陳郎 - 三年前的我

作詞：呂金守
作曲：呂金守
甲伊來拆散已經三年外
怨嘆阮命運要講心痛疼
《口白》
啊！想起著三年前的我，被一位女性來放捨，一時目睭煞來失明，
拐仔煞舉顛倒變，紅單看做是手形，
便所看做是涼亭，剃頭店當作是洗面間，
豬掂當作是眠床頂，墓仔埔看做是咱兩人永遠的家庭。
啊！我哪會這呢僥倖咧！
你也有咒詛偏偏違背我
害著阮今日為情來拖磨
《口白》
彼一年的八月十五夜，相招去海邊站在石頭腳，當年你有咒詛，
妳沒嫁我沒娶，無疑當兵兩年外，妳的腹肚煞一日一日大，
今仔日你來誤我，若想起著我愛你的心肝，
無論海水會乾﹑石頭會爛，
你甲看！前破後爛火炭匹破彈，虱目魚會跳過岸，
奇奇巧巧攏是為著你這累無緣的人啦！
女性塊變卦越想心越驚
可比船過岸僥倖無凍看
《口白》
啊！如今的我三步做兩步行，孤單惦在大狗山的大狗嶺，
有啊看，無啊看，看著雞母娶雞子，若我嘛想要做好子，
啊！人生算起來海海呀，木師嘛也釘柴屐，
土水師嘛也抹壁，馬馬虎虎啊！
擱講，嘛無較詛。
花謝了看破　想也無較詛