مشكلة انطفاء سخان الغاز بعد التشغيل مباشرة
Вставка
- Опубліковано 4 жов 2024
- مشكلة انطفاء سخان الغاز بعد التشغيل مباشرة
حل مشكلة انطفاء سخان الغاز بصورة متكرره بعد التشغيل مباشرة
كيف تعرف تلف حساس الإشعال داخل سخان الغاز
الفرق بين الأعطال التي يسببها تلف الحساس
والأعطال التي تسببها الدائرة الكهربائية
أسباب انطفاء سخان الغاز بعد تشغيله مباشرة
شكرا لك اخي على هذه المعلومة حفظك الله ورعاك
متشكر جدا ، ويسعدنا انضمامك للقناة
جزاكم الله خيرا شكرا
متشكر لحضرتك ويسعدنا انضمامك للقناة ومتابعتك لنا
الله ينور ياهندسه وبارك الله فيك وفى علمك
اللهم آمين ، منور القناه حضورك باشمهندس محمود
سلام عليكم معلوماتك مهمة جدا برك اله فيك
متشكر جدا لحضرتك ويسعدنا متابعتك لنا واشتراكك في القناة
راءع في التشخيص العطل بي كل احترافيه لي الدهاب لي الجزء العاطل فعلا
يسلم ذوقك الرفيع ، ومتشكر جدا على هذا الدعم المعنوي ، ربنا يجعلني عند حسن ظنكم جميعا
بارك الله فيك فعلآ كان في صدى على الحساس واشتغل
ربنا يبارك في حضرتك ، ويشرفنا متابعتك لنا
موفق انشاء الله
شرح ممتاز
متشكر جدا لحضرتك
ربنا يبارك فيك
اللهم آمين ، سعداء جدا بمتابعة حضرتك لنا ..
جزاك الله خير شرح ممتاز... السخان عندي بيعمل شيرز مستمر رغم اشتعال السخان و بيخلص البطارية بسرعه.. ممكن اعرف ايه السبب
المشكله دي ترجع لأكثر من سبب ؛ أولهم ممكن يكون حساس اللهب تالف ومحتاج يتنظف ؛ أو يتغير وده بيبقى لونه أبيض شبه شمعات الاشعال بالظبط ؛ متثبت وسط النار ؛ ممكن أنظفه بواسطة (سلك غسيل الأواني) ده طبعا وهوا راكب مكانه في السخان بدون فك الحساس وفي الحاله دي بنحتاج نفك الوش الخارجي السخان علشان نوصل للحساس
نظفته ومازال الشيرز لا يتوقف هل يوجد اسباب اخري ... ياريت يكون في فيديو لحل مشكله استمرار الشيرز
لو حضرتك نظفتيه يبقى الخطوه التانيه يتم تغييره واستبداله بواحد جديد ، ولكن قبل هذه الخطوه لازم نتأكد أن النار ملامسه للحساس ده كويس بمعنى أن الحساس ما يكونش بعيد عن النار ، بعد استبدال الحساس لو مازالت نفس المشكله موجوده يتم استبدال دائرة الإشعال بالكامل ( الدائرة الكهربائية) ويجب الأخذ في الاعتبار بأن هذه المشكلة مشكله متداخله بمعنى أن هذا العطل من الممكن أن يكون المتسبب فيه أكتر من جزء داخل السخان ..
السلام عليكم. المشكل عندي السخان جديد كلى يشتغل دقيقتين وتنطفي النار ماهو الحل .نوع السخان chaffeteaux brf . غاز قارورة
وعليكم السلام ، أريد بعض المعلومات الإضافية مثل ، هل السخان يعمل بالحجارة أو البطاريات أم بالأدبتور ، وهل يستمر صوت تشريز شمعات الإشعال بعد عملية الاشتعال ، وهل يفتح الميكروسويتش بصورة طبيعية أم يغلق بعد الفتح مباشرة ، وعلى العموم حاول أولا أن تتأكد من أن حساس الإشعال ملامس جيدا للنار مدام أن السخان جديد
وهل الإبرة بتتغير في حالة السخان بينقط يعني لو سخاني مبينقطش يبقي مش محتاج إبرة؟
أسف ع الإطالة
الابرة يتم تغيرها في حالة تسريب مياه من ناحية الميكروسويتش أو حدوث ثقل في حركة الابرة
جزاك الله خير وربنا يوفقك .... فى عندى مشكلة فى سخان يونيفرسال 6 لتر .... لما وصلت ادابتر للسخان بقى يفصل بعد 15 ثانية من الاشتعال ولما فصلت الادابتر ورجعت الحجارة المشكلة اختفت .... فما هو حل هذه المشكلة افدنا افادكم الله وجزاك الله خيرا
ربنا يجازينا وإياك كل خير ، أولا هل السخان بيفضل يعطي صوت تشريز باستمرار حتى بعد التشغيل وبعد كده يفصل ، لو كان بيعمل كده معاك يبقى دي مشكلة الادبتور اللي انت ركبته الفولت أو الأمبير بتاعه عالي على السخان ، وفي الحاله دي حاول تجيب ادبتور (3 فولت 1 أمبير) هيشتغل معاك كويس ، وبلاش شواحن الموبايلات علشان هتأثر على دائرة الكهرباء ، لكن لو مكنش بيعمل معاك كده يبقى الحساس بتاع السخان هو السبب في المشكله دي حاول تبعد الحساس عن فتحة النار علشان ما يحسش بسرعة الللهب ، والحساس ده بيبقى متثبت على فتحة صغيره في منتصف (السربنتينه) بتاع المياه طرف من اطراف الحساس بيبقى خارج من الدائرة الكهربائيه والطرف التاني متثبت على جسم الكويل أو المحبس بتاع الغاز ، حاول تخرج الحساس ده خارج الفتحه المخصصه له ..
حضرتك انا عندي ف جلدة الرداخ إتنين ودن وودن واحدة بس هي اللي فيها نحاسة صغيرة والودن التانية مفهاش حاجة مش المفروض في نحاسة تانية وهل النحاسة الصغيرة الناقصة دي بتتباع عند قطع الغيار وشكرا مقدما
قطعة النحاس الصغيره االمسماه ( البلبلة ) ليها وظيفة مهمه في سخان الغاز ، واحده منهم وظيفتها تعادل ضغوط المياه داخل مجموعة المياه في السخان والثانية للفايظ ، وعدم وجود واحده ليست في مكانها المخصص يمكن أن يكون بسبب عملية صيانة سابقة تمت للسخان وضاعت بسببها تلك البلبة الصغيرة ، وللعلم ينفع تركب جلدة الرداخ بدون البلبة بشرط أن لا يتم سد تلك الفتحات الموجوده في جلدة الرداخ وسيعمل السخان بصورة سليمة
ملحوظة : إذا تم سد أو غلق تلك الفتحات المخصصة للبلبلة عند تركيب الجلدة في مجموعة المياه من الممكن أن يتسبب في عمل السخان بصورة مستمرة حتى بعد غلق صنبور المياه الساخنه ولن يتوقف عن العمل ولذلك يجب الحفاظ على تلك الفتحات نظيفة ، أما بخصوص شراء واحده جديده بدل الضائعة فللأسف ليست متوفرة في السوق كقطعة غيار
السلام عليكم يا هندسه أنا عندي المشكله يشتغل مع التكتكه وبعدين يفصل النار وتفضل التكتكه شغاله شويه لما يفصل سنفرة الحساس بردو نفس المشكله وغيرت الكارته نفس المشكله
"وعليكم السلام " في الحالة دي هتحتاج تغير حساس اللهب ، وبعد تغييره اتأكد انه ملامس للنار بطريقة مباشرة وليس بعيد عن النار
ملحوظة : مع مراعاة أن لا يكون السخان شغال على أدبتور (شاحن ) عالي الفولتية تتجاوز قيمتة 3 فولت ، لان لو السخان شغال على شاحن غير مصمم للعمل مع السخانات هيبقى هوا سبب المشكلة
شكرا علي سرعة الرد يا هندسه
انا فعلا غيرت حساس اللهب وبردو نفس المشكل وهو شغال على شاحن بالفعل بعد التعديل كان شغال حجره بس شغال بالشاحن من فتره كبيره
@@mohamedomr4684 جرب حضرتك تغير الشاحن أو تجرب بحجاره ولو نفس المشكلة ما زالت موجوده اتأكد من سلك الأرضي الخارج من الدائرة انه متثبت على أي جزء معدن من جسم السخان والسلك ده بيبقى مميز انه خارج من طرفة ترملة مستديرة وليست مربعه
لوسمحت يوجد رائحة غاز فى داخل السخان لاني شكيت على المواسير الغاز بالنار ولا يوجد اى تسريب بها سخان فريش سبا ١٠ لتر ادبتور جاى مع الجهاز مع العلم الجهاز بقاله اسبوع وشكراً لك مقدما واسف على الإزعاج
حضرتك انا لما فكيت مجموعة الرداخ وبدوس ع السوسته اللي ورا الجلدة لقتها تقيلة جداً هل تقلها دة بيسبب إنطفاء شعلة السخان؟
شكرا لحضرتك
وجود ثقل نسبي في حركة إبرة الغاز شئ طبيعي وذلك من باب الأمان وحتى لا يتم تشغيل السخان بدون فتح صنبور المياه الساخنه ، ولكن إذا كانت حركة الإبرة بها ثقل شديد بحيث لا تسطيع تحريكها بالضغط عليها باليد فذلك معناه أنها تالفة ويجب إستبدالها بواحده جديده بنفس الشكل والمقاس ، ولكن يجب الحذر عند فك الابره القديمة وتركيب الابره الجديده وذلك لأنها تحتاج إلى ضبط وتوفيق ما بينها وبين الميكروسويتش ويستحسن أن يتم ذلك بواسطة فني متخصص حتى لا تحدث تلفيات مبالغ فيها بالسخان
لو سمحت انا السخان فريش 6لتر لسة مركباة جديد ديجتال.. هو جاى بادابتور ووممكن استخدم بطاريات .. الشعلة بتشتغل حوالى 30 ثانية وتفصل وترجع تشتغل 5/6 ثوانى وترجع تفصل وهكذا... الشعلة تشتغل وتفصل ومش عارفة ايه الحل.. وضغط المية عندى كويس
أولاً ..
هل السخان يعمل على الغاز الطبيعي أم على غاز الأنبوبة ؟ وإن كان يعمل على الغاز الطبيعي هل تم توسعة وضبط الفواني لتتناسب مع الغاز الطبيعي ؟ وعلى العموم مبدئياً حاولي حضرتك تخفضي مستوى اللهب وتقليل مستوى الشعلات حتى لا ترتفع درجة الحرارة بسرعة ويقوم السخان بالفصل ، إن لم تحل المشكلة بهذه الخطوات فهذا العطل يحتاج الى فني يقوم بفك السخان والكشف عن سبب العطل لانه غالبا سيكون هناك احتمال عدم وجود نار ملامسة لحساس اللهب الموجود بجانب شمعات الاشعال ولذلك يقوم السخان بالفصل وإعادة التشغيل بشكل متقطع
و لما فكيت جلدة الرداخ في تحت السوستة والتيلة مسمار و مش مربوط بيتحرك هل دي طبيعته وعدلته بتبقي ازاي يعني راس المسمار دة بتبقي نحيتي ولا الراس ل تحت؟
شكرا مقدما
ده مش مسمار ، هذا الجزء يسمى ( برشاش المياه ) والطريقة الصحيحة لتركيبة هي " الجزء الصغير بيبقى بارز من مجموعة المياه في اتجاه جلدة الرداخ وتركب عليه السوسته ثم توضع التيله البلاستيك التي تشبة الطبق الصغير على رأس الرشاش حتى لا تسقط السوسته ويظل مخرج الرشاش الصغير بارز في اتجاه جلدة الرداخ "
عندي سخان وايت ويل بيشتغل عادي والشرز بيقف ويستمر في العمل وبعد ٥ دقائق بيفصل وساعات يشتغل كويس ايه المشكلة
تأكد أولا من ضغط وقوة المياه لأن لو المياه ضعيفة هتعمل نفس المشكلة ، الخطوة الثانية حاول خفض الشعلات وتقليل مرور الغاز لأن هناك أنواع كثيرة من سخانات الغاز مصممة بحيث لو وصلت درجة الحرارة الى 85 يفصل السخان ولا يعمل الا إذا تم غلق حنفية المياه وفتحها مرة أخرى
السخان مره يشتغل ويفضل دقيقتين وبعدين يفصل ومره ميرضاش يشتغل يتكتك بس عملت كل حاجه ماعدا تغيير الكارته
ممكن تفاصيل اكتر عن نوع السخان والسعة اللترية وهل يعمل بالغاز الطبيعي أو غاز الانبوبة وهل يعمل بأدبتور أو بالحجارة ، وذلك حتى أتمكن من تشخيص المشكلة بدقة وأستطيع أن اساعدك
عافاك الله . المشكلة عندي ينطفئ بعد ٢٠ د تقريبا شو الحل
هذه لا تعتبر مشكلة في حد ذاته ؛ لأن بعض الشركات قامت بتصميم السخان بحيث يتم فصله تلقائيا إذا تم تشغيله فترة زمنية متواصلة تتراوح ما بين 18 دقيقة و25 دقيقة ، وبعض السخانات الأخرى إذا وصلت درجة حرارتها إلى 85 درجة يفصل السخان عن طريق الثرموديسك تلقائيا ، وذلك لحماية السخان من ارتفاع درجات الحرارة ، كل المطلوب وقتها أن يتم فصل السخان وإعادة تشغيلة مرة أخرى ..
سعر الدايرة الكهربائية كاملة كام؟
للأسف ونظرا للارتفاع المتزايد للأسعار لا أعلم سعرها حاليا ولكن تختلف بإختلاف نوع السخان وتختلف من فني لآخر
لدي مشكلة انطفاء الشعلة بعد ثانيتين ماالحل جزاك الله خيرا
أرجو وصف المشكلة بالتفصيل مع ذكر نوع السخان حتى أتمكن من الرد على حضرتك بصورة صحيحة ، مثال : هل يوجد تشريز بإستمرار بعد عملية الاشتعال
ايوا فيه تشريز ... سخان زانوسي ٦ لتر
اخي لو سمحت انا ينطفئ مباشرة بعد الاشتغال فما المشكلة
أرجو وصف المشكلة بشكل مفصل حتى أستطيع تحديد مكان العطل ، ولكن حاول أن تتأكد من قوة البطاريات ( الحجارة) وتنظيف حساس اللهب الموجود بجوار شمعات الاشعال
السلام عليكم اخبار حضرتك ايه اا عندى مشكله فى سخان تورنيدوا 10 لتر السخان بيشتغل شويه وبعد 30 ثانيه بيفصل الغريب انى لما بفك وش السخان واشغله يشتغل عادى خالص ولما اركب وش السخان المشكله بترجع تانى
وعليكم السلام ، السخان اللي عند حضرتك مزود بشاشة ديجيتال والا لأ ، احتمال لو موجود عند حضرتك شاشة للأرقام يبقى فية مشكلة في مخرج الشاشه والحساس الخاص بقراءة درجة الحرارة أو السوكت الخاص بحساس الحرارة والشاشة ، لو مافيش شاشة حاول خفض محبس درجة الحرارة وجرب من جديد
@@fakar-tafham عندى بس لو ركبت الوش وانا مش مركب سوكت الشاشه الديجيتال برضو بيعلق
@@AhmedSamir-gv9kg اتأكد من سوكت حساس الحرارة اللي متثبت على ماسورة المياه أولا وده الأهم ، وبعد كده قم بخفض درجة الحرارة
السخان مابيشتغل لما باوصل الشاشة
لما افصل الشاشة بيشتغل تمام
في الحالة دي تبقى االشاشة بها مشكلة وعاملة لود زيادة على كارتة السخان وهتحتاج تغيير
نقدر نزيد مضخه الضغط على السخان اللي من دون ضغط?
عذرا فلم أفهم سؤالك بالضبط ممكن التوضيح حتى أستطيع الرد بطريقة صحيحه
أنا عندي بتوطي تدريجياً لحد متطفي سخاني يونيڤرسال 10لتر ديچيتال؟
أحتاج إلى وصف المشكلة بالتفصيل مثلا هل يوجد شاشه للسخان وهل ضغط المياه ضعيف وانطفاء الشعله بعد مرور كم من الوقت بعد عملية الاشتعال ، وذلك حتى أتمكن من تحديد سبب المشكلة بطريقة صحيحة
@@fakar-tafham
أيوة في شاشة والمياه شديدة جداً والشعلة بتفضل توطي تدريجياً لحد متطفي
@@hobylraby6128 لكام تصل درجة الحرارة على الشاشة الديجتال قبل عملية الفصل ، مع الاخذ في الاعتبار كل السخانات مزودة بنظام أمان فعندما تصل درجة الحرارة 85 يقوم السخان بالفصل ذاتيا حتى لا يحترق ويتطلب إعادة التشغيل حتى يعمل مرة أخرى ، وهل السخان يعمل على الغاز الطبيعي أم غاز الأنبوبة ( أول عملية صيانة يجب أن يمر بها السخان هي تغيير جلدة الرداخ في المقام الأول وبعد ذلك يتم النظر في بقية الاجزاء تباعا
@@fakar-tafham
الشاشة مبتجبش درجة الحرارة هي علي طول جايبة EE
@@hobylraby6128 EE ده معناه عطل في حساس المياه الساخنه اللي بيبقى راكب على ماسورة المياه الساخنه داخل السخان ، يجب تغييره أولا حتى تعمل الشاشه بصورة سليمة وبعدها يتم تشخيص العطل بناءا على الارقام التي يفصل السخان عند الوصول اليها
سلام عليكم انا عندي سخان فيه المشكلة هذي عملت كل الي قلت عليه بدلت الحساس و ثبت السلك الارضي و اخيرا بدلت الدائرة الكهربائية و مازال نفس المشكل معايا يشتغل السخان و ينطفئ بعد ثواني. الله يخليك شوفلي حل 😢
هل يستمر صوت التشريز حتى بعد إشتعال النار أم يتوقف ؟ إذا استمر تشريز الشمعات بعد أن بدأت النار في الاشتعال ثم إنطفئ بعد ذلك فهذا بسبب تلف حساس اللهب ، ولكن اذا توقف صوت التشريز وبعد ذلك مباشرة إنطفأت النار فأبدأ بالكشف عن قوة الحجارة أو البطاريات أولا وبعد ذلك حاول تختبر صمام الغاز ( الكويل أو السلونايد ) وأخيرا قم بإستبدال الميكروسويتش ua-cam.com/video/BYD4V5_Mm4U/v-deo.html