"ХАМТДАА ЭВЛҮҮЛЬЕ- Аутизмыг тайлбарлах нь" баримтат кино

“Аутизм гэж юу вэ?” гэдэг асуултад аутизмтай хүүхэдтэй гэр бүлүүд, аутизмтай хүүхэдтэй ажилладаг багш нар, мэргэжлийн эмч нар хариулж чадна. Харин энэ асуултын хариултыг хүн бүр мэдэх үү? “Аутизм” гэдэг үгийг ихэнх хүн дуулсан байдаг ч “Аутизм гэж яг юу юм бэ?” гэдгийг ухаж ойлгоогүй, бусад бэрхшээлтэй хольж буруу ойлгосон байдаг.
Энэхүү киног хүн бүр аутизмын тухай ойлголттой болж, ойлголтоо нэмэгдүүлж, буруу ойлголтоо засаасай гэж “Аутизмыг ойлгоё 2022” хандивын аяны хүрээнд сайхан сэтгэлт хувь хүмүүс, байгууллагуудын санхүүжилтээр “Gertoon”, “Teez production”, “Filmax” студийн уран бүтээлчид Монголын Аутизмын Холбоо, Аутизм Судлалын Хүрээлэн, “Тэнгэрлэг ээжүүд” груп, “Аутизм Монгол Анд” ТББ-уудын захиалгаар бүтээлээ.