XA CHEGOU A PRIMAVERA Á GROBA.A vida nas pozas da Groba (I)

Temos nas pozas da Groba moita vida que comeza a bulir. Moitos pequenos seres que teñen unha grande importancia nos ecosisitemas naturais da nosa serra.
Agora mesmo temos os cágados, cagulos ou cullarapos do sapo de esporóns Pelobates cultripes, unha primeira quenda xa moi avanzada na súa metaformose, lista para en poucos días comezar a mudar en pequenos sapiños, que deixarán as pozas para ir a refuxiarse baixo as pedras e o mato. Tamén podemos ver outras larvas de insectos que nadan entres o cágados.