خالد ال بريك & محمد خالد ضحيان | صوادف الايام تعطيك تحذير | ايامنا ما هي بدايم مغاتيير 2024 حصرياً

‼️ تنبيه ‼️ لأصحاب القنوات جمييع الحقوق محفوظه .. والأعمال حصريه على القناة نسخ او تحميل المحتوى وإنتهاك حقوق النشر يعرض حسابك وقناتك للإغلاق ❗️
كلمات الشاعر ::
محمد خالد بن ضحيان
اداء المنشد ::
خالد ال بريك
تصميم ::
لطام الدوسري
…
طلب التصميم اتواصل وتساب مباشر👇🏻:
‏iwtsp.com/9665...
-
سنابي حياكم الله .
‏www.snapchat.c...
. . . . .
الكلمات ::
صوادف الايام تعطيك تحذير
وتذكر الغافل وش اللي مضى له
ايامنا ما هي بدايم مغاتيير
مترنحه ما بين ميل وعداله
الادمي يقطع وراها المشاوير
ويواكب التغيير باللي بدى له
يمنهج اهدافه على خطة السير
وياصل طموحاته ويبلغ مناله
عكس الذي ما له تصرّف وتدبير
عن واقعه معزول داخل خياله
دوامةٍ فيها تحير التعابير
تضرس وتفتر مثل فر المحاله
مع ان اثرها فيه للنفس تدمير
ما حرّكت ساكن وهو ما طراله
وهذا الكلام يخص بعض الشواعير
للمبدع وللي على الشعر عاله
شعار يحتاجون فرصة وتطوير
وشعار يحتاجون مشروع ازاله
الشعر ملو منه بعض الجماهير
في وقتنا الحالي وش اللي جراله
تلخبطت كل الاسس والمعايير
قليل منهو ينفرد بالجزاله
ما غبت والله عن جميع المحاضير
لكن باب الشعر قافل مجاله
صرفت هاجوسي الى الامر الاخير
اما اني ارجع للقصيد استحاله
والظرف هذا ظرف يفرق عن الغير
لازم اوصل فكرتي من خلاله
قبل سنه بين العنا و التفاكير
وظروف تجبرني على الانعزاله
جاني اتصال وقال مسيت بالخير
مفروض انا اللي اتصل و عناله
قال الصعايب بأمر ربي تياسير
وانهى الدعاوي كلها بـ اتصاله
هذا ابو منصور ريف الخطاطير
في كل يوم مسوي له جماله
غيره جميله لاجل شهره و تصوير
خابت مساعيه ولا طاب فاله
وحسين ياما يفعل الطيب والخير
يطلب رضى الله ما يدور بداله
عند اللوازم ما يسوق المعاذير
مرخص لمن ينصاه حاله وماله
ابو يمينٍ ماتحسب المخاسير
تعطي يمينه دون تدري شماله
يدفن فقر من دهورته المقادير
من دفتر الشيكات ولا الحواله
ينصونه اللي لا وظيفه ولا غير
يفزع لهم ويودعون البطاله
يورد الضامي على جمة البير
يالين وسط البير تارد حباله
حاز النعم و الطيب من يومه صغير
من قبل يلبس فوق راسه عقاله
قمة حضن مع قمة طويق والنير
هذي قمم و حسين قمه لحاله
عمي وله عندي معزه و تقدير
والرجل يحفظ قدر عمه وخاله
ابذل له المجهود من دون تقصير
واشوف نفسي واحدٍ من عياله
وجدي معقب له سيوفٍ بواتير
عند المواقف تحتمي كل قاله
سلايل ضحيان روس المناعير
اهل الحميا والكرم والشكاله
النهج ثابت ماحصل فيه تغيير
تاريخهم على معزه و طاله
من عزوةٍ باقي لها اليوم تاثير
على الكيان اللي جميع انتماله
سمو البقوم اللي تقود الطوابير
نصرة ملوكٍ ينصرون العداله
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
‏SNAPCHAT : g-rii2
‏Whatsapp : ‭[phone]
-
#خالد_ال_بريك #البقوم

[@g-rii2]

سنابي حياكم الله .
‏www.snapchat.com/add/g-rii2?share_id=jCqhTuWfQSqRrGwjaoALJQ&locale=en_AE

[@البندري-م9ت]

والله ماعرفه بس اذا هذي فعولة عزالله كفو وجعلة في الوجود هو وشرواه الطيبين

[@MHRE9ii]

ونعم بني عمي عيال ضحيان الدغفلي طيبهم دايم فالعلوم الغانمه جعلهم فالوجود من هـذيلي 🫡

[@ناصرراشدالخالدي]

الكتب اليمنى الكتب اليسرى ضع بصمتك صح لسانك

[@ZayedBinSultan1]

صح لسانك يا ابو خالد و يستاهل عمي ابو منصور و انشهد انه يستاهل

[@yzharbi2322]

الله يرحم الشيخ خالد بن ضحيان اللي عقب لنا حصان … صح لسانك يا العضيد ❤️

[@قناةالهجرةالنبوية]

محمد خالد
رفيق الدراسه❤❤❤

[@Yaz__k52]

سلايل ضحيان روس المناعير
اهل الحميا والكرم والشكاله
أشهد بالله إنه صحيح واللي عاشركم يعرف هالشي
ونعم وسبعة أنعام في ذمتي وصح لسانك يابو خالد 👏🏽

[@-Fares-1]

صح لسانك يابوخالد ويستاهل عمي ابومنصور وانشهد انه يستاهل

[@AaNnn-b4o]

صح لسانك يابو خالد والله من المرجله والطناخه الله يسقي ايام الكلية بالخير اللي عرفتني عليك

[@يوسفالحربي-ط6ز8ه]

ماشاء الله على الشاعر عز الله شعره مليان جزاله

[@فارسالبقمي-ط2ظ]

والله الي كفو يابني ضحيان

[@bbbbbbj5026]

صح لسانك يابو خالد لله درك ابدعت ابدعت ابدعت والله اني شغلتها اكثر من مره نسلم و نستلم على الشيله ويستاهل الشيخ حسين بن ضحيان المدح و الاطراء
ملاحظة : ليتني لم اسمع البيت ذا منك يابو خالد
صرفت هاجوسي إلى الامر الاخير
اما اني ارجع للقصيد استحاله 💔

[@hailksaa]

صح لسانك عز الله جزل القصيد منطوقك

[@fbg9774]

صح لسان ابو خالد شاعر الجزله

[@shaylseafoh]

شيلة متكاملة وناجحة ، تحياتي

[@خالدمحمد-ظ6ب2ك]

صح لسانة قصيدة جزلة

[@b0p2]

الي يبي الشهره ابن قروش ونعم فيه ابن عمي لاكن اذا بيهدي ولا يعطي مهوب لازم تصوير 👍🏻

[@ab...8433]

ونعم بالدغافلة لاد جغثوم

[@قصايد-ش8ح]

كفوووو يبو خالد

[@alsalmi2004]

صح لسانك يابو خالد ورحم الله والدك
ويستاهل ابو منصور كفوا
وال ضحيان كلهم كفوا ويستاهلون المدح ويزهاهم .
سلال ضحيان روس المناعير .. اهل الحميا والكرم والشكاله 👍
وشهادتي فيهم مجروح لاني اعتبرهم اخوان / لافي الحربي

[@aldawsari.]

5:30

[@aldawsari.]

0:32

[@pedrolomba7226]

❤🎉❤🎉❤🎶🎵🎶😀🎉🎉