ШАРАХ ШҮҮГЭЭНИЙ ШАРЖИГНУУР ТАХИАНЫ ДАЛАВЧ

Өдөржин ажилдаа хамаг эрч хүчээ гаргачихаад, орой ирээд хоол хийнэ гэдэг заримдаа төвөгтэй санагддаг. Тэгвэл ердөө л 35 минутын энэхүү амархан бөгөөд тасархай амттай жорыг санал болгож байна.
Хийх заавар:
1. Шарах шүүгээгээ 220С температурт халаана.
2. Гурил, давс, улаан перц (сонголтоор), нунтаг сармис, паприка, хар перц, гоньдоо аяганд сайтар холино.
3. Тахианы бүтэн далавчаа (ойролцоогоор 1кг) жижиглээд, үзүүрийн ясыг хаяна.
4. Далавчаа сайтар хатаагаад, уутанд хийнэ. Дээрээс нь амтлагчийн холимогоо нэмээд, амыг сайтар боож, сэгсрэнэ.
5. Далавч, амтлагчаа сайтар хольсны дараагаар гаргаж, шарах шүүгээний торон төмөр дээр (хэрэв байхгүй бол энгийн лист хэрэглэж болно) хооронд нь зайтай өрнө. Мөн доор нь байрлуулах шарх шүүгээний лист дээрээ тунгалаг цаас/шарх шүүгээний цаас тавьж өгнө. Ингэснээр дараа нь шарх шүүгээгээ цэвэрлэх гэж цаг үрэхгүй.
6. Шарх шүүгээнд хийж 15 минут болгосны дараа гарган, далавчаа эргүүлж нөгөө талаар нь харуулан шарах шүүгээндээ хийж дахин 15 минут болгоно.
7. BBQ соусанд зөгийн бал өөрт тохирох хэмжээгээр нэмж, дүрлэгээ бэлдэнэ.
8. Далавчаа шарх шүүгээнд болж байх хооронд хачир болгох дурын салад хийж эсвэл ногоогоо жигнэнэ.