عمل عملاق واكيد هاي الغنيه راح تبقى من الأغاني الخالدة لين بختصار كلمات العملاق ضياء الميالي ولحن روحيات هيثم الراقيه الروح الي يحبها كل عراقي في العالم واكيد ماننسى تعب الموزع والمهندس صوت والمكس واكيد المخرج من بيد حكمت كيد بيت كله فنانين ومبدعين وكل شخص شارك في هذا العمل اكيد جهودكم جباره وشكرآ الكم اخوكم عبدالله كلاسيك كلمه اخير تمنياتي للجميع بالصحة والسلامة
يااااا الهي دخلت بنوبة بكاء هستيري اظن كنت محتاج لهذا البجي لان والله وداعت امي احنه نعيش بزمن مو زمنه زمن صعب زمن مثل اكله مالها طعم زمن تحس نفسك غريب بيه
@عليراشد-غ2ج هههههههه تقريبا شباب... لكن من تصل سن ال٤١ وبعدك مكانك والأشياء الجميلة الحلمت بيها بعمر ال٢٥ تجي متأخره. اي طموحاتك تأتي متأخره هنا تشعر بالاسف ولاقيمة للطموحات بعد...هنا تشعر بخيبة الأمل وان أمنياتك القديمة قد لبست اكفانها.
كلامك على الجرح وتلفون الأرضي كنت اروح البغداد وابقى هناك شهر أو أكثر يم بيت جدو حتى الدعابل جايبهن 😅 والناس الي متنوصف وطيبتها تحيا الك عزيزي منين تابع هيثم
ما ادري عليمن نباوع على جمال هيثم ولا جمال الاغنية وكلماتها ولا جمال تصويرها والاماكن القديمة والذكريات ولا بغدادنا الجميلة بالتسعين رجعتنا لذاك الزمن والله كانه عايشته طول ما اشوف الاغنية الاغنية حلم من خلصت فزيت ورجعت للواقع الاليم والتعيس❤❤❤❤❤❤❤❤❤❤❤❤❤❤
ويبقى هيثم راقي و يقدم فن نظيف للمتذوق ويذكرنا بماضي جميل عدا علينا نحن جيل الطيبين تحياتي لك اخي العزيز انا من محبيك من بداياتك في سنة ١٩٩٢ العراق-الناصرية ❤
هذه الأغنية عبارة عن رسالة من الماضي تلامس مشاعر جيل ال 90 و جيل ال 80 وتذكرهم بطفولتهم وصباهم وما كان في تلك الأيام بالحلول والمر الي بيها ، اي بس فقدنا احباب 😢 بقت بس ذكراهم.
أقسم برب الكعبه مبدع ولا راح يجي قبلك ولا بعدك بهكذا الاداء والاحاسيس عمي مغني بمعنى الكلمه دومك مبدع ومنورنه بكل طله ربي يوفقك ويحفظك يا امير الحب الغالي تبقى عندي وبأختياري الاول فقط
ويييين رجعتنا بهذا التصوير الرائع،، و شبعت بجي من شفت الدعابل خاليهن باالعلبه مال جبنة الابطال لان اني جنت مسوي نفس الشي ايام الطفوله. اغنية رائعه بمعنى الكلمه
فعلا نفس رايي فعلا مفصله علينا جيل السبعينات .. بداية التسعين كنت بداية العشرين .. يعني كل كلمه كل لحظه كل صوره فعلا عشناها بالتسعين احلى ايام وذكريات 🥹
التسعينات الجميلة حتى بقسوتها زمن كنا فيه طلاب جامعة نعشق الكتاب ونتطلع لمستقبل بعيون الأمل.. ذهبت السنوات بأحلامنا ولم ت يبقى لنا سوى حنين وذكريات لزمن مضى وعالم تغيير بكل شئ حتى نفوس العالم أصبحت الطيبة غباء.. والحنين ذل.. والصداقة مصلحة.. والضحكة فقط للصورة
عمرنا أصبح ٥٠ سنة وما زلنا أوفياء لملك الإحساس وأمير الحب حبيب قلبي الأستاذ هيثم يوسف ❤❤. كبرنا مع اغانييك الجميلة . هيثم يوسف عشق الأرض هيثم يوسف صوت بغداد الجميل.. إذا كآنت هناك فيروز في لبنان.. فهيثم يوسف في بغداد وعشق بغداد.. يا ألله رجع الماضي الجميل ولو لحظة .😢😢😢😢
@لانهاحمد-د9ح ما عليك زود. وصح الله بدنك..اي وألله هيثم يوسف يرجعنا للماضي الجميل. حتى لو كان بيه سلبيات. لكن وألله كانت ايام حلوه على عفويتها كل الناس تحب كل الناس. الجار يخاف على جاره الصديق يفدي صديقه بروحه وما يعرف هو من اي مذهب او دين . كانوا الكل عراقيين وووبس . وألله يحفظكم ويحميكم من كل شر. ❤️🌹
صوت هيثم يوسف اصلآ يذبحني ويرجعني للتسعينات لمن كانت الدنيا بالألوان الوان الشباب والأحلام الحلوة ..مابالك وهيثم يغني اغنية مخصوص على التسعين !!! هيثم يوسف ..الراعي الرسمي لجيلنا..
يمكن اني الوحيدة من جيل الثمانينات اتمنئ ارجع صغيرة بسرعه كبرنه كلشي ما شفنه بحياتنا من حرب الئ حرب وشيبنه من صغر وتحملنا مسؤليه واصبحت عقولنا وقلوبنا أكبر من عمرنا ❤
هذا الغنية عبارة ذكرى جيل الثمانينات وتسعين من ايام حلوة وناس عايشة عل فطرة حتى اسيجت البيوت ناصية لان كان الجيران اهل واكثر يامحلاها ابدعت هيثم يوسف وامير الاحساس
صوتك مش بس مجرد غناء، هو قصة كاملة من المشاعر والذكريات. من أول ما نسمع أغانيك، نحس بكل كلمة وكأنها جايه من قلبنا. تميزك مو بس في الصوت، إنما في قدرتك على تحويل كل لحظة في حياتك إلى أغنية تحاكي قلوبنا. شخصيتك المتواضعة والمحبوبة تزيد من حبنا لك، لأنك دايمًا قريب من جمهورك وكأنك واحد منا
هذه مو بس اغنية هذا عمل درامي رائع يقدمه هيثم يوسف وسامر حكمت ومصطفى حكمت نقترح ان يكون مسلسل يمثل هذه الاحداث الجميلة بطولة هيثم يوسف والناس الموجوده بالعمل
أحب أبارك للفنان القدير هيثم يوسف على إصداره لأغنية تلامس وجدان كل محب للموسيقى العراقية الأصيلة. هالأغنية مو بس أستمرار لصوت هيثم العذب، لكنها رجعتنا لجيل السبعينات والثمانينات والتسعينات، وخلتنا نسترجع هواي ذكريات جميلة من أيام الطفولة والشباب، من بساطة الحياة وحب الناس للفرح. فرحان من كل قلبي لأن عدنا فنان مثل هيثم، يحمل تراثنا ويقدمه بهاي الصورة العميقة والمليانة إحساس. كل النجاح والتوفيق إلـه، وإن شاء الله يبقى صوت محبب يوصل مشاعرنا وذكرياتنا لكل الأجيال. تحياتي عبدالله الهميم❤️
المفروض تكون المشاهده مالته 400 مليون مو 400 ألف لأنها تستاهل رووعه وذوق بالكلمات واللحن والتصوير شيء ثاني قمه بالجمال والابداع شكرا إلك يا هيثمنا لأنك رجعتنا للتسعين
يعني قد شي ما مخلي ولا لقطة ولا مشهد الا ما حاسبه يعني فديو كليب خرافي كل طلعت بيه مشاعر كل عراقي بهذاك الزمن ايبااااااااااه عاشت الايادي كل لقطه صح مليون بالميه .. والله العظيم
هيثم يوسف العراقي الأصيل المحب لبلدة بكل عمل يقدمة يعكس أجمل صورة عن العراق والمجتمع العراقي هذا الكليب ذكرنا ببيوتنا الكبار الي جانت حدايقها عامرة بصوت أهلها ريحة البيوت جانت ريحة طبخ الأمهات والكليجة لو ريحة عطر الاب الفواحة بعد الحلاقة والحمام وماعون الفواكه المتروس على الطاولة بغرفة الطعام هسة البيوت صارت باهته بلا ريحة وبلا لون وبلا حنية ياهيثم
😢 والله سمعتها وبكيت فعلا تصوير كانه مسلسل سريع كلشي بي يمثل حياة عشناها بكل معنى الكلمه لاتنسونها دائما ذكرونا بااهلنا الطيبين وبمنطقتنا وبشارع الرشيد وبدربونة الجنابين❤❤❤
ياريت تكثرلنا من هيج اغاني قديمه هاي راح تنجح بكل وطن عربي مو بس. العراق لان بيها. رجوع للماضي. وكل ناس تحن للماضي وزمن جميل. ياريت كل الاغاني هيج تصير
😢😢عمري 37 سنه واذكر احلى ايام عمرنه 😣😔😔🙏🙏🙏🙏🙏🙏هسه 2024/11/5 وراه عمر اذا احد جان يسمع هل اغاني تذكرونه بلخير ودعاء هيثم يوسف مطرب راقي وجميل ومبدع بتوفيق الك
امير الحب 🫡🫡🫡 اغانيك تترك أثر بقلوبنا مميزة ومعبرة ❤ ترجعني عل زمن حلو وجميل 💕💕 كلها دافء ومحبة 🧡🧡 تغني من قلبك وتعبيرك للأغنية شي مميزة إبداع 💛💛💛 متابعة من سوريا 🇮🇶🌏🇸🇾
هيثم يوسف فنان راقي و عملاق صوته اله طعم خاص متذوق الفن من صغره يغيب غيبته و يرجع بهيبتة نتمنى منه انو ينزل البوم اغاني كامل مثل قبل لن اكيد راح يشعل جيل التسعين كله ب اغاني الحلوه
نزوله من الطائره وصعودة للمارسيدس نفس صدام حسين وكأنه قلده بعدم انحناء الظهر .. الفيديو كليب كل مشهد منه يرجعك لتفاصيل الماضي 👌💔 عشت ودامك الله فخراً وذخراً للعراق يا امير الحب
*_هيثم انت فنان راح يذكرك الفن العراقي بااحسن صوره ، كلنا متفقين اغاني هيثم بس لا تنسون الموزع جداً مبدع و بطل لازم تعطونه حقه لان هو للي ينطي جو الاغنيه كله_*
![Haitham Yousif - Athaf Kedamak [ Music Video ] | هيثم يوسف - اضعف كدامك](http://i.ytimg.com/vi/0zqlFHc-nzM/mqdefault.jpg)
شكرا لتعليقاتكم الجميلة ❤
#حنيت #امير_الحب #هيثم_يوسف
شكراً لأنك مطربنا المفضل ❤ 👑
شكرا لك لأنك صوت الماضي و الحاضر و المستقبل... شكرا لك لأنك صوت الحب و الوفاء للوطن والناس
والله راح ادعي عليك ترى كافي ترى قلبي خلص
نور عيني الف مبروك يلوگلك كلشي حلو مثلك
على بختج هذا الغالي @@22.h0i
عمل عملاق واكيد هاي الغنيه راح تبقى من الأغاني الخالدة لين بختصار كلمات العملاق ضياء الميالي ولحن روحيات هيثم الراقيه الروح الي يحبها كل عراقي في العالم واكيد ماننسى تعب الموزع والمهندس صوت والمكس واكيد المخرج من بيد حكمت كيد بيت كله فنانين ومبدعين وكل شخص شارك في هذا العمل اكيد جهودكم جباره وشكرآ الكم اخوكم عبدالله كلاسيك كلمه اخير تمنياتي للجميع بالصحة والسلامة
عبدالله الورد انت تشبه هيثم لكن تختلف فقط بالشكل
الغالي ابو عبدالله حبيبي
منو جاي من الستوري ؟
ربي يسعدك ويحفظك ✨
عبد الله كلاسيك انت انسان رائع وراقي اتمنى الك كل النجاح والتوفيق متتخيل شكد اني والعائلة نتحمس لفديوهاتك وكلنه نكعد نشاهد الفديو
بحماس
وكلنه منتضرين السمجة البيضة😭😂💙💙💙🤍🤍🤍
يااااا الهي دخلت بنوبة بكاء هستيري اظن كنت محتاج لهذا البجي لان والله وداعت امي احنه نعيش بزمن مو زمنه زمن صعب زمن مثل اكله مالها طعم زمن تحس نفسك غريب بيه
اي والله 😢😢
اي وربي كلام صحيح
الله يلعن الغربة 😢😢😢😢😢
حتى اللي ما هاجر غريب .
اي واالله لارادياً بجينه
يابه اشكد مرة سنين.. وهيثم يوسف ميتغير.. ذاك هو نفس الاحساس ونفس الصوت وكلما مر الزمن يبين حبه للعراق وبغداد... نشكرك هوايه يا فنان.
لو مزوج وعنده اولاد جان صار شايب😅😅
@@hosiemddd7574اي والله😅😅😅
5:00
ساعي البريد يشبه قاسم الملاك
انطوني بعد لايك
حنيت للقنادر مال عدي ..دنبك
هسه شكيد ناس بجت من سمعت هذه الاغنيه ... هيثم يوسف صنع ذكريات جميله بصوته و روحه الحلوه و حضوره الرائع ... فعلا امير للحب في كل الأوقات ❤❤❤
قبل دقيقه شفت الاغنية وهسه عيوني حمر من البجي احلى ايام التسعينات❤❤
هيثم يوسف راجع بقوة لان فعلا حنينا للتسعين الله عليك ياهيثم كأنه رحت للتسعينات وجبتلنا هذه الاغنية الي تخبل
❤❤اتخبل وينكم جيل السبعين والثمانين ذكرو شبابكم.و الأيام الحلوة هيثم يوسف يسلم هصوت الحنين
أي والله 😢
جيل الثمانينات اثبتوا وجودكم وحنينكم لايام راحت وذكريات بقت ❤
موجودين
موجودين ❤
اي والله بقت بس ذكريات
موجودين ❤
موتنا وجع هاي الاغنية
ماكو احلى من وجود هيثم بداخل بغداد وعودته لتسجيل الاغاني بين اهلة وناسة 🤎
مو اغنيه مووت بطيء وخصوصاً للمغتربين 😢💔.
بالتوفيق هيثمنا ان شاء الله دومك بالقمه ❤ .. والدي هم جانت عنده كرونا بيضه وهم جنا ندفعها الصبح اني واخويه 😂🤦♀️
هيثم يوسف هو ريحة التسعينات وذكريات التسعينات وايام بغداد الجميله
هيثم المفروض يسوون ألك تمثال في وسط بغداد لأن أحساسك وصوتك عالم ثاني
من السليمانية تحياتي لمطربنا الراقي هيثم يوسف ، فعلاً رجعتنا للتسعينات،
شكراً عمل رائع جداً.
اني مواليد ١٩٨٣ كنت صغير واخواني يسمعونك كبرت صرت اني اسمعك .والله انت عملاق .اغانيك القديمة اذكر بيها طفولتي والجديدة شبابي
بعدك شاب
@عليراشد-غ2ج هههههههه تقريبا شباب... لكن من تصل سن ال٤١ وبعدك مكانك والأشياء الجميلة الحلمت بيها بعمر ال٢٥ تجي متأخره. اي طموحاتك تأتي متأخره هنا تشعر بالاسف ولاقيمة للطموحات
بعد...هنا تشعر بخيبة الأمل وان أمنياتك القديمة قد لبست اكفانها.
اني مواليد ١٩٨٤ يعني نفس الجيل وأحلى ايام جانت 👌
حنيت للقنادر مال عدي ..دنبك
هيثم اعطى درس قاسي لكاظم الساهر وماجد بمثل هيج نوع من الفيديوها يعطيهم رساله تمسكه ببيئته واعتزازه ببلده وعدم انسلاخه عنها وقدمه ببساطه لا متناهيه❤
اتفق معك
١٠٠%
هيثم راقي وانسان وطني ابد منسلخ عن وطنيته وانتمائة للعراق ولحياة بغداد القديمة بالرغم من غناه وشهرته ذولاك مو أهل خير هذا ابن خير
حنيت للقنادر مال عدي ..دنبك
@@sherofalahحنيت للقنادر مال عدي ..دنبك
حتى قوطية المي جايبهة من التسعين. احلى ايام والله واحلى هيثم رجعتنا لذكريات التسعينات ومن تطفي الكهربا نكمل ع الراديو نسمع بقية اللعبه💔
كلامك على الجرح وتلفون الأرضي
كنت اروح البغداد وابقى هناك شهر أو أكثر
يم بيت جدو حتى الدعابل جايبهن 😅
والناس الي متنوصف وطيبتها
تحيا الك عزيزي منين تابع هيثم
حنيت للقنادر مال عدي ..دنبك
يعني احنا لحد الآن نريد انطلع اغنية ياشوك من راسنا تجي تكمل علينا بهيج أغنية أدري تالي وياك ياهيثم شنو هذا الجو وين رجعتنا هيثم انت اختصرت الزمن والتاريخ بأحلى ذكريات كفى يارجل انت ناوي تجننا
😢😢
هيثوم اشكد انسان طيب وحنون يحاول يرجع المحبه والموده والطيبه والحنيه اللي فقدناها فعلاً أبدعت أمير الحب
اتحمس بكل اغنيه تنزلها وبكل لقاء وبكل صورة وبكل شي جديد تنزلة ، فنان العراق الاول وحبيب بغداد الاول وحبيبي الابدي امير الحب هيثمي✨🤍!!
امير الحب دائما مبدع 💜🥰🥰 عاش ذوقك
@@c7.r3 اتحمس وحط دهن وسوي شيرة وسبح زين غطوه غطوه
هيثم يوسف والدتي المرحومة كانت تحب اغنياته بالتسعينات ولليوم نتذكرها بأغاني هيثم الي كانت تسمعها ربي يرحمها
تحياتنا لامير الحب
ربي يرحمها ويغفر لها
الله يرحمها
كالعادة راح اتصير ترند بالعراق والوطن العربي ❤
صارت
يستحق اميرر الحب يريد ترند ♥️🇮🇶
ما ادري عليمن نباوع على جمال هيثم ولا جمال الاغنية وكلماتها ولا جمال تصويرها والاماكن القديمة والذكريات ولا بغدادنا الجميلة بالتسعين رجعتنا لذاك الزمن والله كانه عايشته طول ما اشوف الاغنية الاغنية حلم من خلصت فزيت ورجعت للواقع الاليم والتعيس❤❤❤❤❤❤❤❤❤❤❤❤❤❤
حنيت للتسعين ونحنا من جيل 90
تحية لك من ليبيا 🇱🇾
المزج بين روح الماضي والحاضر
بين طعم بغداد وشبه بغداد
بين الطفولة والشباب
شكرا هيثم لانك أرجعتنا حيث نتمنى ..
بالعكس صح القديم بي حنية بس بغداد قوية وزاهية متطرفة وشرسة على مر الزمن مثل الفرس الجامحة ميكدرلهه بس الخيال
ويبقى هيثم راقي و يقدم فن نظيف للمتذوق ويذكرنا بماضي جميل عدا علينا نحن جيل الطيبين تحياتي لك اخي العزيز انا من محبيك من بداياتك في سنة ١٩٩٢ العراق-الناصرية ❤
جيل السبعينات والثمانينات صعدو هاي الاغنيه......لان التسعينات هي احلى ايمنا❤❤❤❤
الله عليكم ي اهل العراق ذبحتونا بهلاصوات الجميلة فديتكم❤❤❤ اخوكم من الامارات
🥰🥰
هذا امير الحب هيثم يوسف مطرب جيل التسعينات والثمانينات وليس جديد فقط للتوضيح للاخ الاماراتي
لمن أسمع صوت هيثم أحس بأمان مو طبيعي 🖤🌸
هذه الأغنية عبارة عن رسالة من الماضي تلامس مشاعر جيل ال 90 و جيل ال 80 وتذكرهم بطفولتهم وصباهم وما كان في تلك الأيام بالحلول والمر الي بيها ، اي بس فقدنا احباب 😢 بقت بس ذكراهم.
بالضبط🥹❤
فعلا والله 😢
😢😢😢😢
اني من مواليد الالفينات واغنيه لامست مشاعري والله انتو التسعينات والثمانينات شلون الله يصبركم😢💔
@@shiaieiwisi الحمدلله على كل حال تبقى الذكرى دائما تلامس القلب واكو بيها تشرخ القلب😔❤️🩹💔
عمل محترم للناس الذوق
عمل ايجابي لسمعة البلد
عمل يوجع وفعلا حنيت 💔💔
المايباخ ووكفة الجسر نفس سيناريو اغنية اضعف گدامك ..أدماااان لاصحاب الذوق الرفيع .
أقسم برب الكعبه مبدع ولا راح يجي قبلك ولا بعدك بهكذا الاداء والاحاسيس عمي مغني بمعنى الكلمه دومك مبدع ومنورنه بكل طله ربي يوفقك ويحفظك يا امير الحب الغالي تبقى عندي وبأختياري الاول فقط
شنوه المبدع اغنيه جايفه وهيثم اخرف
ذمة بركبتة الي يسمعها وميرجعني😔💔
تافه
رجعتنا لحنية قبل وبيوت الاعمام والاخوال واللمه الحلوه ولعبنا بالباب ويجي ابويه الله يرحمه ونركض للبيت خوفا منه 😥😥😥😥
3:10 روح رياضية ولفته جميلة ان تضع صور كاسيتات كاظم الساهر 😉
لا ن هيثم انسان محترم تطلع منه هيج أشياء
هاي سوالف المخرج ترة
@@Black-panther1977 اكيد بموافقة هيثم يوسف!
صح❤@@omarmaaroof9621
@@Black-panther1977كلها بموافقة هيثم 🤎
تحيه من البحرين للشعب العراقي الأصيل والأصوات الرائعه 🇧🇭❤🇮🇶
مكانك خالي في بغداد ❤️ ياأجمل إعلاميه جزائريه🇩🇿
ويييين رجعتنا بهذا التصوير الرائع،،
و شبعت بجي من شفت الدعابل خاليهن باالعلبه مال جبنة الابطال لان اني جنت مسوي نفس الشي ايام الطفوله.
اغنية رائعه بمعنى الكلمه
هذه تخص جيل السبعينات. لأنه كان عمرنا بوقتها بعز الشباب يعني بداية التسعين عمرنا ١٦ سنة .فهذه الفترة والاغنية مفصله علينا ❤❤❤❤❤
فعلا نفس رايي فعلا مفصله علينا جيل السبعينات .. بداية التسعين كنت بداية العشرين .. يعني كل كلمه كل لحظه كل صوره فعلا عشناها بالتسعين احلى ايام وذكريات 🥹
@fananaltikreety1311 اي وألله احلى أيام واجمل أيام مرت علينا. مع انه كان هناك حصار.لكن وألله عشنا أيام حلوة. ر😔😔😔
أشكر كل طاقم العمل من ساسو لراسو شيء مبهج اللحن خورافي والموزع الموسيقي هو بطل هذي الملحمة تحياااتي
التسعينات الجميلة حتى بقسوتها زمن كنا فيه طلاب جامعة نعشق الكتاب ونتطلع لمستقبل بعيون الأمل.. ذهبت السنوات بأحلامنا ولم ت يبقى لنا سوى حنين وذكريات لزمن مضى وعالم تغيير بكل شئ حتى نفوس العالم أصبحت الطيبة غباء.. والحنين ذل.. والصداقة مصلحة.. والضحكة فقط للصورة
أحلى شعور من أجاني إشعار من أمير الحُب هيثمي وبأبدآع وتألق رآقي كالعادة✨🤎🪄
@@Hussain.AL-Taie والله مثلك گلبي فرفح😂♥️
وحق لااله الله مجاي اشبع من اغنيه 💔 يمكن كل شويه جاي اعيده. اخ هيثم انت الوحيد الاتعرف مده عمق جروحنه. 💔3:33Tolles Lied
4:19
من نزل من السياره
نفس الجسر بإغنية اضعف كدامك
حتى نفس الحركه🥺.
صححح
@@eabro-y5n احنه صارلنه اسنين عبالنه تخطينه ويجي هيثم باغنيه يشعل الحنين بينه
اي والله من شفته سوه هاي الحركة تذكرت هاي الاغنيه🥀🥺
عمرنا أصبح ٥٠ سنة وما زلنا أوفياء لملك الإحساس وأمير الحب حبيب قلبي الأستاذ هيثم يوسف ❤❤. كبرنا مع اغانييك الجميلة . هيثم يوسف عشق الأرض هيثم يوسف صوت بغداد الجميل.. إذا كآنت هناك فيروز في لبنان.. فهيثم يوسف في بغداد وعشق بغداد.. يا ألله رجع الماضي الجميل ولو لحظة .😢😢😢😢
ههههه صحيح
صح السانك هيثم يوسف فنان رراقي ❤
@لانهاحمد-د9ح ما عليك زود. وصح الله بدنك..اي وألله هيثم يوسف يرجعنا للماضي الجميل. حتى لو كان بيه سلبيات. لكن وألله كانت ايام حلوه على عفويتها كل الناس تحب كل الناس. الجار يخاف على جاره الصديق يفدي صديقه بروحه وما يعرف هو من اي مذهب او دين . كانوا الكل عراقيين وووبس . وألله يحفظكم ويحميكم من كل شر. ❤️🌹
@@AhmedSaid-be7br ويحفظك عيني ويحفظ الاهل ويطول بعمرك 🌹
@لانهاحمد-د9ح شكرا جزيلا لحضرتك وربي يطول بعمرك وانت بأحسن وأفضل حال. شكرا لرقي أخلاقك ربي يحفظكم. 🌹🌹
صوت هيثم يوسف اصلآ يذبحني ويرجعني للتسعينات لمن كانت الدنيا بالألوان الوان الشباب والأحلام الحلوة ..مابالك وهيثم يغني اغنية مخصوص على التسعين !!!
هيثم يوسف ..الراعي الرسمي لجيلنا..
الله على التصوير والفكرة واللحن والكلمات والتوزيع وكل هذا الخير بصوت هيثم انت رجعتنا لأيامنا الحلوة نومة السطح والتوكي والدعبل اختصرها الك بفدوة لعينك تاج الراسي ❤مبدع وكراش طفولتي 🫣
يمكن اني الوحيدة من جيل الثمانينات اتمنئ ارجع صغيرة بسرعه كبرنه كلشي ما شفنه بحياتنا من حرب الئ حرب وشيبنه من صغر وتحملنا مسؤليه واصبحت عقولنا وقلوبنا أكبر من عمرنا ❤
😔😔
بعدكم ارواحكم حلووة وبيكم حنيه ❤
جيلنا السبعينات مثلكم 😢 صدكيني
اي والله
اي والله اني هم مواليد ١٩٨٠
اراقب المشاهده لانه تستحق أعلى رقم 🪐
هذا الغنية عبارة ذكرى جيل الثمانينات وتسعين من ايام حلوة وناس عايشة عل فطرة حتى اسيجت البيوت ناصية لان كان الجيران اهل واكثر يامحلاها ابدعت هيثم يوسف وامير الاحساس
متت بجي وين رجعتنا لايامنا الحلوة و الحنينة لمن جنة سعيدين و بلا هموم😭
يارب تفرج علينا كلنا و تخلي الجاي احلى يالله
صوتك مش بس مجرد غناء، هو قصة كاملة من المشاعر والذكريات. من أول ما نسمع أغانيك، نحس بكل كلمة وكأنها جايه من قلبنا. تميزك مو بس في الصوت، إنما في قدرتك على تحويل كل لحظة في حياتك إلى أغنية تحاكي قلوبنا. شخصيتك المتواضعة والمحبوبة تزيد من حبنا لك، لأنك دايمًا قريب من جمهورك وكأنك واحد منا
حنيت للقنادر مال عدي ..دنبك
انجب واطلع من تعليق مالي. محد مكالك تعال اسمع اغنيه. وتدخل مريض نفسي. اسمع الاغنيه. بكل ادب وبلاتجاوز. اون ماعجبك. اطلع من قناة @@hathemalrmahy7186
هسه محد اخذ رئيك. تمام. هذا شي يخصنه احنه. واذ معجبتك اغنيه. اطلع منه. ان كان زمن اخبار اوزمن مدمر. تبقه عدها بصمه بحياتنا. @@hathemalrmahy7186
بس العراق ابو الحظارات وميزه الله عن كل البشر بالصوت وقوى وعظامه ابو الانبياء عاش العراق 🇮🇶 العراقيين وينكم🇮🇶❤️
من اليمن
اغنية مؤثرة واحساس يوصل لقاااع القلب.. ❤🎉
هذه مو بس اغنية هذا عمل درامي رائع يقدمه هيثم يوسف وسامر حكمت ومصطفى حكمت نقترح ان يكون مسلسل يمثل هذه الاحداث الجميلة بطولة هيثم يوسف والناس الموجوده بالعمل
فكرة حلوة يا ريت يسون هالشي
ادري صوته يأخذني لعالم ثاني😔💗.
حنيت للتسعين فعلا احلى ايام من عمرنه واحلى ذكريات 🥺
صوتته مستحيل ينمل شكد حلو يربييي🥹❤️🔥
هيثم يوسف حب الطفوله والمراهقه.... من نكول هيثم يعني كل فترة حلووة بحياتي .... اتمنى ربي يطول بعمره ويحفظه❤❤❤
أحب أبارك للفنان القدير هيثم يوسف على إصداره لأغنية تلامس وجدان كل محب للموسيقى العراقية الأصيلة. هالأغنية مو بس أستمرار لصوت هيثم العذب، لكنها رجعتنا لجيل السبعينات والثمانينات والتسعينات، وخلتنا نسترجع هواي ذكريات جميلة من أيام الطفولة والشباب، من بساطة الحياة وحب الناس للفرح. فرحان من كل قلبي لأن عدنا فنان مثل هيثم، يحمل تراثنا ويقدمه بهاي الصورة العميقة والمليانة إحساس. كل النجاح والتوفيق إلـه، وإن شاء الله يبقى صوت محبب يوصل مشاعرنا وذكرياتنا لكل الأجيال.
تحياتي
عبدالله الهميم❤️
هاالاغنية حرفيا .. تكسر و توجع القلب 😢💔🥺
الله يرحم الغاليين على قلبي
و بيتنا و ذكرياتنا 💔😞
يتربع على عرش الأغاني العراقيه بالقديم والجديد
المفروض تكون المشاهده مالته 400 مليون مو 400 ألف لأنها تستاهل رووعه وذوق بالكلمات واللحن والتصوير شيء ثاني قمه بالجمال والابداع شكرا إلك يا هيثمنا لأنك رجعتنا للتسعين
هيثم يوسف بعد لتخلي واحد يلحن اغاني الك انت لحن عمي وين رجعتنة صدك جذب عبالك احنة سنة 96 لو 98 الله الله الله
حنيت للقنادر مال عدي ..دنبك
ليش ياهيثم بجيتنا راحت ايامنا الطيبه ويه اهلها وناسها الطيبه شنو شنكول وشنو نكتب على احساس وجمال الاغنيه كلمات الحان وتصوير شكرا لان خليتونا نتذكر منطقتنا وجيرانا ومدرستنا 🩷🩷🩷🩷🩷
وأخيراً اغنيه للتسعينات وفرحتنه هيثومي
😂❤
افضل مطرب بالعراق هيثم يوسف
يعني قد شي ما مخلي ولا لقطة ولا مشهد الا ما حاسبه يعني فديو كليب خرافي كل طلعت بيه مشاعر كل عراقي بهذاك الزمن ايبااااااااااه عاشت الايادي كل لقطه صح مليون بالميه .. والله العظيم
المفروض هاي الغنية توصل لمية مليون مشاهدات على اليوتيوب بصراحة لان تستأهل
اول مره اسمعها وبجيت فعلا حنيت للأيام الخوالي من ارجع للبيت واشوف ماما وبابا وحاليا اني بغربه 😢 الله يرحمج امي حبيبتي 😓💔
الله يلم شملكم وتشوفيهم عيوني بيا دوله انتي ❤🥹
احلى لحظات من نسمعك حبيبي هيثم ❤
اي و الله
هيثم يوسف
العراقي الأصيل المحب لبلدة
بكل عمل يقدمة يعكس أجمل صورة عن العراق والمجتمع العراقي
هذا الكليب ذكرنا ببيوتنا الكبار الي جانت حدايقها عامرة بصوت أهلها
ريحة البيوت جانت ريحة طبخ الأمهات والكليجة لو ريحة عطر الاب الفواحة بعد الحلاقة والحمام
وماعون الفواكه المتروس على الطاولة بغرفة الطعام
هسة البيوت صارت باهته بلا ريحة وبلا لون وبلا حنية ياهيثم
وصف دقيق
😢 والله سمعتها وبكيت فعلا تصوير كانه مسلسل سريع كلشي بي يمثل حياة عشناها بكل معنى الكلمه لاتنسونها دائما ذكرونا بااهلنا الطيبين وبمنطقتنا وبشارع الرشيد وبدربونة الجنابين❤❤❤
صوت الماضي الجميل بكل تفاصيله ... حتى قپغ دگم تلفزيون القيثارة المكسور بكل البيوت العراقية 😊الف تحية
ياريت تكثرلنا من هيج اغاني قديمه هاي راح تنجح بكل وطن عربي مو بس. العراق لان بيها. رجوع للماضي. وكل ناس تحن للماضي وزمن جميل. ياريت كل الاغاني هيج تصير
😢😢عمري 37 سنه واذكر احلى ايام عمرنه 😣😔😔🙏🙏🙏🙏🙏🙏هسه 2024/11/5
وراه عمر اذا احد جان يسمع هل اغاني تذكرونه بلخير ودعاء
هيثم يوسف مطرب راقي وجميل ومبدع بتوفيق الك
يابه بس هيثم يوسف بالساحة صح اني جيل الافينات بس اعشق اغاني هيثم يوسف فنان مرتب محترم ربي يحفظك ويسعدك وينطيك الصحة والعافية يارب 🫶🏻🤍
امير الحب 🫡🫡🫡 اغانيك تترك أثر بقلوبنا مميزة ومعبرة ❤
ترجعني عل زمن حلو وجميل 💕💕 كلها دافء ومحبة 🧡🧡
تغني من قلبك وتعبيرك للأغنية شي مميزة إبداع 💛💛💛
متابعة من سوريا 🇮🇶🌏🇸🇾
😢😢😢😢😢😢😢
بعد ماكو ضحكة حتى بالشي الحلو لازم نبكي
كلنا كنا هيثم اول ما طلع ...ياناس
هيثم يوسف احنه محضوظين بيك كونك انته عراقي اصيل وتحن لماضينا وفرحنا وايامنا اللي رراحت وكونك وفي ومانسيت الماضي اللي عشته ويانا ببغداد ❤🥰♥️🇮🇶🇮🇶🇮🇶
امير الحب الوطني العراقي البغدادي الجميل مكو احلى منك بين اهلك وناسك ابغداد والله رجعتنا لذكريات قديمه كلش😢💔
فعلا اغنية لا توصف من كمية الجمال ❤
كالعادة اغنية رائعة مثل باقي الاغاني اللي غناها
تحياتي الك حبيبنا هيثم يوسف من هنا بغداد الدورة ❤
المشاعر والإحساس هيثم
جماعة السبعينات والثمانينات والتسعينات
موجودين بعدكم تعشقون الحن والصوت والكلمات ❤
اخوية موجودين و كبرنا و صرنا بالاربعينات.
لاتنسة 87 ❤ فديتنا وللة نصغر مانكبر
@@user.u4066 وللة اختي 82 عمرها عبالك 20 تصغر ماتكبر بالذات هل جيل ابد مايكبرون 😂😂😂😂
@@نوشة27وين مانكبر الشيب درس رااسنا غلا واني هم من مواليد 87
بعدنا 🩵💙
صادق ب معنى الكلمة نية طيبة وإحساس جميل ❤
عمري قارب الخمسين.. وعشت كل هالايام بحذافيرها .. وطبعي دمعتي مو سهلة بس بجيت واني اشوف الفديو المبدع والي رجعنا لكل الذكريات الحلوة بكل تفاصيلها .
التسعينات مرحلة جانت متعبة وشعبنا قاسى بيها بس هاي ايامنا مراهقتنا الي من نتذكرها نحن الها ...
الاغنية مو سياسية وانما حالة من النستولوجيا (الحنين الى الماضي) يحقلنا نحن اله لانه ذكرياتنا ..
شكرا هيثم على ابداعك وشكرا لسيفان وشكرا للمخرج
هيثم يوسف فنان راقي و عملاق صوته اله طعم خاص متذوق الفن من صغره يغيب غيبته و يرجع بهيبتة نتمنى منه انو ينزل البوم اغاني كامل مثل قبل لن اكيد راح يشعل جيل التسعين كله ب اغاني الحلوه
صوت هيثم هو صوت بغداد وحنينها لأهلها 💔
ماكو أحلى مثل هذا الجيل الحنان والوفاء والحب والخوف والتضحية ❤❤❤😢😢😢
هيثم يوسف كل الحب والتقدير والاحترام فنان العرب🎉❤سلام عليك من سوريا
الف مبروك علی اغني التسعينيات ❤❤❤
انا مواليد 90 بس اتذكرت من جنت صغيره وسوالفنه الحلوه وذكرياتنا واهلنا وكعداتهم صدك حلووه وعفوية وتحسها كلها بنية طيبة ااااخ ع ذيج الأيام
نزوله من الطائره وصعودة للمارسيدس نفس صدام حسين وكأنه قلده بعدم انحناء الظهر .. الفيديو كليب كل مشهد منه يرجعك لتفاصيل الماضي 👌💔 عشت ودامك الله فخراً وذخراً للعراق يا امير الحب
ملاحظة جدا قوية ،برافو
يا ربي العمل يجنن يجنن من جميع النواحي الكلمات اللحن الفديو كليب وين رجعت من جنا ننام فوك بالسطح كل الاهل 💔💔 ونلتم اللمه عاشت ايدك فنانا الراقي الخلوق
اوف يا هيثم ياريت ترجعنا التسعين مو بس بالاغنية بالواقع.. وهل للرقي والإبداع عنوان غيرك .. ❤🤍
عمل محترم للناس للذوق عمل ايجابي لسمعه للبلد 😢 رجعنا على الذكريات القديمه
كمية ذكريات وايام جميله بهاي الاغنيه مو طبيعيه ابدعت هيثم يوسف
*_هيثم انت فنان راح يذكرك الفن العراقي بااحسن صوره ، كلنا متفقين اغاني هيثم بس لا تنسون الموزع جداً مبدع و بطل لازم تعطونه حقه لان هو للي ينطي جو الاغنيه كله_*
الله عليك هيثم اني من عشاق لصوتك ومن جيل التسعين ومدمنة اللاغانيك الحلوة ❤
اي يابه حنينة لهذا اللحن الخاص بيك ❤
دائماً مبدع هيثم يوسف