اللهم صل على محمد وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد، وعلى آل محمد كما باركت على إبراهيم، وعلى آل إبراهيم إنك حميد مجيد
تعال ارفع جثث الليبين من الصحراء شمال تشاد لحد الان عضام الليبين مثل عضام البقر مرمية في الصحراء وانجمينا بعيدة من جيش العار الجيش الليبي المهزوم حتي قائد الجيش الليبي أسير خليفه حفتر أسير في تشاد انجمينا بعيدة منكم
اسود الصحراء هم التشادين الذين يدفعون عن وطنهم وارضهم شهداء لانهم علي حق وابشرك عضام الليبين لحد الان مرمية في الصحراء شمال تشاد عضام الليبين مثل عضام البقر مرمية في الصحراء والاسري الليبين بآلاف وانت جاي تقول اسود الصحراء هههههههههههههههههههههههه الصحراء معروفين رجالها التشادين
و بيناتهم كتح رقيق اغباره فيها رسم سوقه و شيط نار جوهم عويله طايبين عصاره يديهم سقم و الضرب عالمنظار هذوم في سوق الغلاء صبارة و هاذوم ما طاقوا لهيب النار فيسع هرب هبري من مغاره من الي عادين عيون بومنيار جبت الكلام منظمات اخباره و توا عاد نحكيلك على ما صار
قصيدة جميلة جدا وتحياتي من مدينة اجدابيا مدينة الشمس ☀️والشعر والشعراء 🇱🇾
عليه افضل الصلاة والسلام
يزيدك عز هذو التريس اليى ماخانو الوطن الله يرحمهم ويبرد ثراهم
هلا
في الفجر نضنا والصـلاة صلينـــا....وللعمـــل جينـــا وما هنــاك أخبـار
قعدنا إيجي ساعة وخش علينـــا....صاحب وجايب من الجديدة أخبـار
قال اسمعوا ياللي أعـزاز علينــــا....انا سمعـــت قالوا عندكم مشـوار
**
ماشيــن لغـــــــــادي لأنجامينـــا....لازم اتفكوهــا بكــل افخـــار
والرائــد عطيــــة جنبكــم ليمنـــا....معروف جده بركته تشهـــار
راقــــــد زليتــــن تنـــــده للعينـــا....يفكـك بعون الله مالاخطـــار
**
والقــوات لاخري جنبكــم ليســاره....فرقــة بعد فرقــة طيـور احـــرار
إيعـــــــزوك لكانــا قريــــــر غبـــارة....فيهــا تقــرع من جعب كســـار
وعبدالكبيـــر الوســط هـــذي داره....كاسب النصر وجاب كل افخــار
واللـي ما ذكرتــه ماعرفـت ديـــاره....ما يزعلوا منــي ضنــا الاحـــرار
ومعاهم العيساوي سمعت اخباره....فــــارس ودايــر فالعــــدو مـــزار
وفرحـات مــن سبها شهيــرة داره....تحــرك يبــي فايـا اوغال اوعـــار
اوزو طريقـه فــي الجبــل والقــارة....فيســع طواهـــم عالخلا صبــار
ويــن مـا وصلهــا بينهــم الإشــارة....عليهــا تلاقـوا في عقاب نهـــار
وبيناتهـــــم كتــــح رقيــق اغبــاره....وفيهـا رسم سوقه وشيط نـــار
جوهــم عويلــه طايبيــن عصـــاره....إيديهم سقم الضـرب عالنمظـار
هــذوم في ســوق الغـلا صبــارة....وهـذوم ما ضاقـوا لهيــب النـــار
فيســع هـرب حبري من النغـــارة....اللــي عادين عيـــون بو منيـــار
جبــت الكــلام منظمـات اخبـــاره....وتـو عاد نحكيـلك علي ماصـــار
نضنـــا جميــــع قلوبنـــا محتــارة....وجينـا لعيادتنــا اسطار اسطـــار
**
اليبــرة ضربنــــا والحبوب إخدينـــا....وجانـــا الرائــــد وحــدد المشـــوار
وقال اسمعوا ماكـم ارخاص علينـا....ولكــــن أوامــــر جايــــة بإجهـــــار
وقال اسمعوا كلكــــــم يا أخينـــا....احنى الكاف عشرة ماشين غيـــار
ديـــــروا ثلاثــة ازداي وبالشبلينـا....وفــي الجـــو رحلتكــم نهــار نهـــار
خدينــا الإجــازة واتيـة في ايدينـا....وتمــــت وجينــــا للعمــــل حضـــار
لقينــا السيــــارات ترجــى فينـــا...إمباجيد في الساحة أسطار أسطار
ندهنــــــا لعالــي عزيــــز علينـــا....شفيــع أمتــه ساعة لهيــب النــار
وجتنــــا رافقتنــــا تــــودع فينـــا....هــدر دمع عينــي عالهــدب قطـــار
وركبنــا وجميـع اسلاحنا فيدينـــا....وظهرنــــا ونوينــــــا جهــة المطـــار
وصلنــا وحطونــا علــي تركينـــة....لقينــا الجماعــــة كلهــــــا حضـــار
اموتيــن بو جنحــان يرجي فينـــا....مــــدرس معبــي ساحــة المطــار
تحلــف إليا ريتــه تقول سفينـــة....تعوم فـوق من موجة غريق ابحــار
قعدنا ايجي ساعـة وطقوا فينـــا....اركبنــا وبينــــــا تحـــــــرك الطيـــار
خش السحاب وناض يلوي بينـــا....ساعـة بعد ساعــة في هالحكـــار
اللي نــاض منــا قال هانا جينـــا....احنــي تــوا جولتنــا علي المطـــار
هــدى اماطيــره وصــــك فرينـــا....وسواقهــا اطايـب علــي الاخطـــار
ويــن ما نزلنــــــا كلنــا يا أخينـــا....حشاكــــم لقينـــا جوهــا يسعـــار
ولقينــا رافقتنــا تراجــــي فينـــا....ترمــض اتلاجــي من لهيب النهـــار
دماهــا إيفــور والتــراب ارغينـــا....وصغارهــم تحلــــــف عويلــة فــــار
وكــلا الرجالــة علـــي تركينــــا....فــــــوق بشكليتــه كلهـــم تجـــار
شبشب وشنطة جلد بين إيدينـا....وإللاّ كبايــا تحـــت ســـور الــــدار
لكن غلابــــة وطالبيــن العينـــة....واحنــــا عـــز معروفيـــن للمحتـــار
اركبنــا معاهــم للفــزع لمينـــا....يمــا انموتـــوا وإللاّ انجـــوا بافخـــار
وكانــك مكــذب تذكره ماضينـــا....وتقــــرا ايــام الشيـــخ بن مختـــار
وفي اخر كلامي جيت لأنجامينا....وجحفـــل الثــورة موقعــي بالــدار
.
ويــن ما هلبنــا الاربعيـــن بليلـــة....جتنــــا الأوامــر تامــــة باجهـــار
رحلــة إليـا بشـة تكــون عجيلــة....موقــــع كتيبتــا جديـــــد الــــدار
وصلنــا ولاقونـــــا مــن اول ليلــة....وجيت لي أم شعلوبة اللي تذكار
بلاد صاعبة وفيها المعيشة حيلة....اللي ماهو صابر في الحياة يحتـار
فيهــا فقدنــا مــن خيــار العيلــة....شبــاب ايعــزوا كان صــار احكـــار
عــدّوا ضحيــة بيــن يــوم وليلــة....لا من شبحهــم ولا إيجي خبـــار
بقـــدرة العالــي وعزتــه وتاويلـه....ابنــادم حياتــه عالجبين اسطـــار
لا العبـــد يقــــدر إيزيـــدك ليلــة....لا يـــوم ينقــص لا يفــوت نهــــار
**
جيــت لفايــا
وبــو جنقــــة والاحبــاب معايــا
وفي الدرب جيت البير يارفقايــا
.
مشهور متسمي علي الكفــار
*
بيــر النصــــــارى والخبيــر معايــا....عالــــــــم امبيتهــــا ديــار ديـــــار
يخبر علــي النجمة اتقول قطايــا....سبحــــان شينــــك زول ياحضــار
اركبنا وجي سايق غضيب معايــا....سميت علي يونس دعيم اسقــار
عزقهــــا فحفــرة غارقــة وغطايــا....عمـــك قفــز منهــا ونومــه طـــار
عـــراده وبـــــــل مـا يجــن تالايــا....عليهــن إنعــرج في اخر المشـوار
يجن جـاي من بشة بحال حطايــا....دلال الغــــزال وعـــزة أم حـــــوار
وفيهــــن كحيلــه والنعـــام هتايــا....وللّا جــــدي الريـــــم بــو منقـــار
واخــر كلامــي جبـــت هالحكايــا....ومانيــــش شاعر ولا من الشعــار
غيــر الجفــي والموح جال معايــا....وخطــر عليــا نجــع فيــه أصغــــار
واني في غفيــط النوم قل هنايــا....ناضـــن عيونــي يذرفــن سمــــار
جايبات من الماضي القديم حكايـا....لا عــام ولا هــو شهر لاهو نهــار
زمــان قبـل ناســي كايــن هنايــا....علي قـول هاللي حابلي الاخبــار
فراسيــن ذكراهــم إيــداوي دايــا....عليهــم حضــر دمعي انزل قطــار
كسابــة الضان الصنم وام حوايــا....ركابــة وسيــع الصــدر بــو كامــار
قطاعــة فيافـــي خلــو دار حنايــا....سرابــة علـي روس العــلاوي دار
زونهــم ايــام الـــزوز مــن الغزايــا....مــن مصــر إليا تونــس إليا كــاوار
اليــوم وينهـم معادش عاد حدايــا....ولا مــن غواشيهــم لفــي خبــار
وتــــــوا نبيكــم تفهمــــوا معنيــا....اللــي ما تجــول ما عرف الاخبــار
وهاللـي اتجول في الكلام معايــا....نزهــــة ابنــــادم معرفــة لوكــــار
وصلــوا علي ذكـر الرسول معايــا....شفيــع أمتة ساعة لهيب النـــار
+alasebai10 كل الشكر لك
سلمت سلمت وصحيت على تدوين القصيدة
بارك الله فيك على القصيظة الرائعة
تنده للعينا .
هاذا نداء غير الله وشرك
الرائد /عطية بلغرات الله يرحمه ويسامحه
ربي يحفظك يا ليبيين ❤
جدي المرحوم الشاعر ميلاد عبدالهادي اشتيوي
منين هو
@@TV_TUBEورفلي
ايام الدق لول لحسها لعند الكميرون في ثلاث شهور. غير هده ربي امرهم بل انسحاب التدخل الاول كان ناجح. بزمن قياسي
@@ahmedaljwyfy84 في ال81 خدينا التشاد مسافة الطريق يامبحبح كان الجيش في انجامينا وعينو رئيس ودارو طابور شرف وروحو لكن هادي مايهدرزوهاش ليك هلك
اللهم اغفر لهم وارحمهم عمى عبد المجيد الزنتانى والشاعر ميلاد الشتوي كانو خوت وخوت جدود
الله يرحمه عبدالكبير الشريف والريفي الشريف
يعطيك الصحة
صح لرجال لكم التحيه ايام العز
انعم انعم
😢الله يرحمها الزنتاني رئيس عرفاء وحده عبدالمجيد سالم جار المرحوم الحاج ميلاد
امنور يا خوت الجد من خو لي خو
الرجال الاوله 🦁
رحمة الله عليك
مشالله صح لسانك وربي يطول عمرك انشالله
اهم التريس اللي بغيبتهم البلاد ولت دمار وعار الله الله
ميت من 2008
رحمة الله عليه
اللهم صل على محمد وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد، وعلى آل محمد كما باركت على إبراهيم، وعلى آل إبراهيم إنك حميد مجيد
عبدالكبير الشريف الله يرحمه اقتحم انجامينا هو وابطال الجيش الليبي
قصيدة جميلة والقاء رائع
جدي مسعود فرحات ربي يحفظه
شدينا خيلنا بيهن حضرنا اللمه ضميرن بات بحمه وضمرن بات بطمه محمد شفيع الامه زيد فضلنا ممنبطح من دارك صدورنا منضرب وكفين علي طولنا الجبه الوجهتنا ثاني مابدورنا ورافع راسه بقصردونا يرودونا الرفقا يكتبوحدورنا نحنا نار املهيب مافي احد يدخلنا تشادي
صحة اللسانك
شهامة الليبين
الجيش الليبي يصفر في عقر انجامينا 🇱🇾🇱🇾💪💪
تعال ارفع جثث الليبين من الصحراء شمال تشاد لحد الان عضام الليبين مثل عضام البقر مرمية في الصحراء وانجمينا بعيدة من جيش العار الجيش الليبي المهزوم حتي قائد الجيش الليبي أسير خليفه حفتر أسير في تشاد انجمينا بعيدة منكم
حي الله التريس
اسود الصحرة
اسود الصحراء هم التشادين الذين يدفعون عن وطنهم وارضهم شهداء لانهم علي حق وابشرك عضام الليبين لحد الان مرمية في الصحراء شمال تشاد عضام الليبين مثل عضام البقر مرمية في الصحراء والاسري الليبين بآلاف وانت جاي تقول اسود الصحراء هههههههههههههههههههههههه الصحراء معروفين رجالها التشادين
آلله يرحمك يا معمر القذافي مليون رحمة على روحك الطاهرة
و بيناتهم كتح رقيق اغباره
فيها رسم سوقه و شيط نار
جوهم عويله طايبين عصاره
يديهم سقم و الضرب عالمنظار
هذوم في سوق الغلاء صبارة
و هاذوم ما طاقوا لهيب النار
فيسع هرب هبري من مغاره
من الي عادين عيون بومنيار
جبت الكلام منظمات اخباره
و توا عاد نحكيلك على ما صار
كلام شرك