«ត្រូវមានគំនិតខាងវិញ្ញាណនិងស្មារតីប្រុងប្រយ័ត្ន» Be Spiritually Minded And Alert ដោយ Pastor Chris
Вставка
- Опубліковано 7 вер 2024
- #ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី២៨ ខែមករា ឆ្នាំ២០២៤។
«ត្រូវមានគំនិងខាងវិញ្ញាណនិងស្មារតីប្រុងប្រយ័ត្ន» Be Spiritually Minded And Alert
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ដ្បិតគំនិតខាងសាច់ឈាម នោះជាសេចក្ដីស្លាប់ទទេ ឯគំនិតនៃព្រះវិញ្ញាណ នោះទើបជាជីវិត នឹងសេចក្ដីសុខសាន្តវិញ» (រ៉ូម ៨:៦)។
ក្នុងនាមជាគ្រីស្ទបរស័ទ យើងត្រូវតែមានចិត្តគំនិតខាងវិញ្ញាណ ហើយប្រុងប្រយ័ត្នគ្រប់ពេល ព្រោះយើងជាទាហានក្នុងជួរទ័ពរបស់ព្រះ ដែលចូលរួមក្នុងសង្គ្រាមខាងវិញ្ញាណ។ អេភេសូរ ៦:១២-១៣ ចែងថា «ដ្បិតយើងរាល់គ្នាមិនមែនតយុទ្ធនឹងសាច់ឈាមទេ គឺនឹងពួកគ្រប់គ្រង ពួកមានអំណាច នឹងពួកម្ចាស់នៃសេចក្ដីងងឹតនៅលោកីយនេះវិញ ហើយទាស់នឹងអំណាចអាក្រក់ខាងវិញ្ញាណ នៅស្ថានដ៏ខ្ពស់ដែរ...»។
បន្ទាប់មក ២កូរិនថូស ១០:៤ ប្រាប់យើងអំពីសស្ត្រាវុធរបស់យើងក្នុងសង្គ្រាមដែលកំពុងបន្តនេះ៖ «ព្រោះគ្រឿងសស្ត្រាវុធពិជ័យសង្គ្រាមរបស់យើងខ្ញុំ មិនមែនជារបស់ខាងសាច់ឈាមទេ គឺជាឥទ្ធិឫទ្ធិដែលមកពីព្រះ សំរាប់នឹងរំលំទីមាំមួនវិញ» ។ ទោះបីជាសង្រ្គាមតែងតែកើតមានក៏ដោយ យើងមិនត្រូវបានគេប្រាប់ឱ្យច្បាស់ថានៅពេលណា ដែលសមរភូមិនីមួយៗនឹងកើតឡើងនោះទេ ប៉ុន្តែព្រះចង់ឱ្យយើងរៀបចំគ្រប់ពេលវេលា។ ទ្រង់ប្រាប់យើងអំពី «ថ្ងៃអាក្រក់» (អេភេសូរ ៦:១៣) ។
«ថ្ងៃអាក្រក់» មានន័យថាថ្ងៃប្រយុទ្ធ។ ការប្រយុទ្ធគឺជាការប្រយុទ្ធពិតប្រាកដនៃសង្គ្រាម។ អាស្រ័យហេតុនេះហើយ យើងត្រូវតែត្រៀមខ្លួនប្រយុទ្ធដោយការគិតខាងវិញ្ញាណ ត្រូវមានភាពវ័យរហ័សខ្លាំងទៅនឹងព្រះវិញ្ញាណបរិសុទ្ធ ហើយធ្វើតាមសញ្ញារបស់ទ្រង់។ យើងមានមារសត្រូវដែលយើងត្រូវតតាំងនោះគឺ-សាតាំង។ សាតាំងវាមិនចេះតែចូលដេកនោះទេ។
១ពេត្រុស ៥:៨-៩ ចែងថា «ចូរឲ្យដឹងខ្លួន ហើយចាំយាមចុះ! ព្រោះអារក្ស ដែលជាខ្មាំងសត្រូវរបស់អ្នករាល់គ្នា វាតែងដើរក្រវែល ទាំងគ្រហឹមដូចជាសិង្ហ ដើម្បីនឹងរកអ្នកណាដែលវានឹងត្របាក់លេបបាន។ចូរតស៊ូនឹងវា ដោយមានចិត្តជឿមាំមួន...»។ អេភេសូរ ៦:១០-១១ ចែងថា «...ចូរឲ្យមានកំឡាំងឡើងក្នុងព្រះអម្ចាស់ ដោយឫទ្ធិបារមីរបស់ព្រះចេស្តាទ្រង់។ ចូរពាក់គ្រប់គ្រឿងសឹករបស់ព្រះ ដើម្បីឲ្យអាចនឹងឈរមាំមួន ទាស់នឹងឧបាយកលទាំងអម្បាលម៉ានរបស់អារក្ស»។
អ្នកមានអំណាច និងសិទ្ធអំណាចលើពួកគ្រប់គ្រង ពួកមានអំណាច នឹងពួកម្ចាស់នៃសេចក្ដីងងឹតនៅលោកីយនេះវិញ ហើយទាស់នឹងអំណាចអាក្រក់ខាងវិញ្ញាណ នៅស្ថានដ៏ខ្ពស់ដែរ។ ចូរប្រើសស្ត្រាវុធខាងវិញ្ញាណដែលមានរៀបរាប់ក្នុង អេភេសូរ ៦:១៤-១៨ ដើម្បីបង្អាក់គំនុំ និងល្បិចរបស់ពួកមេកំណាចទាំងនោះ ហើយកម្ចាត់ចោលនូវអំពើអាក្រក់ទាំងអស់របស់ពួកវាផងចុះ។ ហាលេលូយ៉ា!
#សេចក្ដីអធិស្ឋាន
ឱព្រះវរបិតាអើយ គំនិត និងសេចក្តីស្រឡាញ់របស់កូន ស្ថិតនៅលើព្រះអម្ចាស់ និងអ្វីៗដែលទាក់ទងនឹងព្រះគ្រីស្ទ ដំណឹងល្អរបស់ទ្រង់ និងនគរទ្រង់ដ៏អស់កល្បជានិច្ច។ កូនរស់នៅក្នុងព្រះបន្ទូល ហើយដើរក្នុងមនសិការពេញលេញនៃនគរខាងវិញ្ញាណដែលកូនជាកម្មសិទ្ធិ។ កូនត្រូវបានដឹកនាំដោយព្រះបន្ទូល ហើយកូនរក្សាអំណាចរបស់កូនលើសាតាំង និងភាពសំខាន់នៃសេចក្ដីងងឹត ក្នុងព្រះនាមព្រះយេស៊ូវគ្រីស្ទ។ អេមែន។ សូមព្រះប្រទានពរ!
#ការសិក្សាបន្ថែម៖ រ៉ូម ៨:៥-៨ យ៉ាកុប ៤:៤ កាឡាទី ៦:៨ និង រ៉ូម ៨:១៣-១៤ (ការកើតជាថ្មីកម្ពុជា)
