H-1B વિઝા ધારકોના જીવનસાથીના કામ કરવા અંગે US કોર્ટનો મોટો નિર્ણય

યુએસની અપીલ કોર્ટે શુક્રવારે ભૂતપૂર્વ રાષ્ટ્ર પ્રમુખ બરાક ઓબામાના શાસનમાં લાગુ કરાયેલા ફેડરલ નિયમને પડકારતી અપીલને ફગાવી દીધી હતી જે H-1B વિઝા ધરાવતા લોકોના જીવનસાથીને અમેરિકામાં કામ કરવાની મંજૂરી આપે છે. કોર્ટે સુપ્રીમ કોર્ટના નિર્ણયને ટાંક્યો હતો જેમાં જણાવ્યું હતું કે તેનાથી ફેડરલ એજન્સીઓની સત્તાઓને ઘટાડવાના ચુકાદાની કેસ પર કોઈ અસર થઈ નથી. કોલંબિયા સર્કિટ ડિસ્ટ્રિક્ટ માટે યુએસ કોર્ટ ઓફ અપીલ્સની ત્રણ જજની પેનલે ચુકાદો આપ્યો હતો કે ફેડરલ ઈમિગ્રેશન કાયદો યુએસ ડિપાર્ટમેન્ટ ઓફ હોમલેન્ડ સિક્યોરિટીને વિઝા ધારકો માટે અમેરિકામાં પ્રવેશની શરતોને નિયંત્રિત કરવાની વ્યાપક સત્તા આપે છે. સ્પેશિયલ એજ્યુકેશન અથવા તો ટ્રેનિંગની જરૂર હોય તેવા વ્યવસાયોમાં પ્રોફેશનલ્સને H-1B વિઝા આપવામાં આવે છે. આ વિઝાનો વ્યાપક ઉપયોગ અમેરિકન ટેક બિઝનેસમાં થાય છે. જેમાં આલ્ફાબેટની ગુગલ, એમેઝોન.કોમ અને માઈક્રોસોફ્ટ જેવી જાયન્ટ ટેક કંપનીઓએ 2015ના નિયમને સમર્થન આપતા નીચલી અદાલતમાં અપીલ દાખલ કરી હતી.
જુઓ અમારી વેબસાઈટ: www.iamgujarat...
વધુ વિડીયો જોવા માટે ક્લિક કરો: gujarati.times...
IamGujarat સાથે વોટ્સએપ પર જોડાઓ: chat.whatsapp....