تجنيد زعيم كوريا الشمالية ضد الصين
Вставка
- Опубліковано 10 лют 2025
- لينك قناة حياة بوك
/ hayahbook
حلقات مقترحة
مصر وحرب تايوان
• مصر وحرب تايوان
أوروبا عطشانه
• جفاف أنهار أوروبا وغرق...
خيانة عظمى
• أمريكا تتعرض لخيانة أه...
هزيمة بوتن
• فضيحة بوتن بعد ضرب قاع...
اليومين اللى فاتو زعيم كوريا الشمالية واللى اسمه كيم كونج أون.. كان لسه خارج من دور كورونا شديد كاد أن يودى بحياته.. لولا الرعاية الطبية اللى وفرتهاله الصين.. وكان موضوع اصابته بكورونا ده رابك المسؤولين فى كوريا الشمالية لدرجة ان تجاربهم الصاروخية وقفت بتاع أسبوعين.. فين على ما ربنا تم شفاه وظهر فى مؤتمر جماهيرى.. أخته كيم يو جونغ.. هى اللى اتكلمت فيه وطمنت الشعب الكورى على صحة زعيمه.. خلى بالك من أخته دى علشان هى اللى تقريبا بتحكم كوريا الشمالية بعد أخوها.. وبقولك ايه.. عنيفه جدا.. لدرجة انهم بيوصفوها فى الغرب.. بإيفانكا ترامب.. بنت دونالد ترامب.. ده على اعتبار يعنى ان ايفانكا ترامب خلال رئاسة أبوها لأمريكا.. كانت تقريبا هى اللى بتعمل كل حاجه.. كانت تقريبا هى اللى بتحكم..
المهم.. المخابرات الأمريكية استغلت مرض زعيم كوريا الشمالية.. وبدأت تستغل أراضى كوريا الجنوبية علشان يمرروا منشورات لكوريا الشمالية عن طريق الحدود.. طبعا المنشورات دى كان الهدف منها هو إثارة الرأى العام ضد زعيم كوريا الشمالية.. ورغم محاولات السلطات هناك انها تمنع تهريب المنشورات دى.. إلا إنها مجبتش نتيجة وفضلت المنشورات تدخل كوريا الشمالية.. لكن بعدها طلعت كيم يو جونغ أخت زعيم كوريا الشمالية طرقعت لرئيس كوريا الجنوبية.. تصريحاتها عنيفه جدا لدرجة انها بتشمته عادى.. فما كان من رئيس كوريا الجنوبية.. وخد بالك بقى من اللقطة دى.. إلا إنه طلع عرض على كوريا الشمالية انه يوفرلها الدعم المالى اللى محتاجينه علشان يبنوا مستشفيات ومدارس ويطوروا البنية التحتية الخاصة بالنقل.. وغيرها من كل أنواع الدعم اللى محتاجله شعب كوريا الشمالية علشان حياته تبقى أحسن.. لدرجة انهم عرضو على كوريا الشمالية معونات غذائية.. حتى الأكل عرضوه عليهم.. ده غير مشاريع بنية تحتية ممكن تقوى علاقة شعب كوريا الشمالية بزعيمه.. وبالتالى استمراره فى السلطة هو وأسرته يستمر لمدة أطول برضا الشعب بدل سطوة الحديد والنار.. بالبلدى كده أمريكا عرضت على كوريا الشمالية رشوة عن طريق كوريا الجنوبية.. لأن ببساطة كوريا الجنوبية لم تكن تجرؤ انها تعرض عرض زى ده بدون مراجعة أمريكا.. والأهم انها متقدرش تتحمل تكاليف الرشوة دى.. دى رشوة بمليارات الدولارات.. هتبنى كوريا الشمالية من جديد..
لكن هنا سؤال مهم.. هى كوريا الجنوبية لما عرضت العرض ده كان مقابل ايه؟.. أقولك الله ينور عليك.. كان مقابل ان كوريا الشمالية تتخلى عن سلاحها النووى.. عارف سيدى المواطن كوريا الشمالية ردت على العرض ده بإيه؟.. ضربت بحر اليابان بالصواريخ.. ولما الدنيا اتقلبت ردت كوريا الشمالية وقالت فى ايه يا جماعه.. كنا بنجرب صواريخ جديدة..
مش بس كده.. ده الأخطر ان كوريا الشمالية طورت صواريخها النووية وأعلنت انها هتنفذ تجربة إطلاق الصواريخ النووية اللى طورتها دى خلال الأيام الجاية.. تقوم أمريكا تعمل ايه؟.. تقوم تكشف عن أحدث نسخة من أخطر صواريخها الباليستية مينيت مان 3.. واللى بيقدر يشيل 3 رؤوس نووية.. قال يعنى رأس نووى واحد مش كفاية.. وبيقدر يخترق الغلاف الجوى.. ويضرب أهداف على بعد آلاف الكيلو مترات..
هل اكتفت أمريكا بكده؟.. الإجابة طبعا لأ.. عملت مناورات تمهيدية بالذخيرة الحيه مع كوريا الجنوبية واليابان اليومين اللى فاتو.. طيب ايه أهمية المناورات دى يا فندم؟.. رد الجيش الأمريكي وقالك هندرب اليابان وكوريا الجنوبية على التصدى للصواريخ الباليستية اللى طورتها كوريا الشمالية الأيام اللى فاتت.. طبعا مقالوش كوريا الشمالية بالاسم.. لكن الموضوع مش محتاج انهم يذكروها بالاسم.. وهقولك ليه دلوقتى.. حضرتك تقولى هو انت ليه قولت انها مناورات تمهيدية؟.. أقولك لأن أمريكا واليابان وكوريا الجنوبية خلال الأيام الجاية.. هينفذوا واحده من أكبر المناورات الحربية بينهم باستخدام الذخيرة الحية.. مناورات بيوصفها الإعلام الغربى بإنها محصلتش بين الـ 3 دول على مدار الخمس سنين اللى فاتو.. لكن مش ده المهم.. اللى يهمك هنا ان أمريكا سمت المناورات دى باسم Ulchi Freedom Shield.. حضرتك تقولى طيب وايه المشكلة؟.. أقولك المشكلة ان Ulchi ده اللى المناورات متسمية باسمه.. كان واحد من أخطر الجنرالات الكوريين اللى ادو الصين على دماغها فى القرن السابع.. ودى رسالة أى طفل فى شوارع الصين أو كوريا الشمالية يقدر يفهمها.. وهى ان المناورات دى معمولة مخصوص للتدريب على غزو الصين وكوريا الشمالية.. طيب هل احنا اللى بنقول الكلام ده؟.. أقولك بالعكس.. دى كوريا الشمالية هى اللى قالت ان المناورات دى تدريب على الغزو مش مجرد مناورات دفاعية زى ما الجيش الأمريكي بيقول لوسائل الإعلام..
عاوزك بقى سيدى المواطن الجميل.. ذى الحرس المرهف.. تضيف على كل اللى حكيتهولك ده.. استقبال روسيا خلال الأيام اللى فاتت.. قوات من الصين والهند وبيلاروسيا ومنغوليا وطاجيكستان.. رايحين روسيا يعملوا ايه؟.. المعلن انهم رايحين يشاركوا فى مناورات عسكرية اسمها فوستوك.. لكن حضرتك سيدى المواطن بخبرتك العسكرية العظيمة أكيد عارف ان الموضوع مش مجرد مناورات.. خصوصا وان استهداف القوات الخاصة الأمريكية والأوكرانية وقوات حلف الناتو للأهداف الروسية.. تجاوز الأراضى الأوكرانية وشبه جزيرة القرم ووصل للأراضى الروسية نفسها..
من المصادر
bit.ly/3wh5WL6
bit.ly/3pxtFTm
bbc.in/3PDXIUb
bit.ly/3wi6vnH
on.wsj.com/3T2...
on.wsj.com/3A9...
bit.ly/3A9SBoX
#المواطن_سعيد #الصين_تايوان
تفتكر الحرب قربت ولا هتخلص ودى ؟
تحياتي لك احمد بيه سعيد ونتمني اعداد المزيد من الحلقات عن حرب الجواسيس والمخابرات أثناء الحرب العالمية...تحيا مصر 🇪🇬❤🇪🇬
الحرب قربت وهتكون مدمرة
بحبك اوي يا ابو حميد
هو انته منزل ليه صوره السيسي مع الناس دي المفروض واولي الفريق سعد الشاذلي الله يرحمه لانه هو اساس الفكره الناس دي وطنيه صح لاباعت ارض ولافرطت في حبه رمل من ارض مصر
فربت
الله
انا عراقي وافتخر ولكن احب مصر 🇮🇶 🇪🇬
يا تارك الصلاة لا تترك صلاتك لأن فى ملايين فى القبور يتمنون لو عادو للحياة ليسجدو لله فأغتنم حياتك قبل موتك واعرف ان اصعب حاجة فى امتحان الدنيا ان ورقته بتتشد مرة واحدة
تحيه من كوريا الشماليه لمصر الشقيقه❤
قل لا إله إلا الله محمد رسول الله صلى الله عليه وسلم
أفضل الأعمال الصلاة على محمد وآل محمد الطيبين الطاهرين وعجل الله فرجهم ياكريم.
٧٥
الواحد سعيد ان المواطن سعيد بينزل حلقة كل يوم او يومين دلوقتي … استمر 👍🏻
لازم ينزل مش شايف العالم بيولع ازى
يارب يستمر علي كدا
انت بتشرح شرح جميل يا استاذ سعيد شكرا لحضرتك
انا لست مواطن مصري لكني معجب بماذا اخلاصك لوطنك، لك احتراماتي لك يا مواطن سعيد
انا ذاد أقتناعى بعبقرية الرئيس السادات و الفريق الشازلى رحمت الله عليهم و على كل شهداء الوطن . اللهم أرزقنا بعبقرى ينقذ مصر من مصيبة سد الخراب .
ربنا يحفظ مصر وسار بلاد المسلمين أللهم امين يارب العالمين وصلى الله عليه وسلم
🇰🇵احيي مصر من كوريا الشمالية
مبين انك ب كوريا 😂
ربنا موجود. وفيما اظنه لايستجيب يرتب لي أمرا عجيب
صلوا على الحبيب محمد صلى الله عليه وسلم
يارب احسن ختامنا جميعا عقيدة الجيش المصري هي احدي الحسنيين النصر او الشهاده
عقيده مين والطيارين مش مصريين
قناة حياة بوك قناة رائعة و أغلب القنواة المصرية تقدم محتوى راقي في مختلف المجالات
كيم كينج حبيب المصريين وكوريا الشمالية حليف قوى ونحترم جهودة ف كوريا عقبالنا نحقق اكتفاء ذاتى
يا مزبلة لا تحب زعيم كوريا يا غبي لأنه يعذب شعبه. ثانيا ليس حليف كوريا بل مجرد مصالح فقط
فى نفس الوقت نسال الله انه يسترها على مصر ويعدلها بعدله وحكمته ونكون بعيد عن نارهم يارب
شكرا على ان انت رشحتلنا القناة "حياة بوك" . من فترة كنت بدور على قناة تقدم محتوى تاريخي
مش دا اللي رشح قناه حياه بوك
دا الاستاذ محمد ممدوح اللي اعلن عنها
اللهم على شأن مصر واحفظها وانصرها وأهلها وجيشها وسماءها وارضها وصل الله وسلم على سيدنا محمد وعلى آله وصحبه أجمعين
في هذه الصيغة صلي وليس صل
ربنا ينصر مصر والجيش المصري
اهلا اهلا..
الرعايه وصلولك..؟
يا رب اكون شرحتلك الموضوع بشكل مبسط ويارب انصر مصر يا رب.. 🤲🏽
كوريا الشمالية الهة مواقف حلوة مع مصر وبشهادة القادة المصريين
ياسلام عليك شكرا لك على كل ماتفيدنا به من معلومات. محبك من السعودية 🇸🇦
حلقة مرعبة جدا .. اسأل الله ان يلطف بنا ..
قناتك وحياة بوك أحسن القنوات المصرية على يوتيوب
اللهم إني أسألك حسن الخاتمه يارب العالمين
تحياتي لك احمد بيه سعيد ونتمني اعداد المزيد من الحلقات عن حرب الجواسيس والمخابرات أثناء الحرب العالمية...تحيا مصر 🇪🇬❤🇪🇬
قله ياريت يعملنا حلقه عن القطار السريع الي تكلفته ١٧ مليار دولار علي ١٥ سنه محتاج يعمل كام رحله في اليوم من سفاجا للعلمين وكام سعر الرحله
ياريت يعمل حلقه عن المستشار عمرو الشاهد وازاي برغم كمية الفساد اللي موجوده.. بلدنا لسه بتتقدم
بجد انا مبسوط علشان جالك رعاة علشان انت انسان محترم بالتوفيق والتقدم
من صعيد مصر/الى المواطن سعيد
انا بحاول ادعمك بجد وبحق لانى بعشق التاريخ وكل محتوى ومستوى حلاقاتك بجد
فبحاول ان ادعمك بطريقة ستراها انت بعينك
اخر شهر ٩ سترى شى يسعدك
سيدى المواطن
سعيد
ايها المواطن سعيد الصديق العزيز
اشكرك على تكثيف جهودك
و زيادة عدد الحلقات كما طلبنا من قبل ،🙏🏻💙💙
انا متابع حضرتك بقالي كتير وبحب فيديوهاتك جداً بتشرح بشكل مُبسط و بالمصادر يفهم الصغير قبل الكبير♥️
واتمني تتكلم ف فيديو عن مجموعة الBRICS
تحيا مصر امه عظمي بين الامم وعاش جيشها العظيم خير اجناد الارض ❤ .
اللَّهُمَّ صَلِّ عَلَى سَيِّدِنَا مُحَمَّدٍ نُورِ الْأَنْوَارِ وَسِرِّ الْأَسْرَارِ وَسَيِّدِ الْأَبْرَارِ، وَزَيْنِ الُمرْسَلِينَ الْأَخْيَارِ وَأَكْرَمِ مَنْ أَظْلَمَ عَلَيْهِ اللَّيْلُ وَأَشْرَقَ عَلَيْهِ النَّهَارُ، وَعَدَدَ مَا نَزَلَ مِنْ أَوَّلِ الدُّنْيَا إِلَى آخِرِهَا مِنْ قَطْرِ الْأَمْطَارِ ،وَعَدَدَ مَا نَبَتَ مِنْ أَوَّلِ الدُّنْيَا إِلَى آخِرِهَا مِنَ النَّبَاتِ وَالْأَشْجَارِ صَلَاةً دَائِمَةً بِدَوَامِ مُلْكِ اللَّـهِ الْوَاحِدِ الْقَهَّارِ. 🧡 🕋🕌
اللهم صل وسلم على سيدنا محمد الفاتح لما اغلق والخاتم لما سبق ناصر الحق بالحق والهادي الى صراطك المستقيم وعلى اله حق قدره ومقداره العظيم🇾🇪🇾🇪🇾🇪🇾🇪 i
بس بيقول ان الطيارين كانو كوريين والعظمى في الموضوع
افضل برنامج الواحد يتابعه بصراحه
حلقة رائعة مثل العادة و شكرا على بذل جهد اكبر من أجل نشر فيديوهات اكثر😍😍
ال بيحصل دة رسالة لينا إحنا كعرب أن لازم نعتمد علي نفسنا كدول وكافراد
اللى يتابعك لازم يكون اصلا من متابعين قناة حياه بوك نفس النوعيه المحترمه والمدروسه بعنايه والمفيده انا مدمنه للقنوات الهادفه
اشكرك على مجهودك الرائع والمميز وتحيا مصر تحيا مصر تحيا مصر تحيا مصر تحيا مصر
تسلم ا. سعيد ربنا ينور بصيرتك ويزيدك نور وعلم
السلام عليكم حقيقه انت انسان واعي وفاهم لما تنشر وكل معلوماتك صحيحه اتمنى لك التوفيق
اللهم احفظ مصر واهلها وجيشها وشعبها العظيم من كل سوء يارب
اللهم اضرب الظالمين بالظالمين
وأخرجنا من بينهم سالمين غانمين
تحيا مصر وعاشت مصر حره
حفظ الله مصر وشعبها وجيشها وقيادتها .شكرا علي تحليلك الممتاز
وياريت حلقه كل يوم عن جميع أحوال العالم اول باول..واخر تطورات الجيوش واستعدادهم لحرب عالميه ثالثه...
صحيح دى فعلا مشاهده ممتعة بعد كل اللى جاى . ربنا يستر.
تحيا مصر تحيا مصر تحيا مصر وتحيا رجالها الشرفاء ورئيسها وجيشها وشرطتها يارب العالمين
يا استاذ سعيد هذه هي السياسة الخارجية مافي ضمانات لاي شيء
كل يوم تأتي الأحداث بمتغيرات جديدة
عدو الامس قد يصبح حليف اليوم
سبحان الله
انا من اشد المعجبين بكوريا الشماليه والصين وروسيا وبعد سماعي للقصه هذه زاد اعجابي بكوريا الشماليه
يا مزبلة كيف تحب كوريا الثي تعذب شعبها يا مزبلة
@@kiritokami5128باين عميل و عبد امريكي و أوربي و متاثر فيها روح شوفك شرفك الآن 😂😂😂
طريقة سردك مختلفه تماما عن أي احد اخر متميزه وممتازه ربنا يوفقك 🌹🌹🌹🌹
من افضل القنوات التي تقدم مادة علمية رائعة و شيقة في نفس الوقت...تحياتي لكل فريق العمل
صلو على النبي عليه افضل صلاه وسلام
تنفّسْ ب لا إله إلا الله
وعاتبْ نفسكَ بـ استغفر الله
وتألّمْ بـ الحمد لله
وتعجّبْ بـ سبحان الله
وافرحْ بالصلاة على رسول الله
واحزنْ بـ إنّا لله وانا إليه راجعون
واكسرْ سُمَّ عينكَ بـ ما شاء الله تبارك الله
وابدأْ بـ بسم الله
واختمْ بـ الحمد لله...........
اللهم احفظنا بحفظك..تحيا مصر
اللهم انصر اخواننا في فلسطين 🇵🇸 مصري اصيل
من فضلكم صلوا على الحبيب النبي سيدنا ونبينا وحبيبنا محمد صلى الله عليه وسلم
اللهم اضرب الظالمين بالظالمين واخرجنا من بينهم سالمين غانمين
حضرتك أحسنت النشر والشرح والقول والتحليل شكرا لحضرتك
أرجوك عايزين حلقة عن الاقتصاد المصري في الوقت الحالي وهل فعلا أحنا دخلين علي أزمة اقتصادية طاحنة
المعلم سيساوي انسي
احنا دخلناها خلاص
انا قادم إليك من سنه ٢٠٢٤ 😂😂😂
وعايشين ايام مايعلم بها إلا الله
ضروري واحد مصري يزور كوريا الشماليه في اقرب وقت لانه زياره سريه وغير معلنه
حياة بوك من اجمل القنوات اللي بتابعها
تحيا مصر و الكورية وروسيا والصين
ممتاز مع مرتبة الشرف...بارك الله فيك
حياة بوك من افضل بل افضل القنوات على اليوتيوب
احييك ع حياه بوك .. انا متابع ليهم من زمان .. من ساعه ما قناه سامري اعلنت عنهم
ودايما متالق بالتوفيق
كلنا متابعين من زمان
ياحمد بيه انا هقولك دلوقت وعلي الملاء واحد من اهم اسرار حياتي.....انا لا اؤمن بالخوف تماما وفي حياتي كلها اللي داخله اهي علي ٤٠ ربيع مرتين فقط اللي حقيقي جربت فيهم احساس الخوف وبجد رغم ان اهم درس كنت ومازلت بعلمه للشباب هو ان مافيش حاجه اسمها خوف الخوف ده وهم بنخلقه في عقولنا( بعلمهم مهارات البيع) ولكن دي المره التالته وبجد اللي ينتابني احساس الخوف....رغم ان مازلت مؤمن ان
FEAR is False Emotion Appears Real.
ولكن وللاسف انا حقيقي شعرت بيه لتالت مره دلوقت.......ربنا يستر
سبحان الله وبحمده عدد خلقه ورضا نفسه وزنة عرشه ومداد كلماته (3) مرات🌹
اللهم اضرب الظالمين بالظالمين واخرجنا منهم سالمين امنين
تبارك الرحمن لك يا احمد مواضيعك ممتازه الله يبارك لك
بسم الله الرحمن الرحيم
ظهر الفساد في البر والبحر بما كسبت ايدي الناس ليذيقهم بعض الذي عملوا لعلهم يرجعون .
صدق الله العظيم
شكراً لتقديم قناة ـ حياة بوك ـ
تم الإشتراك ❣️
اذكروالله وصلو على النبى اللهم صلى وسلم على نبينا محمد
الله يبشرك بكل خير القادم اسوا بكثير
والله كلام كبير .
تسلم ايدك يا معلم 🌹
اللهم صل وسلم وبارك علي سيدنا محمد وعلي اله وصحبه وسلم تسليما كثيرا ❤️❤️❤️❤️❤️
كل التقدير لموقف كوريا الشمالية المشرف
هتابعها عشان انت قلت تابعها انت اليوتيوبر المفضل والوحيد اللى بستنى حلقتك دايما
صلو على رسول الله..
من اقوى القنوات ربنايوفقك🇩🇿👍👏
اقسم بربي انا مش بسمع حد ع اليوتيوب والسوشيال ، غير المواطن سعيد ، وحياه بوك ، افضل قناتين بيصدره محتوي محترم للمثقفين بس ، بحيكم 🤍🇪🇬
انا مع كوريا شمالية بصراحة 🇪🇬🇰🇵❤🧡 الي معي يحط ليك
كوريا الشمالية متستهلش هي صحيح دعمتك لكن إيران بتدعم فلسطين هل إحنا أصدقاء إيران ؟
كوريا الشمالية دولة إستبدادية جدا وحاربت كوريا الجنوبية وكانت عايزة تحتلها مش تتوحد معاها لا تحتلها طبعا الحكومة مش الشعب
العالم واخدنا ورايح ع فين ربنا يرحمنه برحمته الواسعه
صحيح حياة بوك قناة رائعة.
يارب يطحنوا بعض ومصر تستكفى ذاتيا
العالم ذاهب الي محرقه لا محاله يارب احفظ البلاد والعباد
عندك حق اناعايش فى روسيا وقريب من الحدود بين روسيا و اوكرانيا انهارده نزل عندنا صاروخين
والله انتا بجد انسان محترم و عندك معلومات بسم الله مشاء الله عليك
راااااائع كالعادة ♥️
ألف شكر على الحلقه وتحيا مصر تحيا مصر تحيا الدول العربية
افضل قناة تديك محتوي علي الي بيحصل حواليك بكل دقة وتفاصيل بجد كل التحية والشكر علي المجهود الجبار والمعلومات الرائعة تستحق المليون ❤️💚
أنا لله وانا اليه راجعون . لاحول ولاقوة إلا بالله العلي العظيم
والله عسل انا بعزك
سيدي المواطن اتمنالك نهايه ممتعه
اللهم انك عفوا كريم تحب العفو فاعف عنا صح أمريكا كانت ضضينا في الحرب🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬
حلقة رائعة كالعادة... ربنا يجازيك خير... وربنا يرحم سعد الشاذلي ويتجاوز عن سيئاته ويجعلها في ميزان حسناته...
استاذ اقسم بالله العظيم انت بقيت ادمان تحياتي لك ولسردك لي الأحداث بكل سهولة واحترام
واحنا نحترم اي دوله وقفت جنب مصر في ظهر مصر ونقف في ظهرها في اي وقت من الاوقات
ي ابني انت اسطوره السرد💚🤝🏽
انت انسان محترم وتلقي بسلاسة واتقان استمر
اللهم اضرب الظالمين ب الظالمين واخرجنا من بينهم سالمين اللهم امين
الظالمين هم من ينتجو غذاءنا ودواءنا
السهل الممتنع ..حلقة اكثر من رائعة..شكرا
تحيا مصر تحيا سوريا تحيا كورية الشمالية وروسيا والصين
المواطن سعيد متابعينك من العراق نريد تعمل فيديو عن ثورة تشرين لانو اعضم ثورة في تاريخ العراق تحياتي لحضرتك 💖
فكرة ممتازة