တစ်ဘက်ကမ်းကိုကူးမယ့် ကူးတို့သဘောတွေ ဆိပ်ကမ်းမှာ ဆိုက်နေတာကိုမြင်ရမှာပါ။ ဆိုင်ကယ်တွေအများကြီး တင်ထားတဲ့ သဘောကို တွေ့တာနဲ့ တက်လိုက်သွားရုံပါပဲ။
လည်ပတ်စရာနေရာတွေအများရှိပေမယ့် Admin အဓိကသွားလည်ဖြစ်ခဲ့တဲ့နေရာနှစ်ခုကတော့ Floating Market နဲ့ Bangkok ရဲ့ Oasis ရဲ့ပြောလို့ရလောက်တဲ့ Sri Nakhon Khuean Khan Park And Botanical Gardenပါ။
နောက်ဆုံးတစ်ခုထပ်ပြောချင်ကြတာကတော့ နေ့လည်ဆို စက်ဘီးစီးတဲ့အခါနေပူပါတယ်။
ဒါကြောင့် ဉီးထုပ်ရယ် လက်ရှည်ရယ်ယူသွားပါ။
အပင်ပန်းမခံနိုင်တဲ့သူတွေ တစ်ခုခုဆို စွန့်စားရတာမကြိုက်ဘဲ ညည်းညူတတ်တဲ့သူတွေသွားရောက်လည်ပတ်ဖို့မသင့်ပါဘူး။
ဘာပဲဖြစ်ဖြစ် စက်ဘီးစီးရတာကြိုက်တယ် လေကောင်းလေသန့်လေးတွေးရူရှိုက်ချင်တယ်။
သဘာဝကိုနှစ်သက်တယ် အပင်ပန်းလည်းခံနိုင်တယ်ဆိုမှပဲ သွားရောက်လည်ပတ်သင့်ပါတယ်။
အဲ့လိုလူတွေအတွက်ကတော့ ဘယ်နေရာပဲရောက်ရောက် အကောင်းဘက်ကနေမြင်တတ်ရင်တော့ ပျော်စရာဖြစ်နေမှာပါ။
သွားရောက်တုန်းက Aprilလကမို့ ငုဝါပန်းတွေ စိန်ပန်းတွေရှိတော့မှမဟုတ်ပါဘူး။