ქალაქი და მდინარე - 2 ივნისი მტკვრის დაცვის დღეა

მტკვარი კავკასიის ყველაზე გრძელი მდინარეა, მის ნაპირზე განლაგებული ყველაზე დიდი ქალაქი კი თბილისია. მტკვარი თბილისის ლანდშაფტების განუყოფელ ნაწილს წარმოადგენს, თუმცა თბილისის მაცხოვრებლებს მდინარესთან ურთიერთობის საშუალება ნაკლებად თუ აქვთ
“დღეს რომ მტკვარი არ არის ჩართული ქალაქის ცხოვრებაში, ეს ყველაზე დიდი პრობლემაა. სანაპირო როდესაც გაკეთდა, რომელსაც პირველად სტალინის სანაპირო დაარქვეს, ახლა კი სხვა სახელი ჰქვია, მან ჩაკეტა მტკვრის სანაპიროსთან მისასვლელები, მდინარე ნელ-ნელა ქრება ადამიანის ცხოვრებიდან, თბილისის ცხოვრებიდან”, - ამბობს „მწვანეთა მოძრაობა - დედამიწის მეგობრების“ ხელმძღვანელი ნინო ჩხობაძე