Сурхондарёда 508 нафар шахсларга маъмурий назорат ўрнатилган

Ҳисоботларга кўра, 2023 йилда Сурхондарё вилоят суди жиноят ишлари бўйича туман (шаҳар) судлари томонидан маъмурий назорат ўрнатиш билан боғлиқ жами 513 та материал кўрилган бўлиб, шундан 508 таси қаноатлантирилган, 3 та материал рад қилинган ва 2 таси кўрмасдан қайтарилган.
Бу ҳақда Сурхондарё вилояти Ахборот ва оммавий коммуникациялар бошқармасида бўлиб ўтган Брифингда Сурхондарё вилоят суди Жамоатчилик ва оммавий ахборот воситалари билан алоқалар бўйича бош консультанти Асқар Қудратов маълум қилди.