(شيلة خلاها وقيده) من كلمات/ عبدالرحمن سلامه الحشكلي،اداء/شبل قضاعه،حفل زواج عبدالكريم سلامه الحشكلي
Вставка
- Опубліковано 12 вер 2024
- #شيلات #فهد_بن_فصلا #شبل_الدواسر #جديد_شيلات_مدح_شيلات_زواج_شيلات_مواليد_شيلات_تراحيب_حماسيه_اقلاعيه_ناريه_جديد_افخم_زفه_افخم_شيله #جهينه #الجهني #عبدالرحمن_بن_سلامه
#ابن_غنيم
#شعر #شبل_قضاعه #شبل_قحطان #ترند #اكسبلور
لي ثلاث شهور و جنون القصايد مستريحه
مير انا اللي لا حضر قسمه من الشرد شريده
دندني ياطبلة الهاجس وغني ياالقريحه
لين يركد من يهبد القاف مهباد الهبيده
شاعرن لـ منه غنا عقب لنفسه فضيحه
جعله افدا اللي نحت بالصخر ماهو بالجريده
هاجسي والماقف الغصاب والدعوى صريحه
هات من ندر بنات الفكر منجوبه جديده
مرحبا يامرحبا تنساق لـ وجيهٍ فليحه
في قدوم اهل الوفا والطيب و خصالٍ حميده
مرحبا واعداد برقٍن شوَّق الساري لميحه
بسم ابوي وحضرة اخواني نردده و نعيده
مرحبا على الشحم و البن هيله فاح ريحه
ندبل الترحيب من دافع غلا الضيف ونزيده
في حفل عبدالكريم وياعسى ايامك سميحه
ياوريث اللي كرمه وطيبه بـ مجرى وريده
ذخر حراب الردا والبخل والكف الشحيحه
راس ابوي اللي عشقه النعم وافعوله شهيده
جعل يفدونه اهل الـنمات واوجيهن قبيحه
الضعافه قسم لأهل الضعف و الروس البليده
محزمن دون الخوي لاباره الوقت و لفيحه
في عجب عين الرفيق ان قام خلاها وقيده
من دواهي عزوتن ماهمها الدنيا الكسيحه
روس قومن تعتزي دون المواقيف الشديده
من حشاكلةٍ لنا وقفات وعقولن رجيحه
فعلنا يشهد له التاريخ و الهقوه بعيده
يومها بين القبايل غاره و قومه و طيحه
كم عقيدن راسه اشتالوه بسيوفن حديده
يامعادي ربعي الجهنان خذها لك نصيحه
من يعادينا مايلقى جرحه الدامي ضميده
دايم اصغرنا مثل حيد الجبل محدن يزيحه
وقفت أكبرنا تفك اللي مايقوى فك قيده
سيرة الجهنان دوّنها البخاري في صحيحه
في بدر وحنين والخندق الامجاد التليده
نصرة الدين وصحابة من يكفينا مديحه
الشفيع الهادي اللي ثبت أركان العقيده
كفو
كفو بيض الله وجهك
كفوك الطيب وجهك ابيض
كفو والله يابو سلامه مبدع مبدع
معك يوسف الفايدي
كفوك الطيب لاهنت
@@user-fl2ky9um2w ونعم