شيلة شاعر ظهور السواني | فيصل العليمي و جفران بن هضبان | ضلع البقوم اسمً جعل روس العدا ماتقربه |

* ملاحظة : نسخك للمحتوى او إعادة رفعه يعرض قناتك للإغلاق
إشترك في قناة نواف البقمي | القناة الرسمية .
/ @oa.7u
‏Snapchat : oa.7u
‏cutt.us/asoPX
‏Twittwr : oa_7u
‏cutt.us/3rSCA
قناتي في التيليجرام /
t.me/joinchat/...
نواف البقمي - القناة الرسمية ( حصرياً ) 2024
_______________________________________________________________
كلمات الشاعر :
فيصل العليمي
اداء المنشد :
جفران بن هضبان
تصميم ومتابعة :
نواف بن منير
الابيات :
سريت في ليلً سنا برقه يشد الانتباه
كن الجبال السود يدحمها السحاب بمنكبه
الليا ومره الله ماتدري وشهي ارضه من سماه
ولاعاد تدري وشهو التشبيه من وجه الشبهه
خله يغسل ضلوع صدري من غثاء الدنيا بماه
أنا بخير ولا شكيت من السنين المجدبه
ترا عزيز النفس لو يضما محد يقطع ضماه
الا خيالن ساقه الرحمن صوبه وكتبه
يا صدر غن اللي تغني واترك اللي ما تباه
وان كان همك ما يناسب طيب هقواتك جبه
تحزني الاحلام لا راحت مع ظروف الحياه
حزنً اتبينه العيون لكل قلب منتبه
ياذيب صدري صوتك تلج الرواسي من عواه
صداه لو يوحيه سمع الي فقد عقله نبه
والليله الليله عروس البحر تاخذ من بهاه
وبنت الخيال اليا وردت للبحر الاحمر تشربه
انظارنا تهوى لكن الشوف ما يلقى هواه
إلا اجتماع فيه يلقى الرجل شفه وطلبه
مدري على جده نشوف سهيل مايفصل سناه
والا رقت جده فخر بين النجوم المرقبه
يافيصل ان ما أرويت سمعك شعر ي مال الغناه
خليت شعري مثل من خلو حضارة قرطبه
لونه يجوز انك تسوي لفزعاتك زكاه
مات الردا اللي ننبذه من شرق الأرض للمغربه
خل المرور ينضمون السير مع كل اتجاه
القصر في وسطه من شيوخ القبايل كوكبه
جو في عجب عين الكريم اللي كرم كفه خطاه
فيصل لي منه نخاه الرجل يبشر بعجبه
ماحط في صدره عن احداث الزمن سترة نجاه
وجه ًيذري طالبين الجاه في سده شنبه
والشعر ميراث الكلام اللي تناقله الرواه
اللي يغنونه بورث جدود والا موهبه
لكن يبقى واحدً منا من جدوده وأباه
لو تنشد العراف تلقى في الرياحات انسبه
يامرحبا ترحيبةً تبقى على قيد الحياه
تنقض مقولة من يقول ان أعذب الشعر أكذبه
جابتني اقدار القصيد لموقفً محسد علاه
سواة من يجلب على سوق الحسا تمر تربه
يابو فهد ياسيفنا اللي يرعب الطاغي شباه
وخصومك اللي تعترض سيفك مهيب مشببه
مثل مايلعب سيف جدك من على ارقاب الطغاه
سيفك لسانك والمعاني حربها في الملعبه
ابو فهد في شعر والا طيب مانلحق جزاه
لو صغت من جزل البيوت النادره كل ذهبه
لو الرتب ب المرجله والطيب والجود ونباه
تلقى شديد كل مطلع شمس يطلع مرتبه
هو شاعر ظهور السواني طول الله في بقاه
ماغاب عن سمو البقوم الليا دعته الموجبه
الاد مريح مجدنا خالد ولا يلحق مداه
حنا سيوف العز يوم السيف عزه مقضبه
العام كم شال رقبه والخصم ملعونً ثواه
واليوم سيف العز معتق للعرب كم رقبه
◦
ياطاري سهوم المنايا جاء على ذكرك طراه
والله ماتزهاك البيوت اللي مهيب معربه
حضن يذري له جبال ويعرف ان حنا ذراه
ضلع البقوم اسمً جعل روس العدا ماتقربه
دون القرى والوادي المشهور والضلع وحصاه
الرمح يأكل مثل ماياكل سنا النار حطبه
في مجلس الأمن القديم اللي ما جاء فيه اشتباه
تشكي اسنطبول الجريحه فعل فرسان تربه
ما نخضع إلا لـ استوينا و اعتدلنا للصلاه
من النواصف لـ حضن مجدً يخلد مكتبه
حنا البقوم اللي ولانا محدن غير ولاه
عهدً عطوها جدودنا بزكا الدمي انطيبه