لطمية وحدي ضليت مكتوبة |ليلة 3 محرم 1440|ملا حامد العامري | مسجد الموسوي الكبير

وحدي ضليت غيرك ما بعد عندي وسيلة
خوية ناديت تگدر يالطفل تكفل عليلة
يعبدالله والجروح اكثر من عمر نوح
يخوية
/////////////////////////////////////////////
چني فطرس من اجيتك خوية ما تجبر جناحي
بمهد ابوك تداوى فطرس ومهدك اليشفي جراحي
سابگوا عمري وي علتي كلشي ما ظل بيه صاحي
بس امل عيشني ليلة وينذبح چنه بصباحي
ارحم الحال وانطيك الوعد من تحدي الضعون
اسهر ليال وافرشلك مهد بجفون العيون
تهيس اختك تنوح اكثر من عمر نوح
يخوية
///////////////////////////////////////////////////////
چم رضيع ومنه ضهرت اية للباري وعلامة
واحد ليوسف شهدله وبين الحق بكلامه
وبالمهد عيسى تكلم وعرّف العالم مقامه
وانت مو هين مقامك انت من نسل الامامة
يبن الحسين بيك توسلت لله بدعائي
گرة العين ما ضن ينگطع منك رجائي
عليك الامل مطروح اكثر من عمر نوح
يخوية
////////////////////////
لا شمس تضويلي باجر لا گمر ويضوي ليلي
يا نجم امالي كلها اليهتدي بوجهك دليلي
كلمن بحرمه تكفل وانت اريدنك كفيلي
چلمة منك ليه تشفع لوالدي بقصة رحيلي
چفي ترعاك ادري تعودت تغفى عليها
واسهر وياك خافن تعثر الناگة بمشيها
تطيح و خيتك تنوح اكثر من عمر نوح
يخوية
//////////////////////////
چنه دمعك گلي صبري وانا اصبر بس اخبرك
وي دمعك گمت اشوفن چم سهم غافي على نحرك
راح احل گماطك انا واعگد سنيني على عمرك
حتى تسحگني الحوافر ولا ترض الخيل صدرك
من تعطشون خوية اتحير وتفكر بهاي
اخذ العيون تگطرلك دمع لو منعوا الماي
يدمك چنه مسفوح اكثر من عمر نوح
يخوية
#البصرة #لطميات_مكتوبة #لطميات #مسجد_الموسوي