على العهد - عطيته غلا حتى ماجاه من اهل بيته | محمد ال دلبج | بطيء

حياكم سنابي 🖤..
/ d7.w9
الكلمات :
من الثلث الاول في مكاني على مركاي
مع هاجسسي لين الفجر دق توقيته
تخالف همومي مثل ورد على سقاي
حيام عليه وكنه القيض مضميته
اعزي فواد بين راي يخالف راي
الامال مشفيته والاعراف حاديته
يحسفني الماضي وامل على اللي جاي
واسوق الهقاوي بين يمكن وياليته
على حلم عمر ماستوى لي على مبداي
صرفت النظر منه وانا قد تحليته
فجوج البسيطه سلوتي والدجى منفاي
اسامر مندايبه واصخر عفاريته
على غير علام الخفى مابتدي شكواي
عظيم يعرف اسرار عبده وخافيته
ويامل قلب يشعفه صوت عزف الناي
يود الهوى لو كان الايام مشقيته
قصرت الرجى لو كان ماقصرت يمناي
من اللي تناساني وانا ماتناسيته
جفول عليه اسوق قلبي واعن خطاي
له اصخيت قلب مابعد قبله اصخيته
على العهد منه بالوفاء للغلا شراي
خذ القلب من بين المعاليق واعطيته
محبه وفاء من مهجه القلب ومن اقصاي
عطيته غلا حتى ماجاه من اهل بيته
غرام مكن بقصى الضماير لجى بحماي
تمثنى الظلوع وفي الحشى شب كبريته
مرابيعهم شفي وداره غدت مشهاي
عسى مدهله روايح المزن مسقيته
اشوفه تنكر للغلا ناوي فرقاي
وباع المحبه بالجفاء يوم وافيته
نسى الحب الاول جعله اتلى على النساي
ولا الوم قلبي يوم زادت تناهيته
نهيته من المقفي ولا يستمع في الراي
الا ليت قلبي يسمع الشور ياليته
#قروب_OR