قصيدة الجريمة الشاعر حامد زيد / البوم اربع خناجر 2001
Вставка
- Опубліковано 29 сер 2024
- قصيدة الجريمة الشاعر حامد زيد / البوم اربع خناجر 2001
يوم ثارت في جنونٍ مـن جنـون الجاهليـة
عاتبتني ليـن شبـت فـي شرايينـي لهبهـا
استفزتنـي وفـزت وزعلـت منـي علـيـة
وستضاقت من كلامـي يـوم زعلنـي عتبهـا
من بعدها مابقـى لـي فـي محانيهـا بقيـة
اسدلت دمع المحاجر بالبكـاء ورخـت هدبهـا
والله انـي مانويـت ابـدي معاهـا بالخطيـة
بس هي الي تعـدت حدهـا لحظـة غضبهـا
يمكن اني كنت قاسي بالعتـب معهـا شويـة
كثر ماكانت اتمنـى راحتـي واعشـق تعبهـا
والله اني كنت اكابر بالعتب فـي حسـن نيـة
بس ابي ادري هو صحيح اني الوحيد الي عجبها
جرحتنـي بالكـلام وكبـرت حيييـل القضيـة
وخسرت بي كل عرقا ًمـن شرايينـي كسبهـا
ولا هـي ماكـان فيهـا للمـوادع مقـدريـة
والجفا كانت تعافة بـس مـدري وش قلبهـا
ليتني مارحـت اقايـس قيمتـي عنـد بدويـة
رجعتلـي كـل عرقـا ًحبـهـا ولا نهبـهـا
وعلمتني كيف بنجح وانتصـر وبقـى ضحيـة
وعلمتني كيـف قلبـي لـو غلبهـا ماغلبهـا
وعلمتنـي يـوم صـدت عنفـوان الاجوديـة
ماتلـوح للمقفـي لـو سلبـهـا ماسلبـهـا
رابيه بين القبايـل والعـرب واهـل الحميـة
عاقلـه ماتبـذر الا نخلـة تعـرف رطبـهـا
ان تهـادت ذكرتنـي فـي خفـوق العامريـة
وان تمادت تركب بليـس الرجيـم وماركبهـا
جفنها لا سلهمـت بـه مايطيـق السامريـة
تسحبه برضاه عينه وان سهت عينـه سحبهـا
وان حكت تعطي مكانـه للحـروف الابجديـة
كـن كلمتهـا تلفـت للكـلام الـي عقبـهـا
والحـروف اليـا تعـدت بالشفـاه النرجسيـة
كنها صـارت قصيـدة بـس ربـي ماكتبهـا
وش بوصف من حلاهـا وش بخلـي للبريـة
مابهـا بالحسـن عيبٍ وكشفـته الا حجبهـا
شعرها فيه الخوي الـي تبـرى مـن خويـة
والشفا لو تشرب الماء واختلط فيهـا شربهـا
كن في ضمـة شفهـا جمرتيـن بنـار حيـة
كل من حس بدفاهـا واحتـرق صـد وقربهـا
شفتها مثـل (الجريمـه) وابتليـت ابهـا بليـة
غلطة جيت اتحاشـا ظلمهـا .. قلـت ارتكبهـا
كل شيء شفـت فيهـا فيـه نبـرت جاذبيـة
موهبه من فضل ربي واشهـد ان الله وهبهـا
كلـهـا لله بـ لله فاتتـنـه هــا لادمـيــة
عاجبتني مـن بدايـة راسهـا لسفـل كعبهـا
لـو تبادلنـي شعـوري والهديـه بالهـديـة
ماوفتلي لـو تبيـع ثيابهـا واغلـى ذهبهـا
هملتنـي والقلـوب الجرهـديـة جرهـديـة
وحرقتنـي والمحبـه نارهـا تاكـل حطبهـا
ولا انـا مكنـت اكابـر والليالـي سرمـديـة
يمكن ان الي غصبني للولـع فيهـا غصبهـا
ياخفوقي وادري انـك منـت في حاجـة وصيـة
شف مكاني وانت تدري وين هي يمـة عربهـا
رح لها وان كان فيها قلب يطمح فـي مجيـة
شف طلبها في عروقه وان حصل تمم طلبهـا
وانشده وان قال عنها من هـدر دمـي بريـة
قله : إن الـّي حصلـي بالمحبـه مـن سببهـا
ولو يقول : اني تعمـدت الزعـل لجـل الاذيـه
قلـه : انـي ماتحمـل بالعتـب قلـة ادبـهـا
ولو يقول : اني انا الـي كنـت بـادي بالخطيـة
قول : هي الـي تعـدت حدهـا لحظـة غضبهـا
#حامد_زيد #الشاعر_حامد_زيد #شاعر_المطولات #قنبلة_الشعر
#شعر #الشاعر #اشعار #قصايد #قصيدة #قصائد_حب #عزة_النفس
#قصائد_عتاب #غرام_احباب #اربع_خناجر #الجريمة #الاولي_والتالي #عشاقه_وجمهورة #الذيب_والراعي #الليال_السرمدية #قالها_حامد #صح_النوم #غرام_احباب #تزعلين_وتقعدين #حد_علمي #ثامن_السبع_العجايب
افضل شاعر ربنا يسعدك ويحفظك
"ولو يقول: انا اللي كنت بادي بالخطيّة
قول: هي اللي تعدت حدّها لحظة غضبها"
يا سلام صح الله السانك، شاعر من كبار شعراء الشعر النبطي في هذا العصر.