البارحة يوم الدجا غطا الاطلال والليل موحش في عيونً ولاها يزود الضيقة على ضايق البال لين انها تاصل ليا منتهاها وحيل صدري دربكة خيال وقتال اسمع رهيم الخيل واسمع حداها خيول عيّالً تلاقوا بعيّال وانشوا لهم حربً طويلً مداها ركبوا عشا بقعا على شهب الأذيال صحّت لهم وأومت لهم في رداها هزبوا ولا فيهم عوارف وعقّال وابليس يسرج خيلهم ويحذاها صدورهم ما تتسع ربع مثقال تزوع لقمة زادها من طناها خلت حوافر خيلهم قلبي أوصال والكبد ما به حافرً ما وطاها راحوا ضحايا بين الإقفا والإقبال هذا عشا بقعا وهذا غداها لين ان دم الجوف من بينهم سال وتعشّت الضبعة وعشّت جراها وانا صحيت وفقت من بعد الإذهال عهديبهم والحرب تطحن رحاها الله على شفّة من البكر فنجال من دلة اللي دلته ما ثناها بوجار نارً زادها سمر وجلال قبل الطيور اتطير يصدح سناها وادلى على اللي ما وزنها بمكيال قطمًا صغيرً حبّها من ظماها ما هيب نابت على جال شلال على الرشوش اللي تجي من سماها يبيعها اللي يجمع القرش بشوال على صبيً ما يهمّه غلاها جلابها لو يكسب الألف بريال خسران والمكسب مع اللي شراها تحمس بمحماس تقلص من الّال تدرج بوسطه لين ينضج نياها وتدق في نجرً ليا جر موّال يغالط الولبه بجرة عواها اللي بمرفوع الحجا ليلها طال يضيع تالي صوتها من طواها في ديرة يبّس نواميها الإمحال يشيب طرقي العرب من خلاها ما شيف فيها نشر نازل ورحّال ما يتقي جربوعها من عراها وتساق باللي كنها حبّة الخال تبذ حيل الشغدلي لو جلاها ما هي مركدّة على الرف بضلال مافيه جمرً يسطلي ما كواها والماء مطر من قلتةً في ظهر جال يطيح فيها الطير من صفو ماها من وبل وسميً لها ايام همّال ارخى عليها الوبل يوم اعتلاها في عبلة من بين وديان وجبال بالديره اللي قد قنصنا ظباها انا وذربين السوالف والافعال يسلّي قلوب الحزانا نباها ما هم على الهفوات حرصين وعجال صدورهم زرجً وسيع فضاها ربعً ليا جاء بالسما برق وخيال ما يمنعون نفوسهم عن هواها الّا عن الهفوات ودروب الأنذال قو الإرادة والسلوم تحداها احدً يزاورنا على الأرض ما زال وأحد ترك ختله وباقي شقاها من رافق اللي يكسب الطايله طال والشامخه من هابها ما رقاها ودّي بهم لكن من دونهم حال ظرف قصر رجلي وقيّد خطاها قصيدتي متوجهه يم رجال شيخً فراغات الزعامة ملاها نجمً شعاعه في دجا الليل شعّال بين النجوم اللي يشعشع ضياها شيخً جنابه للمشاكيل مدهال لو ضافته كل العرب ما جفاها حمدان ابن مكتوم محمود الأفعال زعيم شيخان العرب وأومراها من لا انجبت شرواه ما جابت عيال لو ما على الممهوده الّا نماها حاكم ولد حاكم وشاعر وخيّال كل المزايا المعجزات احتواها الطيب خيله مسرجه عبر الأجيال مير انت يا حمدان ما تنتضاها كل العلوم الطيبه دق وجلال أخذتها غصبً على من بغاها بالشعر لك بصمة على مستوىً عال وطرحك جميع الذايقات ارتقاها بالنقد متمكن وناقض وفتّال وتنزّل الشعار في مستواها ما انته من اللي ما يفرّق بالأقوال اللي ما يفرق طيبها من رداها تمرّه اللي تنضرب فيها الأمثال وتروح ما بيّن بوجهه صداها سمعه لها من قلة العرف ما مال لو انّها تشعى قلوب البلاها إن كان طيب الناس مدعوم بهبال لبّا المهبل وانت حامل لواها والكلمة اللي ما تجي بالتخيّال ضاعت على العالم ومسلط لقاها
الختام : انكان طيب الناس مدعوم بهبال @ لبا المهبل وانت حامل لواها الكلمه اللي ماتوصف بالامثال @ ضاعت عن العالم ومسلط لقاها ،،،،، يعني بيت شاعر اسمه مسلط السبيعي من مطانيخ سبيع الغلباء يقول : قالوا هبيل وقلت جايز هبالي @ اهبال طيب ولا صحاوة رخامه
الله يرحمه واموات المسلمين شاعر يغرف من بحر مهما طالت القصيده لايمكن تضعف ، يجيد الوصف بشكل لايجارى، تستمع للقصيده وخيالك يتصور ها امامك شبة النار وجزالة حطبها والقهوه وحمسها وصبة الفنجال وقبلها وصف حالة نزاع الفرقتين اللذين لايوجد بينهم عوارف وعقال وصوت النجر .....الي اخر القصيده
شي عجيب لا إله إلا الله كلشي يشوفه يوصفه وصف في وصف في وصف حتى ابسط الاشياء يوصفها ما يستحقر شي عوالم مختلفه اشبه ما تكون بالرحله اسالكم بالله وش اللي يمنعها ما تكون معلقه
الله يرحمه والله من قو القصيد وتسلسل القصيده يشكل سهل وممتنع وكل بيت له رمزيه للي يتعمق فيه وتقفيله القصيده هذي جباررره والمقصد بمسلط شعيفان السبيعي وهوصديق لحمدان وهوصاحب البيت المشهور اخبال طيب ولاصحاوه رخامه وهنا ابن زويبن وضفه توضيف ساحر الوكاد انه فقيده للشعر ووللوطن
@@الإبريزتعرف معنى قلتة تعرف وش يقصد الشغدلي وجلاها "ونعم فيهم" تعرف بشوُال تعرف قمط صغير تعرف يحذاها تعرف الال تعرف الامحال عموماً ركز فالقصيدة وتسلسل الابيات والتصاوير الشعرية والتدرج في المواضيع والتناسق والربط العجيب دون اخلال بقوة القصيدة شف وش بدا فيه وين انتصف وكيف كان حاله وش كان يبي ومن قيلت فيه الابيات الى الختامية والاستشهاد بمسلط السبيعي وفكرة بيته ،، تحياتي لك
للاسف ماله ديوان حتى الان ارسلت لولده بتويتر اكثر من مرة واسئله ومايرد علي ومدري ليه مايبون ينشرون له ديوان والمشكلة ان له قصايد غير معروفة وممكن مع الوقت تضيع لكن تقدر تبحث عن قصايده بقوقل وتلقاها مكتوبة
صلوا على النبي 💫
من اراد ان يتشبع شعر فليسمع لابن زويبن
رحمك الله رحمة الابرار يابن زويبن
تعرف المتذوق بالشعر في حبه ل عبدالله ابن زويبن
الله يرحمك يابو بندر ويسكنك فسيح جناته
من رافق اللي يكسب الطايله طال
و الشامخه من هابها .. ما رقاها
هذا والله القصيد يمال الجنه يابو بندر 💔💔
@@sltwy3 وافي يالعطاوي واختيارك للقصايد
يأكد ذائقتك الطيبه للجزاله ولاتحرمنا من الجديد
امين امين امين
بن زويبن الله يرحمه لحاله ولا احد حوله من الشعار .
انشهد
انشهد
انا اشهد
انشهد شاعر حرب وشاعر الجزيره ❤️ وشاعر عشاق الشعر الله يرحمه ويغفرله ويسكنه فسيح جناته
انا اشهد انه أهل لأسم شاعر الجزيره ولا احد حوله
الله يرحمك يابن زويبن ويجعلك في جنات النعيم. مالك مثيل في الشعر.
رحمه الله عليك رحمه واسعه ابن زويبن فخخر لقبيله ححرب وفخر للساحه الشعريه كامله مدرسه بالشعر وبحر من المعاني والمفردات والجزاله 💛💛
البارحة يوم الدجا غطا الاطلال
والليل موحش في عيونً ولاها
يزود الضيقة على ضايق البال
لين انها تاصل ليا منتهاها
وحيل صدري دربكة خيال وقتال
اسمع رهيم الخيل واسمع حداها
خيول عيّالً تلاقوا بعيّال
وانشوا لهم حربً طويلً مداها
ركبوا عشا بقعا على شهب الأذيال
صحّت لهم وأومت لهم في رداها
هزبوا ولا فيهم عوارف وعقّال
وابليس يسرج خيلهم ويحذاها
صدورهم ما تتسع ربع مثقال
تزوع لقمة زادها من طناها
خلت حوافر خيلهم قلبي أوصال
والكبد ما به حافرً ما وطاها
راحوا ضحايا بين الإقفا والإقبال
هذا عشا بقعا وهذا غداها
لين ان دم الجوف من بينهم سال
وتعشّت الضبعة وعشّت جراها
وانا صحيت وفقت من بعد الإذهال
عهديبهم والحرب تطحن رحاها
الله على شفّة من البكر فنجال
من دلة اللي دلته ما ثناها
بوجار نارً زادها سمر وجلال
قبل الطيور اتطير يصدح سناها
وادلى على اللي ما وزنها بمكيال
قطمًا صغيرً حبّها من ظماها
ما هيب نابت على جال شلال
على الرشوش اللي تجي من سماها
يبيعها اللي يجمع القرش بشوال
على صبيً ما يهمّه غلاها
جلابها لو يكسب الألف بريال
خسران والمكسب مع اللي شراها
تحمس بمحماس تقلص من الّال
تدرج بوسطه لين ينضج نياها
وتدق في نجرً ليا جر موّال
يغالط الولبه بجرة عواها
اللي بمرفوع الحجا ليلها طال
يضيع تالي صوتها من طواها
في ديرة يبّس نواميها الإمحال
يشيب طرقي العرب من خلاها
ما شيف فيها نشر نازل ورحّال
ما يتقي جربوعها من عراها
وتساق باللي كنها حبّة الخال
تبذ حيل الشغدلي لو جلاها
ما هي مركدّة على الرف بضلال
مافيه جمرً يسطلي ما كواها
والماء مطر من قلتةً في ظهر جال
يطيح فيها الطير من صفو ماها
من وبل وسميً لها ايام همّال
ارخى عليها الوبل يوم اعتلاها
في عبلة من بين وديان وجبال
بالديره اللي قد قنصنا ظباها
انا وذربين السوالف والافعال
يسلّي قلوب الحزانا نباها
ما هم على الهفوات حرصين وعجال
صدورهم زرجً وسيع فضاها
ربعً ليا جاء بالسما برق وخيال
ما يمنعون نفوسهم عن هواها
الّا عن الهفوات ودروب الأنذال
قو الإرادة والسلوم تحداها
احدً يزاورنا على الأرض ما زال
وأحد ترك ختله وباقي شقاها
من رافق اللي يكسب الطايله طال
والشامخه من هابها ما رقاها
ودّي بهم لكن من دونهم حال
ظرف قصر رجلي وقيّد خطاها
قصيدتي متوجهه يم رجال
شيخً فراغات الزعامة ملاها
نجمً شعاعه في دجا الليل شعّال
بين النجوم اللي يشعشع ضياها
شيخً جنابه للمشاكيل مدهال
لو ضافته كل العرب ما جفاها
حمدان ابن مكتوم محمود الأفعال
زعيم شيخان العرب وأومراها
من لا انجبت شرواه ما جابت عيال
لو ما على الممهوده الّا نماها
حاكم ولد حاكم وشاعر وخيّال
كل المزايا المعجزات احتواها
الطيب خيله مسرجه عبر الأجيال
مير انت يا حمدان ما تنتضاها
كل العلوم الطيبه دق وجلال
أخذتها غصبً على من بغاها
بالشعر لك بصمة على مستوىً عال
وطرحك جميع الذايقات ارتقاها
بالنقد متمكن وناقض وفتّال
وتنزّل الشعار في مستواها
ما انته من اللي ما يفرّق بالأقوال
اللي ما يفرق طيبها من رداها
تمرّه اللي تنضرب فيها الأمثال
وتروح ما بيّن بوجهه صداها
سمعه لها من قلة العرف ما مال
لو انّها تشعى قلوب البلاها
إن كان طيب الناس مدعوم بهبال
لبّا المهبل وانت حامل لواها
والكلمة اللي ما تجي بالتخيّال
ضاعت على العالم ومسلط لقاها
الختام :
انكان طيب الناس مدعوم بهبال @ لبا المهبل وانت حامل لواها
الكلمه اللي ماتوصف بالامثال @ ضاعت عن العالم ومسلط لقاها
،،،،،
يعني بيت شاعر اسمه مسلط السبيعي
من مطانيخ سبيع الغلباء يقول :
قالوا هبيل وقلت جايز هبالي @ اهبال طيب ولا صحاوة رخامه
@@yosufammar4085 ا
نجم شعاعه في دجا الليل شعال
يقول اوحي بصدريدوبك خيل وقتال .
الله يرحمك يابن زويبن اتعبت الشعر والشعرا وادهشت المستمع 🥺
الله الله صراحه معاد الي يسمع قصيد ابن زويبن انه يقدر يسمع غيره الله يرحمه يغرف من بحر قمه بشعر محد يقدر يوصلها
هذا شاعر البدو وليس شاعر حرب فقط (ايقونة ) الشعر النبطي بالجزيرة العربية
الله يرحمه واموات المسلمين شاعر يغرف من بحر مهما طالت القصيده لايمكن تضعف ، يجيد الوصف بشكل لايجارى، تستمع للقصيده وخيالك يتصور ها امامك
شبة النار وجزالة حطبها والقهوه وحمسها وصبة الفنجال وقبلها وصف حالة نزاع الفرقتين اللذين لايوجد بينهم عوارف وعقال وصوت النجر .....الي اخر القصيده
اشهد بالله انه مدرسه ولاله بالشعر قرين ولاعديل
جل من الهمه الشعر الهام
الله يحعل قبره روضتاً من رياض الجنه
يطيح فيها الطير من صفو ماها. مين الي تخطر على باله الله يرحمك يامنبع الشعر
ياقو وصفه الله يرحمه😢
للأسف الشديد حرمنا من الاستماع لقصائد هذا العلم الفقيد - عليه رحمة الله - وذلك لوجود الموسيقى.
الله يرحمه شاعر العرب
ياحظ حرب فيه تمنيت انه من ربعي
شي عجيب لا إله إلا الله كلشي يشوفه يوصفه
وصف في وصف في وصف حتى ابسط الاشياء يوصفها ما يستحقر شي
عوالم مختلفه اشبه ما تكون بالرحله
اسالكم بالله وش اللي يمنعها ما تكون معلقه
الله يرحمه والله من قو القصيد وتسلسل القصيده يشكل سهل وممتنع وكل بيت له رمزيه للي يتعمق فيه وتقفيله القصيده هذي جباررره والمقصد بمسلط شعيفان السبيعي وهوصديق لحمدان وهوصاحب البيت المشهور اخبال طيب ولاصحاوه رخامه وهنا ابن زويبن وضفه توضيف ساحر الوكاد انه فقيده للشعر ووللوطن
رحمك الله يابن زويبن
هذا يصف مع زهير وطرفة وابن كلثوم .
شاعر بمعنى الكلمة رحمة الله عليه
الله يغفرله ويرحمه من واسع رحمته
انت والله الشاعر والي تنزل كل شاعر في منزله الله يرحمك ويرحم أحياء واموات المسلمين 🟨🟨🟦🟦♥️
اللهم امين
شهادتك فهر جعل عمرك طويل
الله يرحمك يابن زويبن ماودك ان القصيده لها نهاية متعه وانسجام مع قصيده وتصويره
ليس بمستغرب من عملاق الشعراء عبد الله بن زويبن الحربي رحمه الله
لو عطاه مال قارون ما كفت هالقصيده العظيمه
الله ينور قبرك ويسكن جناته
الله يرحمه ويغفرله ويدخله الفردوس الاعلى من الجنه
شاعر جزل وقامه شعريه فريدة
عصماء ذهبت لمن لايستحقها
وصدق الله انهم في كل واد يهيمون
عليك رحمة الله تترى يابن زويبن ووالدي وجميع المسلمين
انشهد انها عصماء نسأل الله له الرحمه وجميع المسلمين
سحر البيان بن زويبن رحمة الله علىه
ياليت هالقصيدة ماهي بحمدان
هذي معلقة اكبر منه
يا ساتر من أين أتى هذا الشاعر 😮😮
الله اكبر يبن زويبن الله اكبر اخذك بحر ونحتك صخر
الله يرحمه ويرحم بن جدلان
رائعه ليت ماهيب في الاماراتي أو ليت ماهيب مدح اصلا
صدقت حرام كل هالابداع يروح بمدح
اي والله صدقت
قيلة في شيخ من شيوخ الامارت ويستاهل المدح هاذا المدح مع توضيف الحكمه
يمال الجننه .
الله لا اله الا هو الحي القيوم
لو الشعر ولد ترا ابوه حربي
والذي نفسي بيده لايوجد شاعر وصل مواصيله
الله يرحمه وعساه للجنه
يارجال هذا هامه الله يرحمه ويرحم جميع اموات المسلمين يارب العالمين
صلوا على النبي
فلم تصوير. الله يرحمك يابن زويبن 🌹
مايجي مثله شاعر لازيد ولاعبيد
درر
لملك النظم
رحمه الله رحمة واسعه..
ايييييه لو القصيده مقيوله في والله لقضي حاجتك وحاجة عيالك بعون الله
اه يابوزوين يااااامال الجنه
الله يرحمه و يغفرله
امين يارب الله يسعد قلبك
الله يرحمه هذا الشعر واللا بلاش
يا قو قصيده الله يرحمه ويغفرله
مشكلة قصايد ابن زويبن ! انها تعيفك بالقصايد الشعار الثانين
سمعتها 90 مره
انا فوق ١٠٠ ولا مليتها
طيب انتم الي سمعتوها تسعين ومية مرة لو في معاني او مفردات مافهمتها تساعدوني عليها؟؟
@@الإبريزتعرف معنى قلتة تعرف وش يقصد الشغدلي وجلاها "ونعم فيهم" تعرف بشوُال تعرف قمط صغير تعرف يحذاها تعرف الال تعرف الامحال عموماً ركز فالقصيدة وتسلسل الابيات والتصاوير الشعرية والتدرج في المواضيع والتناسق والربط العجيب دون اخلال بقوة القصيدة شف وش بدا فيه وين انتصف وكيف كان حاله وش كان يبي ومن قيلت فيه الابيات الى الختامية والاستشهاد بمسلط السبيعي وفكرة بيته ،، تحياتي لك
كل مايعجبني شعر احصلهم ماتو الله يرحمهم ويسكنهم فسيح جناته. وسبحان من اعطاهم
فلم والله يدخلك بفلم
الله يرحمك البحر
اسطوره
تركيبت بيوته فريده حين يجيب البيت والى تكملته بالبيت اللي بعده جاهزه
الله يغفرله ويرحمه واموات المسلمين ٠
صح نقلك ولو ماتحط اغاني افضل والله يرحم ابن زويبن ويغفرله
قررت اشتري ديوان بن زويبن مطبوع لأن الانتاج الصوتي رديء جدا كله موسيقى مزعجة ماتخليك تسمع القصيدة صح
من وين يباع الديوان؟
@@ذعارالحربي-ز6غ والله الى الان ابحث مالقيت شي
للاسف ماله ديوان حتى الان
ارسلت لولده بتويتر اكثر من مرة واسئله ومايرد علي ومدري ليه مايبون ينشرون له ديوان والمشكلة ان له قصايد غير معروفة وممكن مع الوقت تضيع
لكن تقدر تبحث عن قصايده بقوقل وتلقاها مكتوبة
@@ذعارالحربي-ز6غ ماله ديوان
ابشر
رحمة الله عليك يا بن عمي
يعجبني وصفة
ياملا الجنه :مات شعر بعد ابن زويبن
الله يرحمه بحمته
هذا اللي يقولون تعجز في مدحه
الله اكبر
الله يرحمه
اعجاز وبسس
علم
تصميم كله موسيقى ما سمعت شي
قصيد 💪
هذه السوالف هي سبب الطفرة 😅😅
❤️🍬
ممنوع مم