Հայկական տառերով ոչ հայկական տեքստեր. Մաքուր պատմություն.#28 Հասմիկ Կիրակոսյան
Вставка
- Опубліковано 16 жов 2024
- Հայկական տառերով ոչ հայկական տեքստեր. Մաքուր պատմություն.#28 Հասմիկ Կիրակոսյան
Հայատառ պարսկերեն տեքստերը մեր պատմության յուրահատում դրսևորումներից են։ Դրանք կրոնական և գրական բնույթի պատառիկներ են, որոնք հայ-իրանական մշակութային փոխազդեցությունների և
պատմաքաղաքական շփումների վկան են: Հայատառ պարսկերեն հնագույն ձեռագրերը մեզ են հասել XIV դարից: Հայ գրերի օգտագործումը պարսկերեն սուրբգրային թարգմանություններում ձևավորում էր իրանահպատակ հայ քրիստոնյաների ինքնությունը, ինչին ձգտում էր նաև հայոց եկեղեցին:
Հայատառ պարսկերեն գրականությունը ուներ նաև բանավիճային բնույթ՝ ստեղծելով գրականություն, որն ապացուցում էր քրիստոնեության ճշմարտացիությունը ու ընթերցողին պատրաստելով իսլամադավանների հետ բանավեճերի։
Բացի հայատառ պարսկերենի կան նաև պահպանված հայատառ թուրքերեն, արաբերեն, քրդերեն, լեհերեն, ղփչաղերեն տեքստեր:
Այս ամենի մասին պատմական գիտությունների թեկնածու Սուրեն Մանուկյանը զրուցել է բանասիրական գիտությունների թեկնածու, Մաշտոցյան Մատենադարանի գիտաշխատող Հասմիկ Կիրակոսյանի հետ։
