مادام هي ماراعت شعورك الشاعر حاتم حسن الدابي ************* مادام هى ما راعت شعورك ولا ضميرا هى استحى.. أنساها والبكا مابيفيد قشقش دموعك وأمسحه.. كلمنى شن وداك قبيل تظهر مشاعرك تفضحه.. خليت حى السوق رياض يانعه وزهورا مفتحه.. طولت إيدك لى قطوف زهره وغميسه مسارحه.. زى ما هى عاشقه الإغتراب برضو إنت عاشق ملمحه.. ما كنت يا مظلوم دوام دايماً" تشكرأ تمدحه.. وما ترضى لو كان بالغلط بى كلمه إنسان يجرحه.. ما كت فوق كل البنات تسرد محاسنا تشرحه.. كانت عواطف إنسان ضعيف ساكت جناحى مجنحه.. إن شاء الله منها تتعظ تكون عظات تتوشحا.. كانت حساباتك غلط فى القسمه والضرب إتمحه.. اتأنى فى جبر الكسور براحه أجمعا وأطرحه.. وآخر شى كان تعرف براك حتى الغرام بقى مصلحه.. بت حوأ يا مظلوم بقت بالمال عقولأ ملقحه.. يا ريت قلوبنا الناس بعد ما تحب تخش المشرحه.. يبدو المكامن فى القلوب كيف الشرايين تنضحا.. يتراجع الأخدو اللسان صح والله زى ضل الضحى.. مغروره ما دارت سكون بلدن شقاوه ودردحه.. لا تمشى تنزل بى تحت لا حتى أرضك تنقحه.. لا بوغه لا موية شراب لا واطه ماها مصلحه.. لا شلت للمحرات فطور لا شتله ماها مصفحه.. كانت قبيل طمعانه فيك فارسن جيوبو متمسحه.. دايراكا يوم جيت للعرس نارالله فى الناس تقدحه.. الشيلة بالشنط الكبار مقفولة راقدة مبطحه.. فى الحلى والناس دار تشوف راجين متين تجى تفتحه.. وكان بالا فى شهر العسل طول الزمن ما يبرحه.. ترحل معاك لى بيت كبير موكيت وحيطو مسلحه.. عربيتك الملك الحلال ..جلد النمر والملفحه.. بوتوجاز مولع وديب فريزر وأب رموت والمروحه.. تسرق مناها قبل يتم وكل المشاعر تضبحه.. ويا جعفر الحياه مدرسة ودايما مقررا فى الصحى ممكن نعينك فى الدروس لو إنت غلبك تشرحه وأعرف بأنو أول درس الزول بياكل المقدحه ما دام هي ماراعت شعورك. .
مادام هي ماراعت شعورك
الشاعر حاتم حسن الدابي
*************
مادام هى ما راعت شعورك
ولا ضميرا هى استحى..
أنساها والبكا مابيفيد
قشقش دموعك وأمسحه..
كلمنى شن وداك قبيل
تظهر مشاعرك تفضحه..
خليت حى السوق رياض
يانعه وزهورا مفتحه..
طولت إيدك لى قطوف
زهره وغميسه مسارحه..
زى ما هى عاشقه الإغتراب
برضو إنت عاشق ملمحه..
ما كنت يا مظلوم دوام
دايماً" تشكرأ تمدحه..
وما ترضى لو كان بالغلط
بى كلمه إنسان يجرحه..
ما كت فوق كل البنات
تسرد محاسنا تشرحه..
كانت عواطف إنسان
ضعيف ساكت جناحى مجنحه..
إن شاء الله منها تتعظ
تكون عظات تتوشحا..
كانت حساباتك غلط
فى القسمه والضرب إتمحه..
اتأنى فى جبر الكسور
براحه أجمعا وأطرحه..
وآخر شى كان تعرف براك
حتى الغرام بقى مصلحه..
بت حوأ يا مظلوم بقت
بالمال عقولأ ملقحه..
يا ريت قلوبنا الناس بعد
ما تحب تخش المشرحه..
يبدو المكامن فى القلوب
كيف الشرايين تنضحا..
يتراجع الأخدو اللسان صح
والله زى ضل الضحى..
مغروره ما دارت سكون
بلدن شقاوه ودردحه..
لا تمشى تنزل بى تحت
لا حتى أرضك تنقحه..
لا بوغه لا موية شراب
لا واطه ماها مصلحه..
لا شلت للمحرات فطور
لا شتله ماها مصفحه..
كانت قبيل طمعانه فيك
فارسن جيوبو متمسحه..
دايراكا يوم جيت للعرس نارالله فى الناس تقدحه..
الشيلة بالشنط الكبار مقفولة راقدة مبطحه..
فى الحلى والناس دار تشوف راجين متين تجى تفتحه..
وكان بالا فى شهر العسل طول الزمن ما يبرحه..
ترحل معاك لى بيت كبير موكيت وحيطو مسلحه..
عربيتك الملك الحلال ..جلد النمر والملفحه..
بوتوجاز مولع وديب فريزر وأب رموت والمروحه..
تسرق مناها قبل يتم وكل المشاعر تضبحه..
ويا جعفر الحياه مدرسة ودايما مقررا فى الصحى
ممكن نعينك فى الدروس لو إنت غلبك تشرحه
وأعرف بأنو أول درس الزول بياكل المقدحه
ما دام هي ماراعت شعورك. .
الكرامة اهم من الحب والمشاعر جميل جدا يا عبد القيوم
رااااااااائع ياعبدالقيوم
ياسلام ياخ كلام جميل
يا سلام على الكلام الجميل
في قمه الروعه
يا سلام والله
ابدااااع
شعوى جميل
حقيقه البكاء مابيفيد
اتأنى في جبر الكسور براحه اجمعه واطرحه
ياسلام
ماهر ودشعيب ياريد قلوب الناس بعد ما تحب تخش المدرسة
اخر شي كان تعرف انو الغرام بقي مصلحه :
حتى الغرام بقى مصلحه