أنا من قسنطينة حبيت نقولك راكي حلوة عسل و حتى أطباقك الصيفية راكي عطيتيلنا أفكار جديدة و الله سخفتوني على هاديك لمعيشة فيها البساطة و الراحة ربي يهنيكم نشالله 💝💝💝💝
انا كي شفت يماها تفكرت يما تاني كانت كما هكدا ترفد فوق راسها والله بكاتني لمخلقوقة هادي فكرتني في بابا ويما بابا مات بكورونا ويما راهي مريضة دعولها خياتي😭😭😭😭
يا اختي باه تطلع قناتك كترينا الفيديوهات انا مثلا بعد مااكتشفت قناتك وليت مدمنة عليك لكن انت طولتي من العيد محطتيش اجتهدي اكتر و حنا معاك و راني اشتركت فالمسابقة على جالك. وفقك الله
أكل صحي ممتاز طبيعي يحتوي على جميع الفيتامينات والمعادن الطبيعية حياة هادءة بسيطة سعيدة شكرا لك ياالفحلة نرتاح نفسيا كي نتفرج علىالطبيعة الخلابة وعلى اكلاتك الصحية.
الفلاحة ليها مواليها الله يبارك مرا ونص ولالات النساء انتن نساء حبات مفقودات في هذا الزمن ربي يحفظكن ويبارك في عملكن وتعبكن قناتي ماشي طالعة بصح نحاول نعاون بلي نقدر عليه لان قناة تاعكم تستاهل تطلع صدقا
بصحتك بنتي باينة ماكلتك عسل كيما نتي والله شطارة ورتابة وضرافة وتربية واخلاق وقصرتك حلوة ربي يحفظك من العين وربي يطول في عمر والديك ويفرحو بيك وما تسمعيش انتقادات بعض الناس راكي ماشاء الله محتواك رائع
والله نتي شاطرة وفحلة الله يبارك تستاهلي كل الدعم بصحتك الفطور اصلا البنة تاع الصح كي تاكلي مالمرميطة تاعك وزيد والله باينة بلي بنينة وهداك المطلوع يشهي سخون ياحسراه الماكلة اللي طيب على النار تجي عسل بصحتكم شهيتيني
راكي شهيتينا اقسم بالله الطبيعة والنار الحطب والخضر من الحديقة الله يبارك الله يعطيك على حسب نيتك وقلبك ويهنيك في حياتك وكل الشكر الى الوالدين الكريمين تهلاي فيهم
ربي يعاونك اختي ميرزاد والله غير انتي والام تيعك وكثير من الجزائريات راكم تحييوا في تقاليد بلادنا راهي راح تنقرض الله يهنيكم والمطلوع تع حراير باين من الصورة🌹
السلام عليكم اختي ميرازاد الله يبارك راكي فحلة وناشطة في كلش انتي وامك مي ملاحضة برك نقي الاماكن لي قريبة لداركم ونضفيهم مليح من الاوساخ ولقرع مكان تاعكم قمة الروعة في طبيعة مي نقيها شوي من الاوساخ لي متلايمة بحذا روزورفوار وين طيبو واسمحلي وربي يوفقكم
والله ماعلاباليش علاه كي نشوف لي فيديو تاعك نحس براحة نفسية ☺️ بلاك الحنين إلى الوطن الأم مغلطتش كي سميت القناة تاعك عروس القنوات الجزائرية هادي فروطوار مولاي😆
من عادتي منديرش التعليقات لكن الفيديوهات تاعك حاجة فريدة من نوعها كملي راكي درتي حاجة جديدة في اليوتيوب تاع الطبخ و الحياة البسيطة. بالتوفيق انشاء الله. ماشاء الله و ربي ايعونك. كملي كل التشجيع مني.
@@kenzadidou1390 اسهل شيء حطي سميد و خميرة و ما ء دافي و ابداي بالشوي دلك دلك واضيفي الماء حتى تطرى عجينتك لاتكون يابسة واخبزيها و خليها تخمر وسخني طاجين جيداااااا و طيبيه المهم الدلك و السميد نوعية جيده فيه العلك فقط
ربي يفتحها عليك من ابوابو الواسعة ويعطيك على حساب نيتك ومجهودك انت مثال للمراة المكافحة الاصيلة بدون بروتوكولات ولا ادوات عصرية مثال للبساطة تستحقين كل الدعم والتشجيع ربي يحققلك كل امنياتك
السلام عليكم ورحمة الله وبركاته أختي أنا جديدة في قناتك والله ماشاء الله تذكرينني بأيام زمان عندما كنت صغيرة وأعيش ببابور بولاية سطيف كنت أعيش مثلك والآن أعيش بفرنسا واشتقت كثيرا لهذه المعيشة ولكن الحمد لله
صحه عيدك وتعاوديه بالخير نصيحه مني اخطيك من هذوك المسابقات الي يحبك ويتبع قناتك والي يحب المال يتبع المال قدمينا الجديد باش مانكرهوش وربي يرزقك من اخلاصك في عملك لمعجبيك وخذي العبره من ام وليد الصبر في العمل احسن من. المال السريع وفقدان الثقه من محبيك وشكرا
فاصي جدهم. انا جربت شاركت واحد المرة مصح شطارت صاحبة القناة ندخل عندهم نتفرج ونعلق قلت عادي اني قاعد اسهل شيء نديرو في حياتي ييييايما كي دخلت اول قناة حملت الثانية طلعت مغربية ماتجي تقول حرف حتى نموت كرهتلي حياتي خرجت روحت الغيت الاشتراكات كامل وتهنيت
حملة توصيل ميرزاد ل100k شكون يوافقني الرأي راهي تتعب بزاف ربي يحفضها
اكيد
والله تستاهل ربي يوفقها ان شاء الله
نعم
باش تطلع القاناة لازم تخليو الفيدوهات تمشي حتى و ما تتفرجوش باش تتحسب مشاهدة. هذي الطفلة و الله تستاهل
نحب الاكل لي يطيب على النار نحسه بنين اكثر شكون كيما انا 😋😋😋
اروع قناة في اليوتيوب يعطيكم الصحة ياحراير الجزائر ربي اوصلكم للدرع الذهبي واكثر
شكون لي عجباتو امها كي كانت حاطة شكارة فوق راسها يخبطها بجام وتعليق
ماتحشميش تعايري الطفلة بلاك نتي راكي تشري الخضر هي راهي تناحيهم وواش راكي تاكلي هي راهي تشهي ورافدة راسها وتحمد الله صباح وعشية ونتي اللي راكي تضحكي كيما يقول المثل الزوخ والفوخ والعشا ڨرنينة
@@fofaams5753 ماعيرتاهاش شوفي مليح قالت شكون عجباتوا
@@fofaams5753 علاه تهدرو ومتفهموش افهمي واش قالت ومبعدا شركي لغبك
@@rayanrayan9803 شفتي الناس كي تقرا انقص بصح انا قلت شكون عجباتو هدا مكان
@@hanghibaaaa شكرا علي ردك
أنا من قسنطينة حبيت نقولك راكي حلوة عسل و حتى أطباقك الصيفية راكي عطيتيلنا أفكار جديدة و الله سخفتوني على هاديك لمعيشة فيها البساطة و الراحة ربي يهنيكم نشالله 💝💝💝💝
انا كي شفت يماها تفكرت يما تاني كانت كما هكدا ترفد فوق راسها والله بكاتني لمخلقوقة هادي فكرتني في بابا ويما بابا مات بكورونا ويما راهي مريضة دعولها خياتي😭😭😭😭
الله يشافيها والله يرحم باباك .
ربي يشفيها ويصبرك على باباك
ربي يرحمو ويوسع عليه ويماك ربي يشافيها
ربي يشفيها يارب العالمين
ربي يشفي يماك ويرحم باباك ويجعلو من اهل الجنة ويرحم جميع المسلمين ان شاء الله
ادعيولي تتصلح اوموري مع زوجي دعوة الغريب مستجاب
ربي يصلح لحوال وربي يلم شملكم
الله يصلح مابينكم يارب فاقرب الاجال
اه يا الزينة شحال راك تشهي فينا انت والطبيعة والبساطة يا رزينة
يا نسمة رقيقة الله يحفظك ويبعد العين عليك
شكون لي يفوّت فيديو 5 د باش ميشوفش المسابقة
انا
ههههههن+2
أنا أنا أنا ههه ههه شيء مملل😍😍😍
هههههه 😂انا واعود من كلمة انا
تفكرت نهار وحدة قاتلها وكتاش يخرجوا النتائج تاع مسابقة قاتلها كرهت هدوك لي ابونيتهم من عندك قاتلها غموني ههههههههههههههههههه
يا اختي باه تطلع قناتك كترينا الفيديوهات انا مثلا بعد مااكتشفت قناتك وليت مدمنة عليك لكن انت طولتي من العيد محطتيش اجتهدي اكتر و حنا معاك و راني اشتركت فالمسابقة على جالك. وفقك الله
خلينا من المسابقات الرحمة لوالديك . انا مانشتاركش في قناة كان مايعجبنيش محتواها .واصحاب هذو القنوات لازم يجتاهدو ويخدمو محتويات ممتميزة ويطلعو عدد لي والمشتركين بخدمتهم مش بالمسابقات .ربي يوفقك ميرا نحبوك انت وماماك .
مصح تقدري تشتاركي كي تربحي الغي الاشتراك شفتي تخمامي😂😂😂😂
@@لاأرافقالشراشيح ههههه هههه 😉😉👏👏👏👏فكرة مليحة
عندك الحق أختي كاين قنوات متفهميش وا ش راهم يديرو محتواهم بدون فائدة
عندك الحق أختي كاين قنوات متفهميش وا ش راهم يديرو محتواهم بدون فائدة
@@omhindeldjazairia2572 👍👍👍
شهيتني والله بزاف ربي يدومها نعمة ويحفظها من الزوال آمين
شكون لي كيفي عاودت لقطة تاع الام تاعها كي هازا شكارة فوق راسها وتمشي بلا ما تحكمها وتثبت وتعاود ههههه ربي يحفضها
ننن
مسكينة والله باين عليها تشقى بزاف الله يحفظنا امهاتنا 💜💜
مالفة
انا هههههه حرت ربي يحفظها
تحسب دنتوم متعرفوش تڨمطو البيبي😂
ربي يحفظلك ميمتك ويطول في عمرها والله ماكانش احلى من البساطة والتواضع
تعجبني حياة البساطة و التواضع أجمل ما في الدنيا تحية خاصة لبنات جيجل
هدرتها تيفوتية والله اعلم
أكل صحي ممتاز طبيعي يحتوي على جميع الفيتامينات والمعادن الطبيعية حياة هادءة بسيطة سعيدة شكرا لك ياالفحلة نرتاح نفسيا كي نتفرج علىالطبيعة الخلابة وعلى اكلاتك الصحية.
معيشة حلوة بدون مشاكل وبدون امراض ماحلى البساطة فكرتيني في الايام الحلوين ليعشتهم روعة
الفلاحة ليها مواليها الله يبارك مرا ونص ولالات النساء
انتن نساء حبات مفقودات في هذا الزمن ربي يحفظكن ويبارك في عملكن وتعبكن قناتي ماشي طالعة بصح نحاول نعاون بلي نقدر عليه لان قناة تاعكم تستاهل تطلع صدقا
اجمل قناة، تحية مغربية 🙏🌻🇲🇦🇩🇿
بصحتك بنتي باينة ماكلتك عسل كيما نتي والله شطارة ورتابة وضرافة وتربية واخلاق وقصرتك حلوة ربي يحفظك من العين وربي يطول في عمر والديك ويفرحو بيك وما تسمعيش انتقادات بعض الناس راكي ماشاء الله محتواك رائع
الاسم: ميرازاد
المهنة : جات هايلة هايلة 😅
تشهيت الشكشوكة بالمطلوع باين جااااو هااايلين هااايلين
نسيتي حاجة كيما راكم تشوفو 😂
حقيقة بنت عسولة و شطورة الله يحفظها و يسعدها
ما شاء الله عليكي يا اصيله يا طيبه جزائريه كلها طيبة وحيوية ونشاط الله يمتعك بالصحة والعافيه.
سلام اختي ميرزاد يعطيك الصحة بصح حبيت نقلك بلي من الاحسن تاكلي وانت جالسة من اداب الاكل واسمحلي علي تدخل وربي يوفقك
ختي القلب الكبير ربي يحن عليك عتقي ليا بناتي من ضياع وجوع راني مطلقة بجوج بنات عندهم الله وأنا راني الله لي عالم بيا دخلي وشوفي بعينيك 💔😭👩👧👧🙏
ياك راكم عايشين في سويسرا افرقيا ندعمولكم قنواتكم ومبعد عام تبداو تسبو فينا وتسرقو وصفاتنا
@الذ الوصفات oum nouh ziad انت نورمال طيحي بنت بلادك مع برانية عيب والله عيب عليك
واش. خصك ختي
@الذ الوصفات oum nouh ziad والله غير عيب عليك هذي هدرة ،باينة بلي انت الي جيعانة ،ربي يهديك
@الذ الوصفات oum nouh ziad غايره منها
جميلة جدا هاته المناظر الطبيعية 👍🏻
روووووعة ماشاء الله
وفقكم الله أختي و زادكم من فضله
يا اختي مليح الفيديوهات نتاعك في البرية ، بصح علاش متنقيش الحالة ، كاين بزاف البلاستيك و الاوراق قدامك
*قناتي مظلومه فتحتها بقالي سنه ونص ولسه متشفتش وبتعب فيها جدا وعندي أمل في ربنا ان هيجي يوم وربنا هیگرمنی باذن الله تعالى 😭😭🙏*
الله يبارك فيك فحلة بنت فحلة وحرة لحراير .انت خير مثال للمرأة الريفية الجزائرية الأصيلة..🇩🇿
البساطة التواضع سارفيس لا فوخ لزوخ هذه الراحة النفسية لنبحث عليها نعمة التربية
حياة بسيطة تهبل
نتفرج فيدوات عجال يماك نحبها سبحان الله نحسها فحلة حنينة ربي يحفضهالك
والله نتي شاطرة وفحلة الله يبارك تستاهلي كل الدعم بصحتك الفطور اصلا البنة تاع الصح كي تاكلي مالمرميطة تاعك وزيد والله باينة بلي بنينة وهداك المطلوع يشهي سخون ياحسراه الماكلة اللي طيب على النار تجي عسل بصحتكم شهيتيني
الله يبارك عليك على هذه البساطة والتواضع يااصيلة يابنت الاصول ربي يحفظك ويعطيك كل ماتتمنى ربي يحفظلك الوالدة الكريمة ويخليهالك أن شاء الله
صح ميرا زادانتي طفلة متربية ولكن فيك عادة مثلا وحدة قاتلك شهيتيني وعلاش ماتقوللهاش شهتك فالجنة ان شاء الله مدرلهاش ممبا قلب ولا تجاوبها
راكم في خير ما شاء الله والطبيعة تحل النفس هذه هيا لمعيشة نتاع الصح
ادعو لاخوتنا بفلسطين فضلا وليس امرا
اللهم انصر فلسطين واخواننا يارب العالمين 🤲🏻 امين يارب العالمين
@@saja8966 شكرا
اللهم أنصر إخواننا في فلسطين وأعد إلينا الأقصى وارزقنا الصلاة فيه...واذل يا رب الصهاينة..الأنذال الجبناء.
ربي يوفقهم
راكي شهيتينا اقسم بالله الطبيعة والنار الحطب والخضر من الحديقة الله يبارك الله يعطيك على حسب نيتك وقلبك ويهنيك في حياتك وكل الشكر الى الوالدين الكريمين تهلاي فيهم
دواركم يجنن ماشاءالله الله يحفظكم فقط حاولي تتخلصو من البلاستيك قراعي و ساشيات بطريقة مكا تشوهش الطبيعة نتاعكم راهي تهبل
الحياة في البرية رائعة وقناتك أروع أتمنى لك المزيد من التألق والنجاح
ربي يعاونك اختي ميرزاد والله غير انتي والام تيعك وكثير من الجزائريات راكم تحييوا في تقاليد بلادنا راهي راح تنقرض الله يهنيكم والمطلوع تع حراير باين من الصورة🌹
السلام عليكم اختي ميرازاد الله يبارك راكي فحلة وناشطة في كلش انتي وامك مي ملاحضة برك نقي الاماكن لي قريبة لداركم ونضفيهم مليح من الاوساخ ولقرع مكان تاعكم قمة الروعة في طبيعة مي نقيها شوي من الاوساخ لي متلايمة بحذا روزورفوار وين طيبو واسمحلي وربي يوفقكم
اختي ميرا زاد نتمنى لك كل النجاح واتمنى ان يرزقني الله بقطع ارض لنغرس فيها الفواكه والخضروات ادعي لي ربي يرزقني بقطعه
ولا اروع ان الانسان يعيش في تناغم مع الطبيعة الله يحفظك انت والام ديالك
الله يبارك فيكم خاوتي لفحولة و ربي يوفقكم يا الماجدات يا حرائر الجزائر
ربي يعاونك وانت اول وحدة نعاونها من قلبي
خصنا لايف من السبعة تاع الصباح حتى لل 10 تاع الليل 🤣🤣🥰
ما في نهر في منطقتكم
الله يعطيكي العافية ويقويكي ربي ويحفظ لك والديك
ايه يامرمورة خلصتي الصيام وراكي تضربي في لفراز طيحتيلي ريوقي وانا مزالت صايمة أممممممم😍😍🌹🌷🌺🌸🏵️🌻🌼💐 🍓🍓🍓🍓 بوسيلي الوالدة الغالية 🧕🧕🧕🥀
في كل الخضار والفواكه ضع قطرات من الخل في الماء وتركيها تم شليها بالماء
لي تفوت منا ارفدي يدك وادعي لي ربي نتخطب هاد الشهر ورمضان الجاي نكون فداري ولي رفدت يدها دعاتلي ربي يرزقك فرحة تنسيك في كل شي💍💍💍
حفظك الله ورعاك ومن حوض النبي سقاك وبالجنة اواك وللخير سهل لك مبتغاك وانار الله دربك بالايمان ورزقك الله الجنه بغير حساب ولا سابق عذاب
ربي يرزقك برنوس الستر ويجيك ولد الحلال لي يبغيك ويحطك بين عينيه
ميتين على زواج بخصتو بروحكم
ربي يرزقك بولد لحلال عاجلا غير آجل
ربي يرزقك برنوس الستر ووليد الحلال لي يفرحك ويسونك
السلام عليكم ورحمة الله وبركاته. الله الله عليك يابنت البرية كل صبع بصنعة الله يحفظك ويحفضلك اللميمة لعزيزة. المزيد انشاء الله
ليطمئن قلبك : كل ماتريد وتتمنى آت إليك ، قد يتأخر وقد يتبدل لكن تأكد أن الله سيغمرك بما هو أجمل 💛🌹.
اللهم صل وسلم وبارك على سيدنا محمد وعلى آله وصحبه أجمعين
والله ماعلاباليش علاه كي نشوف لي فيديو تاعك نحس براحة نفسية ☺️ بلاك الحنين إلى الوطن الأم مغلطتش كي سميت القناة تاعك عروس القنوات الجزائرية هادي فروطوار مولاي😆
هذه اول مرة اطلع علي القناة ربي يبارك و يستر و يحفظ من العين ماشاء الله
اختي لازم تسقي يا اما في الصباح او في المساء عند غروب الشمس وزيدي سقسي
نورمالمو الورد هكذا كما قلت بصح الغرس نورمال يما كانت تسقي صباح او القايلة وحتى عجوزتي ربي يرحمها نفس الشي
@@أملالجزائرية-ي9ي ربما و لعلى وعسى
واذا كانت المنطقة الزراعية بعيدة عن بيتها تسقي في المغرب حتى ضلم عليها
سخفتيني لهدي المعيشة والله ربي ينجحك ويعطيك واش تتمناي بنتي
مطلوع هايل شفتو البارح وعملت مثلوا خرجلي روع احنا في باتنة منقولوش المطلوع وانما نقولوا كسرة الخميرة شكرا لك وموفق ان شاء الله
وينك نجي نسكن حداك نموت على هد لمعيشة كلشي طبيعي سلامي الامك الطيبة ❤❤❤❤❤❤❤❤❤❤❤❤❤❤
والله اختي شفت الفيديو وانا صايمة وعندي الفطور تشهيت لمطلوع والشكشوكة طيبها وطلعت المطلوع يعطيك الصحة
الله يجزاك خير يا حور شكون لي يفوتك الفديو كما هد وله الخير تع مطلوع ما نفوتها 👍🇩🇿
بصحتكم والله عيشة تهبل البساطة والجمال و الراحة والصحة
من عادتي منديرش التعليقات لكن الفيديوهات تاعك حاجة فريدة من نوعها كملي راكي درتي حاجة جديدة في اليوتيوب تاع الطبخ و الحياة البسيطة. بالتوفيق انشاء الله. ماشاء الله و ربي ايعونك. كملي كل التشجيع مني.
مشاء الله شهيتينا ربي يدومها نعمة ويحفضلك من الزوال يارب
اجمل يوتيوبورز شفتها فكرتني بخوال راجلي وآلله والله عجبتيني
ربي يوفقك
المطلوع عمرو ولا يجي يابس يجي متلووووق بزاااااف تجي عندنا تهبلي فيه
معليش اختي تعطينا طريقتك في المطلوع
@@kenzadidou1390 اسهل شيء حطي سميد و خميرة و ما ء دافي و ابداي بالشوي دلك دلك واضيفي الماء حتى تطرى عجينتك لاتكون يابسة واخبزيها و خليها تخمر وسخني طاجين جيداااااا و طيبيه المهم الدلك و السميد نوعية جيده فيه العلك فقط
@@سهامسهام-ث5ت شكرااااا اختي
ربي يبارك و يحفظ الوالدين انتاعك نعمة التربية و الاخلاق اللهم ارزقها ما نتمنى
اخطينا مالمسابقات والله غير تكسار الراس ومشاكل
هي تقولك عاونوني بيها وراني نتعب وهي تقولها تكسار راس
بصحتك اختي العزيزة خدمتكم والله ماهي ساهلة من كثرة تعب تجوعي بسيف يكون في عونكم
انا بانتلي هاد الشكشوكة خضرة خلاص والجلبانة ماشي طايبة
حتى انا
نفس الملاحظة🤔🤔🤔
الخضرة تاع البحيرة تجي طرية تمتم تطيب تبان برك مازالت خضرة
@@nuzlugmcesuk8488 لالا حبيبتي عيشت بكري فالدوار يكدب عليك الجلبانة لازملها طياب
@@louasandi1676 قولنا خضرة فرق بين طايبة مليح وخضرة ومقرمشة .
بصحتكم الله يحفظك يا اختي العزيزه اشكرك على هذا المجهود الكبير الله عليك وعلى هذك الطبيعه باصحتكم
ما شاء الله ؛ اللهم حقق الامال و بركة الاموال واصرف عنهم الاضرار و الآلام .
امين ربى يحفضك
المرأة الجزائرية الفحلة بارك الله فيك
ماشاء الله عليك متواضعه عفويه مراكيش منعومه زي البنات خرين ماراكيش نتع تيكتوك ربي يحفضك ويخليلك أمك وباباك لي رباوك أحسن تربيه ياو تعلمو منها يابنات تيكتوك
انشاء الله
3andk ha9
نوصلوها للمليون ماشي ل100 الف تستاهل
Bonjour allahibarek tres beau votre jardin la tèrre de votre jardin et tres belle merci pour vos partage bisous a deux
تمنيت كان جيت ساكنة قدامكم و تعطيلي من هاد الخير نتاع ربي والله الله يبارك ربي يباركلم فيه
يا اختي ميرا نحي شويا لبوط هذاك سخون لبسي بالغينة تاع نيلو خفيفة لبوط تاع الثلج ولغرڨة. واسمحيلي.
تخافي لحنوشة والشوك هك آمنة خير
@@luxedicer9925 هكاك أفار متولهتش
الله يبارك مثال المراءة الحرةالفخورة بحياتها وانا افتخرك بيك بنت بلادي واصلي أن شاء الله يعطيك ربي ما تتمناي،💕💕💕💝💝💝👍👍👍🇩🇿🇩🇿🇩🇿🙋🙋❤️❤️💐💐
الله يبارك يعطيك الصحة حبيبتي ميرزاد نحب وصفاتك يابنت ولايتي الفحلة 😘
الله الله الخضرة طبيعية وتبان تشهي مكاش كما هد المعيشة والله هوا نقي وكلش طبيعي
والله سخفتيني فالروتين تاعك نموت عليها وبصحتك الاكل الطبيعي وربي يرزقك ويرزقنا ام آدم من قسنطينة
باسم الله ما شاء الله تبارك الرحمان عليك وعلى الطبيعة الخلابة
اللهم صل وسلم على نبينا محمد وعلى آله وصحبه أجمعين
ربي يفتحها عليك من ابوابو الواسعة ويعطيك على حساب نيتك ومجهودك انت مثال للمراة المكافحة الاصيلة بدون بروتوكولات ولا ادوات عصرية مثال للبساطة تستحقين كل الدعم والتشجيع ربي يحققلك كل امنياتك
ههههههههههه بالعقل برك زيد تحصلك في حلقك بصحتكم ربي يستر جميع الامهات يارب العالمين والامهات لي ميتين ربي يرحمهم ويجعلهم في جنة الفردوس الاعلى يارب .
ههههه
الله يسعدها الشيخة ويحفظها ويقويها
ياختي ميرا حبسي هاذ المسابقات غير تكسار الراس اخدمي على قناتك هذوك الدقائق لي ضيعيهم فلمسابة نصنا راه يجوزهم وطولينا فلفيديو تاع الطبيعة
مشاء الله عليك الأخت
اجواء جميلة والمطلوع يشهي💖💖
يعطيك الصحة بنتي بمجرد زدتي المغرف تاع الزيت للمطلوع عرفتك فحلة ربي يبارك فيك ويحفظك
بصحتكمي حطي في صحنك وكولي بالشفاء اما نفس المقله تاكل فيها وباباك وعايلتك مازال ماكلاوش
السلام عليكم ورحمة الله وبركاته أختي أنا جديدة في قناتك والله ماشاء الله تذكرينني بأيام زمان عندما كنت صغيرة وأعيش ببابور بولاية سطيف كنت أعيش مثلك والآن أعيش بفرنسا واشتقت كثيرا لهذه المعيشة ولكن الحمد لله
عجبتني لبلاصة لي راكي فيها وراكي غارسة كلش لخضرة عندك ناتيرال. الله يبارك. تستاهلي كل الدعم. فحلة
ماشاء لله أريد المشاركة في السابقة قاسم نوارة من ولاية ميلةولله تعجبني كامل الوصفات تاعك كملي هاكا
صحه عيدك وتعاوديه بالخير نصيحه مني اخطيك من هذوك المسابقات الي يحبك ويتبع قناتك والي يحب المال يتبع المال قدمينا الجديد باش مانكرهوش وربي يرزقك من اخلاصك في عملك لمعجبيك وخذي العبره من ام وليد الصبر في العمل احسن من. المال السريع وفقدان الثقه من محبيك وشكرا
ربي يحفضك او يسترك خموس عليك ماشاء الله
الرسول عليه الصلاة و السلام اوصانا نقولوا بسم الله قبل البدء و الاكل بثلاث اصابع اليد
كل شاء الله وتبارك الرحمن ربنا يوفقك
ديما نشارك وعمري مانجحت نكثر غير في تكسار الدماغ على قنوات مغربية لوكان غير جاو قنوات جزائرية على الاقل بنات بلادي المهم ربي ديرلك القسم ويشاركو فالمسابقة ويعاونوك تستاهلي باسكو تتعبي خاصة ماماك ربي يعطيها صحتها ويحفضها
فاصي جدهم. انا جربت شاركت واحد المرة مصح شطارت صاحبة القناة ندخل عندهم نتفرج ونعلق قلت عادي اني قاعد اسهل شيء نديرو في حياتي ييييايما كي دخلت اول قناة حملت الثانية طلعت مغربية ماتجي تقول حرف حتى نموت كرهتلي حياتي خرجت روحت الغيت الاشتراكات كامل وتهنيت
@@لاأرافقالشراشيح كايكونو دخلو فلوصفة حتى قلبك يخرج مستحيل نرجع نشارك في مسابقة تكسار الراس برك ومبعد فلاخر مانشفوش حتى سحب
كفاش نشارك وين نكتب اسو والقب
@@sosomalak4642 روحي للفيديو الي اعلنت فيه باه دير المسابقة راكي تلقايه في صندوق الوصف
@@لاأرافقالشراشيح ههههههههههههه قتلتيني ضحك والله عندك حق