قصيدة الشاعر | زعيم سالم الشعري في حفل زواج خلف سلطان الشعري - مونتاج : عبدالرحمن العضيله
Вставка
- Опубліковано 5 лют 2025
- D6.305
بين توديع الغروب و بين تقبيل الشروق
ابتدا ماطر خيالي و الله الله ي الخيال
جاني الهاجس يلاوح مثل لواح البروق
ثم دندن لي رعدها ماخذيت الا الجزال
ايه ي تركي تحيزم و المسافه ماتعوق
وانهم اللي لازهمته يبري كبود الرجال
جيب لكزز لازهمته كانه حصانن سبوق
دق سلفه ثم عطه النار ياقرم العيال
نحره شيخ المراجل هامته دايم تفوق
ايه سلطان المسمى وارد العد الزلال
في محله مرحبا واعداد نضاح العروق
مرحبا باسم الشعوره ياكريمين السبال
مرحبا في مرحبا ولكم الطالات شوق
ياهلا يامسهلا والكيف في صفر الدلال
مرحبا في حفل نجله والمراجل له تلوق
ايه باقف في محله وقفه تهد الجبال
ذا خلف سلطان لامن جات زرقات الحلوق
فعل جده لاذكرته يسند الجرف الهيال
يوم ابوه بوسط بيره يروي بكارن ونوق
ارتكا للمعضلات من البكار من الحلال
حي طاريهم ايوالله ربعي حزام الطروق
سعد عينه من نصاهم يفخر بجاهن ومال
قلتها وانا سليل اللي على الطامع يعوق
ابن سالم يوم سالم مايمد الا الجزال
فزعة المضيوم لمن جاته الدنيا لحوق
دون ربعه ماتثنى يرتقي روس الطوال
