ហេតុអ្វីដើមឈើមានប្រយោជន៍ចំពោះប្រាសាទ?

ដើមឈើមានតួនាទីសំខាន់៣យ៉ាងក្នុងការការពារប្រាសាទ។ នេះជាការលើកឡើងរបស់លោក ហង់ ពៅ អគ្គនាយកនៃអាជ្ញាធរជាតិអប្សរា «នៅក្នុងកម្មវិធី អង្គរ និងលើសពីនេះ»។ នៅក្នុងបទសម្ភាសជាមួយលោក គី សុខលីម ដែលជាអ្នកសារព័ត៌មានជាន់ខ្ពស់នៃអង្គភាពសារព័ត៌មានថ្មីៗ នៅក្នុងបរិវេណនៃប្រាសាទអង្គរវត្ត លោកអគ្គនាយកក៏បានអះអាងឱ្យដឹងថា កម្មវិធីដាំដើមឈើបន្ថែមនៅក្នុងតំបន់ឧទ្យានជាតិអង្គរត្រូវបានចាប់ផ្តើមតាំងពីឆ្នាំ២០០៤មក។
តួនាទីដើមឈើទីមួយ គឺបង្កើតសំណើម កាត់បន្ថយកម្តៅលើប្រាសាទ។ លោក ហង់ ពៅ ពន្យល់យ៉ាងនេះ ដោយបន្ថែថា នៅពេលមានសំណើម សំណើមនឹងធ្វើឱ្យថ្មមានស្លែ ដែលជាស្រទាប់មួយទៀត ការពារថ្មពីកម្តៅ។
«ទីពីរ តំបន់អង្គរស្ថិតនៅចន្លោះរវាងបឹងទន្លេសាប និងភ្នំគូលែន។ បើមានខ្យល់ខ្លាំង ក៏មិនមែនជារឿងល្អសម្រាប់ប្រាសាទ ដែលត្រូវបានសាងសង់ឡើងដោយការតម្រៀបថ្មលើគ្នា។ ដូច្នេះ បើមានដើមឈើច្រើន ដើមឈើនឹងជួយទប់កម្លាំងខ្យល់។»។ នេះជាការអះអាងរបស់លោកអគ្គនាយកអាជ្ញាធរជាតិអប្សរា មុននឹងលោកបង្ហាញចំណុចសំខាន់ទីបីរបស់ដើមឈើជុំប្រាសាទ ដែលផ្តល់ជាម្លប់គ្រប់ដណ្តប់លើដី ដែលធ្វើឱ្យដីមានសំណើម មិនហួតហែង ហើយថាដីដែលមានសំណើមនេះហើយ ដែលបន្តជួយធ្វើឱ្យគ្រឹះប្រាសាទដែលជាដីខ្សាច់នៅបន្តរឹងមាំទ្រទ្រង់ប្រសាទ។
សូមរម្លឹកថា សារព័ត៌មានថ្មីៗ និងអាជ្ញាធរជាតិអប្សរា បានសហការបង្កើតកម្មវិធី «អង្គរ និងលើសពីនេះ» រួមគ្នាក្នុងគោលដៅ ចងក្រង អភិរក្ស និងផ្សព្វផ្សាយ រឿងរ៉ាវនៃសំណង់ប្រសាទ ជីវិតសហគមន៍ រុក្ខជាតិ សត្វ វប្បធម៌អរូបី ដែលមាននៅក្នុងតំបន់ឧទ្យានជាតិអង្គរ។
សារព័ត៌មានថ្មីៗសូមថ្លែងអំណរគុណចំពោះក្រុមហ៊ុន COCA-COLA Cambodia, ក្រុមហ៊ុន Mercedes-Benz Cambodia និងសណ្ឋាគារ Vitroth’s ដែលជួយឧបត្ថម្ភកម្មវិធី អង្គរ និងលើសពីនេះ…!
#អង្គរ និងលើសពីនេះ #ប្រាសាទ
--------------------------------------------------------------------
ThmeyThmey News Social Media:
thmeythmey.com/
/ thmeythmey
/ thmeythmeyvideonews
/ thmeythmeynews
/ thmeythmey

[@salak0093]

ល្អណាស់លោកពូ☺️☺️☺️

[@khmerblood]

ល្អណាស់បង ខ្ញុំយល់ហើយ

[@minifoodies9448]

great

[@ananhanwicha3261]

យើងជាខែ្មរគាំទ្រយ៉ាងខ្លាំងចំពោះការដាំដើមឈើ។

[@user-dh8pk7wn6o]

👮👷💖💖👍👍👍
ถูกต้องแล้วครับ
😚😚🙏🙏🙏🙏🙏🙏