Ku Isabato y' Imana ni Ryari?

Ese Isabato y’ Imana ni uwuhe munsi? Ese igihe cyaba cyaratakaye? Ese uruhererekane rw’ iminsi rw’ iminsi igize icyumweru rwaba rwarahinduwe? Ngiki icyo Bibiliya ibivugaho:
Mu Kuva 16:14-31 Imana yakoze igitangaza ubwo yagaburiraga Manu ubwoko bwayo mu butayu. Nta manu yigeraga iboneka ku Isabato, bityo abantu b’ Imana bategekwa kujya batoragura ku munsi wa gatandatu Manu ikubye inshuro ebyiri iy’ undi munsi, kandi ntibagire icyo batoragura ku munsi wa karindwi. Uwo yari wo munsi wonyine Manu itaboraga igihe irajwe ijoro. Kuva icyo gihe Abisiheli baziririza iyo sabato ngaruka-cyumweru ku munsi wa karindwi nkuko Imana yategetse, kandi umunsi baziririzaga mu binyejana byose byakurikiyeho ni umunsi twita ‘Samedi’.
Iyo igihe kiza kuba cyaratakaye hagati y’ iyimuka Misiri n’ igihe cy’ umurimo wa Yesu hano ku isi, Yesu aba yarakosoye ayo makosa. Cyane ko Yohana 1:1-3 na 14; Abaheburayo 1:1 na 2 n’ Abakolosayi 1:16, hose havuga Kristo ari we muremyi w’ ibintu byose-harimo n’ Isabato.
Ubwo Yesu yabambwaga, Bibiliya igaragaza Isabato y’ umunsi wa karindwi iyo ari yo. Muri Luka 23:50-56 na 24:1-3, Luka avuga ko Yesu yashyizwe mu gituro ku munsi wo kwitegura maze bakajya mu rugo gutunganya ibihumura neza n’ imibavu, bakaruhuka ku Isabato nk’ uko byategetswe. Ku munsi wa mbere w’ icyumweru, bazanye ibihumura neza n’ imibavu ngo babisige umubiri wa Yesu basanga igituro kirimo ubusa kubera ko Umwami wacu yazutse mu gitondo cya kare cyo ku munsi wa mbere w’ icyumweru.
Yesu yarabambwe maze ashyirwa mu gituro ku munsi wo Kwitegura-ari wo Vandredi umunsi wa gatandatu w’ icyumweru. Isabato ni umunsi ukurikira uwo-ari wo Samedi ku munsi wa karindwi-naho umuzuko wa Yesu uba ku cyumweru-ari wo munsi wa mbere. Nta gihe cyigeze gitakara kuva Yesu yabambwa, kandi urukurikirane rw’ iminsi rwa buri cyumweru ntirwigeze ruhinduka. Imana ntiyigeze ihindura umunsi wo kuramya.
Abahebura 4:1-11 hatubwira ko Isabato na magingo aya n’ aho Yesaya 66:22-24 hatubwira ko Isabato izaziririzwa mu ijuru n’ isi nshya. Isabato y’ Imana y’ umunsi wa karindwi ni Samedi! Kuva 20:8-10 hagira hati:
“Wibuke kweza umunsi w’ Isabato. Mu minsi itandatu ujye ukora, abe ari yo ukoreramo imirimo yawe yose, ariko uwa karindwi ni wo Sabato y’ Uwiteka Imana yawe. Ntukagire umurimo wose uwukoraho.”