الكلام سونج. كلمات معاوية الرواحي نسخة تجريبية

الكلام سونج:
كل ما أبدا كلامي ينسرق مني الكلام
تختفي مني الأغاني، والقصائد في الظلام
هل أحارب هل أضارب؟ هل أواصل للأمام؟
ولا أستسلم، وأسلّم، وانهزم في الانهزام
في كلامي حاجة أغرب، من مجانين الفلوس
حاجة أقرب، من مجربّ أحلى من خمرة وحسوس
فكرة حلوة، ضحكة مرّة، جمرة يا بنت الشموس
نغمة ملعونة أثيمة، شفة عاشقها تبوس
لو مكانك، في زمانك كنت ميّت من زمان
كل حاجة في عروقك وردة والمعنى عُمان
هذي أيامك/ ضياعك / هذي أحلامك / ذهان
بس لا تنسى البداية / أنت نار بلا دخان
من صديقك؟ من عدوّك؟ هل عرفت وهل دريت؟
كل أيامك مسافة، وانكسرت في ألف بيت.
كان أحسن لك مماتك .. لكن الرحلة نويت
تو موه أحسن؟ دمارك؟ ولا أحلامك رضيت؟
في اغترابِك، في عذابك، كلمة والضحكة جحيم
اللي عرفك كان يجهل، واللي جاهل في النعيم
واللي جهلك صار يعرف، واللي يختارك كريم
إللي ما خانك تحبّه، واللي ناسنّك لئيم
غابة هـ الدنيا الدنيّة، دنيا عاشقها يخون
دنيا خاينها مكرّم في المصائب والسجون
دنيا ملعونة حقيرة، معجزة / كلمة وجنون
وأنت شاعر، ثم شاعر، ثم شاعر، ما تهون
ربّي وفقني في حياتي .. أفعل الخير القليل
أنصر الأرض الأصيلة، هكذا فعل الأصيل
ما أريد الناس تدري، ربي عالم بالجميل
اسمي والمعنى عُماني، واللقب "ابن النخيل"
كنت ضايع في حياتي، لكن الدنيا ضياع
ما أبيع اللي اشتراني، ما أسلّم للي باع
اللي يختار الخيانة، يكتشف شرّ الطباع
واللي يختار الصداقة، ما أتركه للضباع
هذي قصة من حياتي، أغنية والباقي راب
كلمة أجمل من أراضي، أو مزارع من خراب
نغمة أجمل من عمارة أو فيراري من سراب
موت يا الحاسد "غلبتك" الله يزيدك عذاب
هذا دربي، درب أغبر، ما أخافه، ما أخاف
غير ربي الله أكبر، من يخافه ما يخاف
كل خايف لاقي ربه، والجبان بلا عفاف
كلمة والموتة جميلة، نغمة أجمل من الزفاف
كل خاين للصداقة، ينتظر مني انتقام
كنت عايش كنّي أهبل، في حديقة من لئام
لما صحاني عذابي، جيت بالكلمة حسام
هذا سيفي، مرّ صارم، ذوق يا الخاين حطام
هذي ألحاني/ كلامي / والكلام من الكلام
من عرف كلمة جميلة، ما يخليها وينام
واللي عايش للأغاني، ما يخاف من الزحام
واللي ما يكتب قصيدة، عمره ضايع والسلام
معاوية الرواحي