يعطيك العافيه بصراحه السياره جميله ووكيلها ممتاز وكفاله ممتازه ومواصفات أكثر من البرادو وبنص السعر احلى جمله قلتها انك تستمتع لما تحط فلوسك من اول يوم موفقين
اخوي لو سمحت ليش الهافات h9 ٢٠٢٥ سعره اقل بالسعودية مع العلم عندهم ضريبة القيمة المضافة ... كنت افكر اشتري بس يوم شفت السعر فرقه وايد وقفت والغيت الفكرة .
السلام عليكم مع احترامي و تقديري لك استاذ غيث ما يجب انك تقارن هافال مع برادو ثانيا السعر مرتفع ١١٥٠٠ ، انا اقدر سعرة ٩٥٠٠ الفل و ٨٥٠٠ النص فل و هذا اصدار جديد للهافال اتش ٩ ما تم تجربته من المستخدمين و لا بين اذا كان فيه عيوب ام لا ثالثا بالنسبه للمكينه و الجير اذا كان زد اف يعتبر جيد جدا و عزمة ممتاز و كافي على السيارة الله يوفق الجميع البائع و الشاري ان شاء الله
تاريخ البرادو يعفيها انها تقف جمب سيارة صينيه لكن الواق حنا في عصر تقشف فتحتاج خدمات اكثر من السيارة وتسهيلات شراء وسعر ارخص فبتلقاي نسبه مهمه تغير وجهتها لتنك او هافال بسبب السعر والكماليات الكثيره
حبيبي ابو راس مربع قبل تنتقد وتسب انت منت خسران شي اذا نجحت الهافال بالعكس بتكسب انت بتصير شركتك المضروبة اللي صايره سياراتها تخبط وهي ماعدت خمسة الاف بتبداء تفكر تخفض السعر المبالغ فيه وتحط لك مواصفات زينه خلي السوق يصير فل شركات صيني وكوري واوربي كله مصلحه للمستهلك وهو صاحب القرار ياخذ السيارة اللي تعجبة وعلى قدر ميزانيته
@@NZYZNGH14 والله خدمات ما بعد البيع هذي والله ما صدقت فيها ، شوف الي فروعه منتشره في كل مكان وقطع غيار متوفرة اظن ما احد ينكر او يجحد ان البرادو يتفوق في هذه النقطة .
معليش استاذ غيث مع كل احترامي وتقديري لك ... لكن انا امتلك هافال h922 واعتبرها غلطت عمري اني انخدعت بالدعاية المضلله له والسبب: ضعف عزم المحرك في بداية قومة السيارة يعني لو بتتلافى شي خطير وتدعس للسيارة ما تصحى غير بعد ما يعدي الاربي ام 2000 والسيارة توها ما كملت 50 الف وصوت الهواء في الابواب مزعج جدا حتى في ابطىء السرعات ومثبت السرعة الغبي وليس الذكي الذي كاد ان يتسبب لي بحادث شنيع لولا لطف الله والكارثة التي لم اجد لها حل طقة في القير اثناء الوقوف تحس احد صادمك من وراء لا حلوها الوكالة ولا حتى الشركة الام في الصين وفي الاخير قالوا هذا عادي فيه ولو بغيت ابيعه نزل اكثر من نصف سعره.... مع كل الاحترام لك اقسم بالله العلي العظيم لو يرجع بي الزمان ما اخذه وما اختار غير البرادو
عندي نفس موديل سيارتك و ابداً ماندمت على مشراه العزل الارضي فيه ممتاز مقارنه مع الي مثله من الجيوب العزل الجانبي للقزاز جيد مفروص انه افضل لكن يعتبر افضل من غيره من الجيوب الي نفس فئته بالنسبه للعزم ابعد عن ECO خل السياره في وضع AUTO يكون عزمه ممتاز و اي سياره تيربو لازم يكوم فيها ما يسمى باللاق بعض الشركات تلفت هذه المشكله بوضع محرك كهربائي صغير و بعضها حطت اثنين تيربو و فيه شوي لاق ايضاً و كل ماتطورت السيارات يبداء يختفي اللاق هذا لكن حالياً موجود في افلب محركات التيربو لكن مثل ما قلت لك حاول تخي السياره على وضع AUTO و بيخف اللاق معك او وضع SPORT بتشوف شيء اخر من العزم لكن بيسحب بنزين شوي زياده و لا تندم على ما فات استمتع بسيارتك و لا تتحسف لان بالفعل الموتر مبدع و لا تخلوا السيارات من بعض المشاكل و الحمدلله اولا و آخراً
انت حساس وتتذمر كثير وماتنظر بزاوية نظر واسعة وينقصك معلومات هذا كل القصة عزيزي ،، كل اللي ذكرته واكثر ما غير راينا احنا الملاك لل H9 معي 21 برغم كلشي يقال وكثرة الوساوس والملاحضات اللتي قد لايحبها البعض او يتحسس منها الا انها لا تغير فكرتنا الكاملة الشاملة اللي بناء عليها امتلكنا هذي التحفة عالية الجودة والتقنيات المنافسة في فئتها وبسعر بخس يعتبر ،، احمد الله واشكره واعقلها واتكل ولاتتذمر من شغلات لاتعتبر عيب في تقنياتها و اذا تبغى استجابة اسرع حطها في وضع الرياضي وادفع فلوس بنزين زيادة ،،، قارنها بغيرها في تقنياتها وتعرف
🤣🤣والله يا الياباني اما يتلاحق نفسه ولا راحت عليه الصيني قادم وبقوه وفيه سيارات وشركات صينيه كثير اثبتت نفسها وبقوه عندنا في الخليج وسيارات جميله وفخامه وبارخص بكثير من كثيير من المنافسين
العنوان يحسسك انها تانك .. يا رجال مافيه مقارنه لا من جير لا من مكينه ومن سعه داخليه ولا من شكل .. فرق بين سياره suv وسياره كروس اوفر.. فما بالك لو كانت ال suv هذي مخصصه لل Off-Road
الغريب العجيب ان يتم مقارنة السياره الصينيه هاڤال بسياره يابانيه تويوتا برادو !! تعال بعد 5 سنوات من استعمال السيارتين بعدها نتفاهم 😊 اين الثرا من الثريا
ماشاء الله تبارك الرحمن..الشرح واضح وكافي الله يسلمك ويعطيك العافية.. الي الأمام.
@@AliHdadi-eh3vb شكرا على كلامك الطيب
رعب رعب ماشاءالله علي الهافال شكل ومواصفات جداً عالية
احسن يشرح السيارات الله يوفقك يالغالي ❤
@@care5537 ربي يحفضك
ماشاءالله تغطيه وشرح ممتاز ❤🎉
في الكويت عندكم الفرق بين الفل والنص فل فرق بسيط عندنا بالسعودية قرابه ٢٠ الف😢
@@29alplan حياك بالكويت نخدمك بعيوننا
@@ghaieth
الله يرفع قدركم اهل الكويت 🇰🇼 اهلي وحبايبي🥰
اكثر سيارة عجبتني صراحة تانك ٧٠٠ المعدل بس اتوقع حتى لو توفر السعر بيكون غالي ويعطيك العافية ياطيب
صحيح انا سائل الوكاله سعره ٣٠ الف تقريباً
@@AbdullahAlzoabe خيالي اخذ لاند او باترول او يوكن افضل وارخص
الله يبارك فيك ويعافيك
ماشاء الله مع ان سيارتي اثنينهن يابانيات لكن بصراحة الصيني الجديد ابداع😊
ابداع يستاهل الشراء
تتفوق على البرادو بعد في المكيف الوسطي
البرادو سعره ٢٣١٣٠ يعني تجيب 2 من الهافال مساكين أصحاب البرادو في النهاية كلها سيارة لها عمر محدد خذ الأرخص والأفخم
يعطيك العافيه بصراحه السياره جميله ووكيلها ممتاز وكفاله ممتازه ومواصفات أكثر من البرادو وبنص السعر احلى جمله قلتها انك تستمتع لما تحط فلوسك من اول يوم موفقين
الله يبارك بها اليد الللي كتبت الكومنت
بالتوفيق يا غيث وفالك المبيعات الكثيرة
الله يحفضك ويخليك
يعطيك الصحة. بس متى ممكن ينزل جريت وول sahar الجديد عندنا؟
شهر ٢ الجاي انشاللله
استاذ لو بتسمح محتار بين الاسود والرمادي (فئة الميد اوبشن)، لو مكاني ايش تختار؟
@@ahmedseddeq95 الرمادي احلى شيء
@@ghaieth هل اذا اخذت رمادي لون الداخلية يكون بني (لون جملي) او فقط خيار اسود كداخلية؟
اخوي لو سمحت ليش الهافات h9 ٢٠٢٥ سعره اقل بالسعودية مع العلم عندهم ضريبة القيمة المضافة ... كنت افكر اشتري بس يوم شفت السعر فرقه وايد وقفت والغيت الفكرة .
كنت مفكر اشتري تانك 300 بس بعد ما شفت هذي انبهرت.. ايش تنصحني علما عندي عائله وقليل اطلع رحلات بر؟
@@tariqal-ismaili511 haval h9 اكيد
السلام عليكم مع احترامي و تقديري لك استاذ غيث ما يجب انك تقارن هافال مع برادو
ثانيا السعر مرتفع ١١٥٠٠ ، انا اقدر سعرة ٩٥٠٠ الفل و ٨٥٠٠ النص فل و هذا اصدار جديد للهافال اتش ٩ ما تم تجربته من المستخدمين و لا بين اذا كان فيه عيوب ام لا
ثالثا بالنسبه للمكينه و الجير اذا كان زد اف يعتبر جيد جدا و عزمة ممتاز و كافي على السيارة
الله يوفق الجميع البائع و الشاري ان شاء الله
تاريخ البرادو يعفيها انها تقف جمب سيارة صينيه لكن الواق حنا في عصر تقشف فتحتاج خدمات اكثر من السيارة وتسهيلات شراء وسعر ارخص فبتلقاي نسبه مهمه تغير وجهتها لتنك او هافال بسبب السعر والكماليات الكثيره
نبي تصور الفئه الي ب ١٠٥٠٠
شنو هي خدمة الطريق ؟
السلام عليكم.. متوافر منه لون مطفي زي وكيلها بالسعودية؟
اي استلام السياره بيكون شهر ١٢
حبيبي ابو راس مربع قبل تنتقد وتسب انت منت خسران شي اذا نجحت الهافال بالعكس بتكسب انت بتصير شركتك المضروبة اللي صايره سياراتها تخبط وهي ماعدت خمسة الاف بتبداء تفكر تخفض السعر المبالغ فيه وتحط لك مواصفات زينه خلي السوق يصير فل شركات صيني وكوري واوربي كله مصلحه للمستهلك وهو صاحب القرار ياخذ السيارة اللي تعجبة وعلى قدر ميزانيته
الصين قادمة بقوة لازاحة الياباني المبالغ في سعرة كثيرا !
هو نفس مكينه وجربوكس تانك 300?
Yed
لا توجد مقارنة مع البرادو أجمل اعتمادي قطع غيار متوفرة سعر إعادة البيع يفوز بها البرادو
صحيح الا حد ما يعني تبيع السياره بعد خمس سنوات البرادو يطيح منو ٧٠٠٠ مثلا وهذا يطيح من سعره سبع الاف بالدينار
بس فرق السعر استمتعت في قياده كل هالمده وماحسيت نفسي راكب ددسن مصندق لعيون شيك بالجيب ، لاأبوها سياره مااستمتع وانا اسوق مافيها اي شيء وسعر فلكي وخدمات الوكاله بعد البيع زفت
@@NZYZNGH14 بردت قلبي الله يسعدك 😅
@@NZYZNGH14
والله خدمات ما بعد البيع هذي والله ما صدقت فيها ، شوف الي فروعه منتشره في كل مكان وقطع غيار متوفرة اظن ما احد ينكر او يجحد ان البرادو يتفوق في هذه النقطة .
معليش استاذ غيث مع كل احترامي وتقديري لك ... لكن انا امتلك هافال h922 واعتبرها غلطت عمري اني انخدعت بالدعاية المضلله له والسبب: ضعف عزم المحرك في بداية قومة السيارة يعني لو بتتلافى شي خطير وتدعس للسيارة ما تصحى غير بعد ما يعدي الاربي ام 2000 والسيارة توها ما كملت 50 الف وصوت الهواء في الابواب مزعج جدا حتى في ابطىء السرعات ومثبت السرعة الغبي وليس الذكي الذي كاد ان يتسبب لي بحادث شنيع لولا لطف الله والكارثة التي لم اجد لها حل طقة في القير اثناء الوقوف تحس احد صادمك من وراء لا حلوها الوكالة ولا حتى الشركة الام في الصين وفي الاخير قالوا هذا عادي فيه ولو بغيت ابيعه نزل اكثر من نصف سعره.... مع كل الاحترام لك اقسم بالله العلي العظيم لو يرجع بي الزمان ما اخذه وما اختار غير البرادو
الله يعوض عليك ويرزقك احسن منها لاتتحسف علي شي فات والحمد للله علي حال
عندي نفس موديل سيارتك و ابداً ماندمت على مشراه
العزل الارضي فيه ممتاز مقارنه مع الي مثله من الجيوب
العزل الجانبي للقزاز جيد مفروص انه افضل لكن يعتبر افضل من غيره من الجيوب الي نفس فئته
بالنسبه للعزم ابعد عن ECO خل السياره في وضع AUTO يكون عزمه ممتاز
و اي سياره تيربو لازم يكوم فيها ما يسمى باللاق
بعض الشركات تلفت هذه المشكله بوضع محرك كهربائي صغير و بعضها حطت اثنين تيربو و فيه شوي لاق ايضاً
و كل ماتطورت السيارات يبداء يختفي اللاق هذا
لكن حالياً موجود في افلب محركات التيربو
لكن مثل ما قلت لك حاول تخي السياره على وضع AUTO و بيخف اللاق معك او وضع SPORT بتشوف شيء اخر من العزم لكن بيسحب بنزين شوي زياده
و لا تندم على ما فات استمتع بسيارتك و لا تتحسف
لان بالفعل الموتر مبدع و لا تخلوا السيارات من بعض المشاكل
و الحمدلله اولا و آخراً
اخي الكريم اذا تعدى الممشى ١٥٠٠٠٠ عدل البرمجه borgwarner
غير التيربوا.. في عيب مصنعي غيروه لي الوكالة.. والامانه شكلك اكل فيه عين.. والله كل البهدله بهدلت السياره..
انت حساس وتتذمر كثير وماتنظر بزاوية نظر واسعة وينقصك معلومات هذا كل القصة عزيزي ،،
كل اللي ذكرته واكثر ما غير راينا احنا الملاك لل H9 معي 21
برغم كلشي يقال وكثرة الوساوس والملاحضات اللتي قد لايحبها البعض او يتحسس منها الا انها لا تغير فكرتنا الكاملة الشاملة اللي بناء عليها امتلكنا هذي التحفة عالية الجودة والتقنيات المنافسة في فئتها وبسعر بخس يعتبر ،، احمد الله واشكره واعقلها واتكل ولاتتذمر من شغلات لاتعتبر عيب في تقنياتها و اذا تبغى استجابة اسرع حطها في وضع الرياضي وادفع فلوس بنزين زيادة ،،، قارنها بغيرها في تقنياتها وتعرف
كلامه يذكرني بناصر القصبي في دور الشيخ عدنان
عسل
منها ديزل كم صرف ديزل وهل راح توصل الخليجي ديزل
السعوديه طلبت الديزل
كم سعرها الكامل المواصفات؟
11
الداخلية تانك 500 بس من الخارج
ما اعجبني ابداً
🤣🤣والله يا الياباني اما يتلاحق نفسه ولا راحت عليه الصيني قادم وبقوه وفيه سيارات وشركات صينيه كثير اثبتت نفسها وبقوه عندنا في الخليج وسيارات جميله وفخامه وبارخص بكثير من كثيير من المنافسين
هفال مره افضل مواصفات وشكل ورخص
العنوان اكبر من السيارة ياطيب
الدفع الاساسي شو ؟
امامي ام خلفي ؟
خلفي
السعر؟
11
العنوان يحسسك انها تانك .. يا رجال مافيه مقارنه لا من جير لا من مكينه ومن سعه داخليه ولا من شكل .. فرق بين سياره suv وسياره كروس اوفر.. فما بالك لو كانت ال suv هذي مخصصه لل Off-Road
الموديل 2023 احلى من هذا الموديل الجديد
لاتساوي ريفيو على لون اسود ابدا ابدا ابدا
كم السعر للفئه الالى والدرجه الثانيه
10 و 11
الغريب العجيب ان يتم مقارنة السياره الصينيه هاڤال بسياره يابانيه تويوتا برادو !! تعال بعد 5 سنوات من استعمال السيارتين بعدها نتفاهم 😊 اين الثرا من الثريا
يا رجال بعد فضيحة اللاند الجديد والتخبيط بالقير والمكينة ماعاد احد يثق بتويوتا
راحت سنين والحمد لله ماقصر مع احد الهافال
انا متعصب تويوتا وكنت اقول نفس كلامك لكن تويوتا الجديدة البرادو مقلب وما يستاهل ربع سعره لا مكينة ولا جودة ولا بطيخ
الصيني يحتاج الى قرن حتى ينتج سيارات بمتانة تويوتا
@@MhmdMossa-v2n ندعيك لتجربة قياده السياره نهاية العام بميدان بري
هافال
هل يجي منها ديزل ؟
بالكويت لا بانتضار السعوديه بالمصنع موجود
ليش مافي تدفئة للمقاعد مع العلم بالنسخ اللي برا اعلنوا انه في تدفئة!!؟؟
شافو انو ما أحد يستخدمها
انت الانجاز
عسل
لا تكذب.. اللي يعيش سيارات تويوتا، هذا محركه ضعيف جداً البرادو 274 حصان
واكبر دليل شوفه متكدس بالمعارض ماحد يبيه البرادو الجديد
استخدم الفاظ احسن
حتى لو سوت تويوتا كل سياراتها بمحرك 1 سلندر بعد فيه ناس بتمدح التويوتا وبتوصله للسماء في المدح ما أدري ليش
عزمة ضعيف مقارنة ببرادو ٤٣٠ نيوتن
صحيح نتمنى تشرفنا تجربها رح تشاركني الرأي انو عزمو كافي
للاسف الشکل ایدا مو جمیل
كم وزن السيارة لو سمحت ؟ وكم السعر 🌹🌹
2920
لطفا تاكد من الوزن
تقريبا سجلت ٧٠٠ كجم زياده
إعلان
في نوع منه هايبرد والظاهر ماراح نشوفه باسواقنا
لا رغم انو متاح امامهم
انتبهوا والله تندم يا جميل . لا جوده ولا قطع غيار ولا بيع بعد الاستخدام ضيااااع
الله يرزقك
قطع الغيار نار ،، والكديش واجد مايعرفون يسوقون . ابعد عن الشر وزمر لووه
أنا ما دخلت أشوف السيارة
دخلت أسأل بتعجب ليش صانع محتوى يطبل للصيني
بياع بالوكاله تفضل
وين قفلت 😂😂😂 الشكل الخارجي قبيح وفي الاخير صيني😢😢
انا تقهرني هذي المقارنات مادري ليش 😂
اتمنى تعطيه فرصه تعمل تجربة قياده وحاول انك تتغتضى على انو صيني
ليش يتغاضى ؟ انا عندي جيتور وعاجبتني السياره وافضل شيء في الصين اسعارهم منافسه جدا ومغريه @@ghaieth
ضيعت من عمري 16 دقيقه
@@ابوناصرالقحطاني-ب4ط معوضه انشالله
الجوده صفر مكعب
التصميم بشعععععع
معاك في ناس كثيره تكره المربع
عزيزي تكلم بلهجتك افضل واجمل من انك تتقمص لهجة غيرك
حلو ياسر فلخر محسوب تخيل روحك ربع ساعه وانتي تسمع فيا فاش نحكي تو تفهم بكري بالله يزي بالفازات متاعكم فديت....عزيزي لو فهمت كل شيء نعملك ديسكاونت
@@ghaieth يحشي فيه باللسان الدارج 😂