ما هي أحسن شركة سماعات لضعاف السمع في العالم؟

يا ترى إيه الأفضل .. السماعات الألماني ولا الدانماركي؟ ولا الأمريكي؟ ولا السويسري؟
في هذا الفيديو هاتعرف أسماء الشركات الأفضل عند شراء سماعات ضعف السمع
نتعرف على الخمس الكبار .. وليه هما كبار
نعرف إزاي الخمسة دول في الحقيقة سبعة عشر شركة
السؤال بإختصار: ما هي أفضل شركة سماعات في العالم؟
تنبيه هام: قبل شراء أي سماعة ذكرت في هذا الفيديو تأكد من التواصل مباشرة من خلال رابط الواتساب معي للتأكد من مناسبتها لك وأفضل مكان لشراءها وسعرها الحالي
📍WhatsApp|| واتساب: wa.me/message/...
سلسلة العشر أولويات لاختيار السماعة الصح: • كيف تختار لنفسك السماع...
============================================================
✅UA-cam || يوتيوب :
www.youtube.co...
📍Telegram || تيليجرام :
t.me/moaazmady
📍FaceBook || فيسبوك: mo3azha
📍Instagram|| انستجرام: mo3azha
📍WhatsApp|| واتساب: wa.me/message/...
📍BuyMeaCaoffee||لتقديم الدعم للقناة: www.buymeacoffee.com/mo3az
Moaaz Mady | معاذ ماضي
===============================================================
#معاذ_ماضي
#Moaaz_Mady
هبدء معاكم ف السؤال بتاع السماعات وأنواع السماعات
اكتر سؤال متكرر هو هل السماعات الألماني ام الدنماركى ام الأمريكى أفضل
ايه الأحسن ؟
والنهاردة هنجاوب على السؤال ده
لما بدءت اعمل الصفحة دى وبدءت اعمل التوعية بصراحة علشان حاجة بدءت اشوفها مؤخرا هى اللى خليتنى اتكلم
ان كتير اوى من الناس اللى شوفتها واتعرفت عليها لابسة سماعات مش بتستفيد منها
اوى فى اغلب الأحيان بتقلع السماعة أصلا ومش بتستفيد منها خالص
وده الحقيقة كان واجعنى يعنى احنا لا عارفين بنختار السماعة ازاى ولا بتستفيد منها وممكن نصرف فلوس كتير ف شراء السماعة مش صح وابقى رميتها ع الارض
وخلينى ارجع معاكم للسؤال اللى بنساله والحلقة دى هى اساس اللي جاى بعد كده
زى الحلقات اللى اتكلمت فيها عن العشر أولويات فى السماعة لازم تدور عليها دى بالنسبة لى اساس مهم فى طريقة التفكير وأنا بختار السماعة
والحلقة دى أساس فى فهم الحاجات التكنولوجية اللى انا عايز اشرحها بعد كده مستقبلا أعرف افرق بين الشركة دى والشركة دى ازاى؟
فالحلقة بتاعة النهاردة دى بالنسبة لى اساس مهم اوى للى جاى
خلينى ابدء معاكم بقى نفهم الشركات وابدء من تحت خالص
احنا عندنا شركات السماعات كتير اوى بعكس شركات القوقعة
شركات القوقعة هما أربع شركات متحددين كده إنما شركات السماعات كتير كتييييير كتير بشكل مهول
فهعرف مين احسن من مين ازاى؟
وغالبا احنا كمستهلكين أو كمستخدمين للسماعات مابنعرفش ان احنا نسأل على السماعة الصح ازاى
فاى حد بيقولنا اى حاجة ممكن نصدقها
أول حاجة نبدء نبنى عليها أنه شركات السماعات فيها نوعين نوع عنده قسم r & d
R (research )
D ( development)
يعنى البحث والتطوير
الشركة اللى بيبقى عندها القسم ده r & d ده القسم ده اصلا دوره ف الحياة ف الشركة دى أنه يشوف ايه الجديد فى التكنولوجيا اللى يقدر يحطها فى السماعات بتاعة الشركة بحيث تكون السماعة أقرب مايمكن للاذن الطبيعية والسمع الطبيعى اللى ربنا خالقه
طبعا فيه فرق بين السمع الطبيعى اللى ربنا خالقه والسمع الصناعى بتاع السماعة والقوقعة فيه فرق كبير سبحان الله اكتر حد بيحس بيه هو اللى فقد سمعه على كبر
والشركات دى فاهمة ان فيه فرق كبير ودور القسم ده أنه يحسن ويطور من التكنولوجيا بتاعة السماعة ويقلل الفجوات بين صوت السماعة والصوت الطبيعة
وكل ماكان القسم ده كبير اوى كل ماكانت التكنولوجيا بتاعة السماعة متقدمة اكتر وهو ده النوع الأول من شركات السماعات
النوع التانى بقى ماعندوش r & d
بيبقى واحد أقصى حاجة بيعملها لو هو شركة نوعا ما كويسة بيروح للنوع الأول من الشركات بيخاطبهم بيقولهم انا ممكن اشترى تكنولوجيا انتوا انتجتوا بيها سماعات من 10 - 15 سنة وانتج بيها السماعات بتاعتى فعلى حسب الفلوس اللى معاه يشترى من شركة من شركات النوع الأول تكنولوجيا قديمة وينتج بيها السماعات بتاعته
هنا الفرق الأول اللى انا هقسم بيه الشركات لما هتكلم عن أحسن شركة سماعات طبيعى كده هلغى النوع التانى ده وهركز على النوع الأول اللى هو عنده r & d
هو ده الى هتكون التكنولوجيا عنده احسن تطور واحسن سماعات واكيد المنافسة ف الحتة دى
ولكن برضه الشركات كتير المتخصصين بقى ف المجال ده والمتابعين اللى بيقارنوا ويحددوا مين اكتر تخصص ومين اللى ساهم فى تطور المجال ده مجال السمعيات قدروا يحددوا مين الكبار