يا انبا بولا يا اول السواح مديح انبا بولا تمجيد انبا بولا اول السواح
Вставка
- Опубліковано 30 лип 2024
- مديحة الانبا بولا اول السواح
يا أنبا بولا يا أول السواح يا قديس وبار بتنور كالمصباح
سيرتك نقية جيت هنا بسماح من رب القوات وقلبك بيه إرتاح
سِبت العالم كُله ولا بصيت وراك وقلبك كان مشغول بالرب اللى فداك
مين زيك يا حبيب ده يسوع هو اللى هداك تسكن دا المكان وحدك ولا حد معاك
رب القدرة يأمر مع كل غروب غُراب معاه نصف خُبزه لا تأخر يوم ولا غاب
ده أمر غريب وعجيب تحتار فيه الألباب طير بيعول إنسان لأ ده رب الأرباب
( القرار )
طوباك يا أنبا بولا يا حبيب المسيح يا ضياء مُنير وجهك حلو ومريح
صلواتك بلسم تِشفى القلب الجريح وصمتك أقوى من كل كلام فصيح
=====================
لمَّا مات أبوه والمال كان عنده كتير طمع فيه أخوه وقاله أنت صغير
نصيبك يبقى قليل ونصيبى أنا الكبير هى دى القسمة اللى لازم تصير
حَب ينصفوه من اللى ظلموه قام راح للقاضى يُحكم ما بينه وبينه
قابل فى السكة جنازة وناس يبكوا رجع فى رأيه وساب ماله لأخوه
العالم فيه إيه علشان نتمسك بيه الكُل باطل باطل والعين ما تشبع بيه
بتجرى ورا إيه نَفسك طمعانة فى إيه إن دامت لحد تبقى تدوم ليك
أنا إيه ينفعنى لو أربح العالم وأخسر نفسى وأعيش فى خِصام
الحية زمان أغرت أبونا آدم وخليته يُقع ويعيش فى ظلام
( القرار )
===================
يارب إرشدنى وإهدى لى سُبلى وشق لى طريق وياك يحلى لى
تختاره إيدك ويمينك تسندنى يارب إسمعنى أسرع وأعنى
إبكى يا إنسان على أخوك الإنسان التايه والتعبان المهموم والحيران
المحتاج لحنان مِحتاج للأمان قلبه بيصرخ لمكون الأكوان
شُوف المكار وحيله مع الأبرار يُدخل فكر الناس ويحولهم أشرار
يارب نَجينا من شر الغدار وإحفظنا فى إسمك ونكون ويا الأبرار
لمقبره راح يبيت فيها ويرتاح تلات أيام يصلى ويُطلب بإلحاح
الرب يتحنن ويكتب له النجاح القرار مُش سهل ويحتاج لإيضاح
ظهر له ملاك قَوَّاه وعَزَّاه أرشده للبرية صاحبه وسار معاه
وَصَلوا المكان فرح لمَّا رأه هِنا نام ع الصخر وإتغطى بسماه
( القرار )
===================
بدأ جِهاده صوم وصلاة ودموع نُسك وطهارة وسجود بخشوع
يتحمل البرد ويُصبر على الجوع يأكل نصف خبزة ويشرب من ينبوع
مُت عن العالم فمك ما داق طعام عينك ما شافت إنسان ناظر لله دايماً
ورجليك الطاهرة ما تركته لحظة حتى إتقال عنها الأرض نالت بركة
لبِست توب الليف على جسدك النحيف وصار حمله خفيف عِشت غريب وضيف
ظلام المغارة أنار بصلوات البار تشهد له بوقار سيرة مملؤة فخار
( القرار )
====================
يا موسى فى البرية يا إيليا الجديد يا داود الوديع يا يوحنا العتيد
تركت غنى العالم نُلت الكنز الأكيد كان حُبك لإلهك كل يوم بيزيد
بخور طيبك قد فاح ملأ الدنيا أفراح لولاك ما نزل مطر ولا ندى يحيى الأرواح
فى أوانه النيل يفيض يروى الأرض براح ومعاك الخير يجى يحتار فيه المُداح
( القرار )
لمَّا أراد الله يظهر بِرَّك وضياك أرسل ملاكه للأب أنبا أنطونيوس هُناك
مِشى لِك يوم بتمام بيطلب رؤياك فدخلت المغارة وقفلت الباب وراك
صرخ الأنبا أنطونيوس وقالك يا مبارك قَبلت إليك الوحوش إقبلنى لأتبارك
سألت فأعطيتُ طلبت فوجدتُ قرعت وأنا أؤمن أنه يَفتح لى
لمَّا جه الغروب جه غُراب ومعاه خُبزايه كاملة لضيف الأنبا بولا
قال أنت حبيبه لك دالة عند الله لى سبعين سنة بيرسل نصف خبزة
( القرار )
==================
لمَّا عِرف القديس إن الوقت قد حان يترك العالم والتعب والأحزان
قال للأنبا أنطونيوس أرجع ديرك الآن هات توب أثناسيوس العظيم حامى الإيمان
وهو فى الطريق راجع بتوب اليقين شاف ملايكة تهلل ولروح البار حاملين
نال أبونا الإكليل بعد جهاد سنين وكفنه بالتوب وبكى عليه بحنين
لمَّا أراد دفنه إتبارك من جسده وحالاً جَه نمرين سجدوا أمام جسده
وحفروا له المكان من بعد الإستئذان على ربك إتكلت وما إحتجت لإنسان
طوباك طوباك طوباك عِشت على الأرض ملاك الرب إختارك لمَّا شاف قلبك
خَدمتك الطيور ووحوش تِخضع بسرور دفنتك النمور إسمك صار مزمور
( القرار )
================
طوباك يا حبيب إيسوس الرب بإخرستوس ربحت العشر وزنات اللى أعطاك القدوس
الوزنة الأولى كان عندك إيمان إن الرب الديان يحفظ حياتك فى أمان
الوزنة التانية رجاء مع إطمئنان الرب يعولك زى ما عال شعبه زمان
الثالثه محبة كاملة ومحتجبة كانت الأول حبة كبرت حبة بحبة
الرابعة إحتمال عيشة بين الجبال مين بس اللى قال ده من المُحال
الخامسة ما رأيت حيوان أبداً وخشيت لكنك صليت نُلت نعمة وقويت
الساتة سُلطان على الطبيعة كمان يا بَتول طاهر بحب إلهك شبعان
السابعة سامع وصايا الرب وخاضع وإيديك رافع جسدك كله خاشع
الثامنة هارب وللذات صَالب وبيسوع غالب على كل التجارب
التاسعة ممالك تركت لأجل الملك فى طريقه سالك وعلى قلبك مالك
الوزنة العاشرة محلاكى يا وحدة يا ثمرة حلوة لذيذة وطِعمة
من داقك تحلى له العيشة فى حاله تتحسن أحواله ويرتاح باله
( القرار )
====================
طوباك طوباك طوباك فى السماء ويا إلهك نُلت النعيم يا هَناك فرحان مع سيدك
أنبا بولا يا أمين أولادك محتاجين صلواتك عنهم تُحرسهم كل حين
طوباك يا أنبا بولا يا ساكن المغارة صارت سماء تانية بقيت لينا منارة
سيرتك شهية سيرتك تقية سيرتك نقية لينا منوره
أنا عبدك مسكين (...) خاطئ ومهين عارف ذنبى وخطاياى أمامى فى كل حين
صلواتك عنى يا أنبا بولا يا أمين يرحمنى ويقبلنى ويعينى يسوع المُعين
بركتك يا انبا بولا تكون معنا
شفاعة اﻻنبا بوﻻ تكون معنا
صلواتكم
ألشهداء شفعاء امام العرش الالهى
شفاعتك يا أنباء بولا
شفاعتك يا انبا بولا
ماشاء الله تبارك الله ربنا يحفظك ويبارك فيك يارب
بركتك وشفاعتك يا انبا بولا مع كل اولادك فى امتحانتهم اسندوهم وفرحهم 🙏
شفاغتك يا انبا بولا حل مشكلتنا اول مرة اتشفع بيك 🙏اتشفعلنا عند المسيح
شفاعتك ياانباءبولاءصلي 💠من اجلي ومن اجل بيتي واولادي
بشفاعتك يا انبا بولا اول السواح
صلوات الانبا بولا تكون معيا فى حياتى
Amennn
كل سنة و انت طيب يا انبا بولا اذكرنا أمام عرش النعمة ليغفر لنا الرب يسوع الذى أحببته و نحن أيضا
الف حمد وشكر لك يارب بشفاعة أنبا بولا وجميع القديسين لااستجابة طلبي وكمل معي يارب
شفاعتك يا انبا بولا تكون معانا
صلولي انا في ثالثة ثانوي علم علوم بركته تكون معانا جميعااا♥️♥️♥️♥️
شفاعتك ياانبا بولا معنا جميعا
ياانبا بولا شفاعتك تشفيني من الضغط
فرح قلب اولادي يا انبا بولا ❤
شفاعتك معانا يا حبيبي
امين
شفاعتك تكون معانا يا قديس يا عظيم الانبا بولا 🙏🙏❤️💚
امين. يارب. فرح. قلبنا. بطفل. نسميه. بولا. مارك
القديس العظيم البار الساكن في مساكن النورالدائم طوباك بالفردوس طوباك بالفرح الدائم ..
اذكرنا وبالاخص اذكر دينا ربنا يشفيها ويدبر لها فرصة عمل ويدبر حياتها ومستقبلها وكمان
امين يارب ألف حمد وشكر ليك يارب على تعويضك ليا والفرح الى انتا ادتهولى ورزقتنى بشفاعت العدره أم النور والأنباء كاراس السائح والأنباء رويس حبيب المسيح وابونا فالتاؤس السريانى شفيع المستحيلات وابونا فانوس الأنباء بولا والأنباء بولا أول السواح ادتني بولا شكرن ليك يارب على محبتك ليا أمين يارب ترزق كل واحد عايز ولد امين يارب
شفاعتك يانبا بولا تكون معنا امين اجبر بخاطرنا انا جوزى يعطبنا طفل يسعد قلوبنا يارب بشفاعه الابنا بولا امين🙏🏻☦️⛪
أمين يارب بشفاعتك ياانباءبولاءربنايفرح قلبكم
😊😊😊😊😊😊😊😊😊😊😊😊😊😊😊😊😊ض
خدمات بركه
اذكرني امام عرش النعمه انا الضعيفه
امين بشفاعة انبا بولا
شفعتك يا انبا بولا كمل عاملك على خير يارب واستجيب واشفيني مرضى كرونا امين يارب استجيب
امين بشفاعة انبا بولا
الف سلامة
اسفع فينا يا انبا بولابان الرب يسوع يعطينا نعمة الزهد في محبة المال وماديات هذا العالم ونعتمد علي محبة المسيح فقط لانه هو وحده الرازق والمعين
🙏🙏🙏
Amennn
يا جماعة يا اصحاب اليوتيوب لينا رجاء راعو ان الاعلانات تكون لائقة بالقديسين مش تبقى اغنية هندى كلها خلاعة وسط ترنيمة
معلش هو مش بيبقى قصده اكيد الإعلان يكون في مشهد مش كويس في ناس مش بتعرف تختار الإعلان اللي يشتغل او يلغيه اسف لو اتدخلت
هي شركه you tube اللي بتنزل الإعلانات مش المرتل
خدمات بركه