唔玩唔知有獎攞丨張振朗神速以單手解鈕 被黎諾懿爆平日喺屋企訓練有素

唔玩唔知有獎攞丨張振朗神速以單手解鈕 被黎諾懿爆平日喺屋企訓練有素
吳若希、陸浩明、林正峰主持嘅直播遊戲節目《唔玩唔知有獎攞》，呢晚請嚟三對螢幕CP做嘉賓，包括黎諾懿同高海寧、張振朗同賴慰玲、孔德賢同游嘉欣，未過未開始記已經火藥味十足，高海寧仲話因為成日畀拍檔黎諾懿踩，所以想將佢換成張振朗呀！
節目入面其中一個遊戲係要佢哋單手解鈕，熟手嘅振朗完勝其餘兩對CP，睇到在場眾人嘩嘩聲，事後佢哋接受訪問嗰陣，振朗仲一臉疑惑咁後問大家「解鈕真係咁難咩？」黎諾懿即時搭嘴，就話振朗平時返屋企經常要幫人除衫，訓練有素先可以練到呢個手速。呢個時候高寧都加入話題，佢拎埋主持支咪先問諾懿點解解鈕解咁慢，諾懿即話自己冇訓練好耐，仲抵死咁話呢個就無結咗婚同未結婚嘅男人嘅分別，高寧即時接住個話題，乘勢叫振朗快啲結婚，搞到振朗尷尬到口窒窒，仲叫高寧畀返支持主持。雖然諾懿隻手就幫振朗遞返支咪畀主持，但係把口就繼續講，話經過呢晚之後，振朗可能要返去同女友解釋，點解可以單手解鈕解咁快，之後又話振朗可能係平時訓練得多，所以先Game先咁得心應手，被圍攻嘅振朗即時耳仔都紅晒呀！
至於同樣平日都有做開體能訓練嘅嘉欣，就話上完呢個節目，完全覺得自己平日嘅訓練係無用，因為大家嘅體能都好好呀。
#唔玩唔知有獎攞 #黎諾懿 #高海寧 #張振朗 #賴慰玲 #孔德賢 #游嘉欣 #吳若希 #陸浩明 #林正峰 #螢幕CP
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0