الرفيس القسنطيني على أصوله خطوة بخطوة وفي أقل وقت ممكن

[@cuisinemaryouma]

السلام عليكم ورحمة اللّٰه وبركاته
طريقة والمقادير :
اولا نبسس 4 كيلات سميد متوسط مع كيلة زيت (أصل الوصفة زيت والي تحب تحط زبدة أو تخلط حسب رغبتها ) و ملعقة صغيرة سكر ثم نفتل بخليط ماء وماء الزهر ونحطوا في بلاطوا وندخلوا للفرن
نشعل من الأسفل و الاعلى حتى يتحمر نهرسوه بالمهراز ونفوتوه في البوسيار تاع الزرع أو الروبوا ونفوروه 3 مرات اولا نرشوه بالحليب و ماء الورد قيس كيلة و نخليه يتشرب قيس 2د ونفوروه كاين الي يحب يضيف السكر يضيف 2 ملاعق معاه بعد مايفور نحطوا في قصعة نرشوا بماء الورد يتشرب ونفورا ونرشوا بماء الورد ثم مباشرة وهو سخون نسقيه بخليط زبدة و عسل ذايبين نفس الكمية و حسب ميتشرب والي عندها تضيف كمية من الجوز مطحون خشن ويكون جاهز
التزيين سكر ناعم وجوز و زبدة البقرة ويقدم مع اللبن

[@atmansouissi2917]

ك

[@cuisinesirin9553]

شكرا حبيبتي يعطيك الصحة😘😘😘😘

[@belabiodchoubaila6704]

يعطي الصح و العافية

[@komanjackson1620]

يعطيك الف عافية من ميلة نحييك اختي مريومة

[@أميجنتي-ع3ف]

لي يحب وصفات مريومة و يستعرف بلي فحلة يدير جام ادعولي ربي يفرج عليا راني نافسة و قتلني الهم

[@omemohamed8251]

السلام عليكم الله يفرج همك اقترب أكثر من الله وادعي وأكثر من الإستغفار وان شاء الله يزول همك يارب

[@أميجنتي-ع3ف]

@@omemohamed8251 ربي يحفظك اختي بارك الله فيك

[@omidris103]

ربي يفرج عليك

[@dalilabarkou83]

loubane héraldique quelque chose Loubet les yeux

[@السيدةرقيقشيماء]

ربي يفرج عليك ويفرحك

[@razalibassema8986]

جربت الرفيس بطريقتك نجحلي 100\100 ودرت سوكسي بيه يعطيك الصحة على مصداقيتك،فور دائما ونحبك بزاف

[@taharhassen9062]

أنا تاني اصبحت مدمنة على فيديوا معظمها سييتها ونجحت معي والبارح درت الرشة على طريقتك وجات روعه ويعطيك ألف عافية في دنيا وآخره

[@fatimamaria7369]

مريومة ندور قاع في اليوتوب بصح نطبق وصفاتك لانها ساهلة وماشي معقدة ،الله يجازيك كل خير

[@cuisinemaryouma]

أمين يارب العالمين

[@maneltoumi8706]

انا طيبتو للمولد درت 3 كيلات سميد و كيلة مخلطة بين سمن و زيت و جاء يهبل

[@madammimi9446]

ان شاء الله راح نجربو وانا عندي فيك ثقة لاني من طبقت وصفاتك كامل ينجحو معايا والحمد لله

[@bouchrajihan8590]

نفس طريقة اجدادنا ووالدينا الله يرحمهم ربي يجازيك

[@zouzouzaza8885]

صح ملودكم و كل عام وانتم بألف خير و صلي اللهم وسلم على نبينا المصطفى حبيبنا محمد عليه افضل الصلاة والسلام

[@aminaharous7290]

سلام اخت مريومة تفاجأت من عنوان لانني بنت وهران وجدتي بنت مدينة جديدة وملي نعقل عليها وحنا نعملو هدا رفيس بنفس خطوات ولاكن نقدموه مع لتاي وحقا يجي روعة

[@nanokamiworld4546]

دايما طوب شاف مريومه. و دايما وصفاتك هوما الافضل انا واحده كيما قتلك طيابي كل من قناتك قد ما نشوف بصح نرجع دايما لبك وصفات ناجحه و شرح مفصل الله يبارك فيك و يخليك هكذا

[@السيدةرقيقشيماء]

وصفاتك كلها روعععععععععععة انا شخصيا جربت معظمها الله يعطيك الصحة والعافية مريومة

[@bissabissa9869]

حتى حنا درناه البارح وهدا لمتعودين نديروه اعطيك الصحة جا يهبل

[@ايميايمي-ش1ز]

بارك الله فيك يا مريومة انا امال من شرق الجزائر وافهم جيدا كيفية تحضير الأكلات القسطنطينية

[@yuiiop5344]

مريومة علمينا لفتيل نتاع الطعام من فضلك لانك تشرحي مليح وشكرا

[@cuisinemaryouma]

ربي يحفظك

[@jijisisi8641]

الله الله عليك يالفحلة يعطيك الصحة حبيبتي ماشاء الله عليك يشهي نجربه انشاء الله شكرا جزيلا

[@mimichaa2619]

هاد النوع تاع الرفيس كنت نستنا فيه من عندك بعد يعطيك الصحة

[@sabybyby7862]

رفيس رائع وطريقة شرحك اروع مديتيلنا كل المقادير بدقة شكرا عزيزتي

[@احبكربي-ذ2ذ]

كشغل طعام روعة يعطيك الصحة حنونة

[@faiza9271]

اللهم صل وسلم على نبينا محمد وعلى آله وصحبه أجمعين 🌸 يعطيك الصحة يا الفحلة جا رووووعة 😋 😋 ماشاءالله 👍 👍 👍 👍

[@rhanan7946]

اختي مريومة نحبك بزززاف ونحب عمل تاعك حبيت نسقسيك هل دقيق نحيلو لرطب تاعو ولا نخليه كيما راه

[@sirajiyad3289]

شكرا نجربوا ونعلقلك كفاه جاني

[@sarasem1044]

نفس طريقة مريومة لكن هنا نضيفولو العقدة لي هي ماء ورد مع عسل مع قطعة ليمون تحدوه على النار يهز الغليةونخلطوه مع الرفيس لي كنا فورناه ونزينوه بالجوز مرحي والزبدة

[@rabiarelizane1144]

أطيب التهاني بعيد المولد النبوي الشريف عليه الصلاة والسلام لك ولكل متتابعين قناة مريومة ويعطيك الصحة على هذك الرفيس يشهي

[@أمفرح-ف4س]

يعطيك الصحة هايل

[@ranarafif8829]

يعطيك الصحه يا مريومه نحب الوصفات الي تقدميها بالاخص التقليديه

[@emfadishaban7291]

يعطيكي الصحة ماأحلى اكل الجزائر ماشاء الله

[@dzfamily96]

رفيس يشهي روعة يعطيك الصحة حبيبتي اكيد احلى جام

[@slimaneslimane3200]

مساء الخير يا حبيبتى مبرووك عليك مولد النبوي الشريف كل عام وانت بخير يدخل عليك وعلينا بصحة والهناء ام سليمان

[@chibighanou3635]

يهطيك الصحة مريومة تعجبني. طريقتك فالشرح وصفاتك ناجحة

[@NORNOR-rf5yh]

*حنا نخدموه بالتمر و دهان الحر و الحرور و يجي بهبل .غادي نجرب هذا الرفيس ان شاء الله .لعقوبة لمليون مشترك*

[@omtaha7074]

مرحبا اختي على حساب الشوفة النعامة او البيض

[@oummohamed7138]

ya3tik saha habibti el mezid mina nejeh ch hel derti sokor choukren

[@latifaselles104]

يعطك الصحة اول مرة انشوف الرفيس كيخدموه الطريقة لتخدمي انكي تايقة في نفسك و شكرا خاصتا انحب اطبخ الجزاءري الا صيل

[@elewardaedahabia8164]

تسلم ايدك ممتاز

[@CuisineHadjerchawiya]

حبيبتي خدمتك تهبل تهبل وصفت لمشلوش من فضلك

[@ميمياية-ش6ه]

يعطيك الصحة ديمة نبغي نجربو مي كي شفت طريقتك غدوة نديرو ان شاء اللة

[@walidsdz2378]

شرحك ممتاز اختي مريومة شكراااااا هكذا نعرفو اطباق بلادنا .

[@oumsidra1081]

روعة ماشاء الله

[@aminaryan2829]

سلام حنونة بمناسبة المولد النبوي الشريف نڨلك كل عام وأنت بخير وكل المشتركات 🍃🌹🌹🌹🌹🌹🌹🍃

[@امسيليا-ع1ل]

الف جام لك اختي ..حبيتك اليوم تدعيلي ربي يخليلي بنتي في عمرها سنة وتنصحيني واش نعطيلها تاكل لانها حيرتني متحب تاكل حتا شي..ربي يخليلكم وليداتكم

[@beautifulbe888]

مشكورة جدا على المجهودات.. بارك الله فيك

[@lidyahabibti9538]

شوفوا يعطيها الصحة مريومة تعرف تطيب مشاء الله سيت كامل اطبقها ربي يخليلك يديك انا وليت نتبعك غير انت وندير الثيقة فيك بلا منخمم

[@kikouismail1950]

ربي يفرحك مريومة كلشي علمتيه لينا ربي يعطيك صحتك ويفرحك بولادك💏💏💏💏

[@iyadnoui604]

جرباتو اختي و جا رائع يعطيك الصحة

[@chefnaoulynoumjoujou8910]

صدقيني أختي جربتو بالكسرة اليبسة لي فضلتي وجاتني الفكرة نرحيها ونعملها رفيس و خرجلي ولا أروع ما يكون. برك فالاخير زدتلو شوية زبدة تاع البقرة و قرصة قرفة وصدقيني خرجلي رووووعة

[@meriemguendouz3255]

اللله يبارك في هاذوك اليدين تعجبيني بزاف وصفاتك روعة انا من سطيف

[@rabahzaid3693]

يعطيك الصحة وطريقة الشرح واضحة باراك الله فيك في ميزان حسناتك يا العزيزة 👍👍👍👍👍👍👏👏👏👏👏👏😘😘😘😘😘

[@اممريم-ت5م]

عمري مشفتو غير ليوم يعطيك الصحة .🌹🌸🌸🌷

[@aminmca207]

يعطيك الصحة يامريومة كل صبع بصنعة

[@sissasalsabil1897]

تسلم الأيادي جااااااااام

[@Hiba-di4bb]

ما شاء الله على مريومة الفحلة💖

[@amelzouatine8018]

الوصفة الاصلية للرفيس القسنطيني وهذه هي الوصفة الاصلية تاع ناس قسنطينة الاصللين :
4 كيلات سميد نملحوهم مع كيلة زيت ( وليس زبدة و لا سمن ) نبسوهم مليح مليح و نلمو بالماء بدون عجن نحطوها في بلاطو لازم متكونش خشينة بزاف وما تكون بزاق رقيقة نعدلوها مليه و نقسموها مربعات متوسطة بالموس و ندخلو طيب كي طيب مليح من تحت نشعلولها من فوق حتى تولي بين لون ذهبي الى احمر شوية
الطريقة التقليدية يتهرس بالمهراس و هو سخون و نجوزه في سيار الزرع و و نقدرو نرحيوه فروبو لي يرحي الجوز و اللوز و نجوزه في سيار الزرع
نديرو خليط من الحليب و ماء الورد او ماء الزهر و نبخو بيه الرفيس مليح و نفتلوه ياليد مليح حتى يشرب مليح نحطوه يفور الفورة الاولى كي يفور مليح نحيوه و نعاوده بنفس الطريقة السابقة و نفوروه الفورة الثانية ممكن انو يحتاج الفورة الثالثة ممكن لا ( لازم يولي طري )
نذوبو كيلة زبدة مع كيلة عسل ونزيدوها للرفيس و هو سخون ونذوقو حتى يرجع ماش ناشف و حلو
نحطوه في الصحن و نزينوه بالجوز و قطع من الزبدة و ناكلوه باللبن
ملاحظة:
حنا في قسنطينة نرحيو كمية مليحة من الجوز و نخلطوها فرفيس

[@oumbadra3580]

ÄSs Ìrëm
سمحيلي على التدخل نفس طريقة الي خدمتها مريومة وهي قالتلنا يديروه بالزيت وقالت السكر اختياري الي يخب يدير حتى هي هرساتوا هفوتاتوا في سيار تاع الزرع ودارت حليب وماءالورد وزيناتوا بالجوز وزبدة وحطت اللبن
معرفتش علاش تحبوا تزيدوا فيها وتقولوا ماشي هكذا
هذا رأيي لاني موالف نخدموا و اسمحيلي على التدخل

[@amelzouatine8018]

@@oumbadra3580 حطيت الوصفة الاصلية لي هي بالزيت اولا و فالتفوار جامي نحطو السكر
نزيد عليها نقص عليها ربي يسهل عليا

[@kenzalili6650]

احسنتي ختي أنا قسنطينية وهكا نديروه الله الله على الرفيس نتاعنا يهبل سلامي لناسي وحبابي في قسنطينة أنا مغتربة وتوحشتها بزاف مشكورة مريومة.

[@amelzouatine8018]

@@kenzalili6650 الحمد لله كي بانو ناس قسنطينة
ربي معاك في الغربة اختي

[@kenzalili6650]

يعيشك ختي 😙😙😙😙😙

[@minamina8677]

حتا حنا درنا رفيس 😍😍😍 نموت عليه

[@jaimelacouture7028]

يعطيك الصحة مريومة على هذه الوصفة فعلاً رائعة وتشهي شكراً جزيلا

[@زهرةالامل-ج1ق]

اخت مريومة راه جاني درت نفس طريقة قبل ماد رت لعسل ذقتو جاني مبثبث كيما نقولو حنا يعني خرش وباقي يشرب طول علاش

[@Lindalinda-et4mp]

يهبل

[@lorisloris1365]

Yatik asaha 🌹 👍

[@HalimaHalima-qe2bf]

مريومة حرة الحرائر ربي بعد أعليها العين اتمنا لك النجاح

[@fatimafati100]

يشهي الله يعطيك الصحة👌👌👌👌👌👌👍👍👍👍

[@samatakhaled2136]

انا نحب مريومة وكل وصفاتها

[@جزائريةحرة-ت8ذ]

بارك الله فيك اختي تعلمت حاجة ما نعرفهاش

[@fofaamonda6005]

سلام اختي العزيزي مريم ربي يخليك ويحفظك ربي يعيشيك شكرا جزيلا عن الوصفات الجميلة من فصلك عندك وصفة تاع قاطو تاع زيت وكيل تاعه بي كأس شاي من فصلك قوللي عن الوصفة وشكرا

[@jijijijita7832]

يعطيك الصحة ... وصفاتك دائما ناجحة و رائعة

[@user-cl9gc2yy4g]

ياجمالو 🌷🌹

[@امبلقيس-ز6ت]

روعه👍

[@خالدخلدون-ض8ف]

يعطيك الصحة وصفاتك قمة

[@yayayasso3718]

ك فورتيه درتي ما الورد وحدو و لا خلطتيه

[@SamiaSam-tp2by]

يعطيك الصحة مريومتي

[@omemohamed8251]

السلام عليكم ماشاء الله عليك حبيبتي وربي يحفضلك وليدك يارب

[@ladivalamia1698]

هايل ولي ماعجبهاش الحال ماتشوفش

[@Ecolemaryouma]

ربي يحفضك

[@midououali208]

يعطيك الصحة مريومه اختي راكي نفيدينا بزااااف سهلتي علينا الطبخ

[@amelbutel5991]

بارك الله فيكةوربي يحفظلك وليداتك ان شاء الله راح نجربو بطريقتك ان شاء الله شكرا

[@ninanono7894]

يعطيك الصحة

[@inesaya9652]

يعطيك الصحة يشهي نموت عليه

[@foufouben410]

يعطيك الصحه مريومه ربي يسعدك

[@fatiramy4548]

بغيت نسقسيك حبيبتي خدمت عسيلة ديالك تاع كيلة سكر كيلة ماء جاني بزاف خفيف واش نديرلو و شكرا

[@adembechime2494]

يعطيك الصحة شهيتيني نجربو انشاء الله

[@zatimiwassim1561]

ماء الزهر نضن احسن من ماء الورد يعطي نكهة خير ولا واش رايك الاخت مريومة واش ندير 😊

[@malekmalouka8280]

يعطيك الصحة يشهي

[@bellevie5079]

اخواتي حب نجربو كفاش يتكل بارد الا سخون جاوبوني ربي يحفظكم

[@didadjz6845]

ربي انجح وليدك يا اخت مريومة .

[@rihanakedidi3047]

j'adeur 😍😍😍

[@عبدالقادرتقيق-ع9ي]

مزيا مادرتيش البصل ههه كيما معسكر جربتو وماعجبنيش صراحة يسميوه المبصل .المهم حنا نديرولو كيما نتي ولكن نديروه فطاجين جاك مدهب وشباب ماشاء االله

[@2323-w3b]

انا من عنابة نبسو بالزيت تعلمتو من امي ربي يرحمها ومن اول مرة جاني روعة

[@2222sindy]

يعطيك الصحة جا يهبل راح نجربو وانشالله ننجح فيه👍😘😘😘😘

[@belabessouso2910]

سلام مريومة هل ماء الورد صحي وينتكل

[@cuisinemaryouma]

كاين تاع الاكل وكاين تاع التجميل

[@kelalakaouther5790]

يعطيك الصحة مريومتي تعيشي حبيت لي تارتولات نتاع القارص مع وصفات بالمندرينة ربي يخليك يا لحبيبة

[@mimilin7603]

sahiti meryouma

[@اميتغنينيعنالعالماميتغنيني-ث9ط]

اختي مريومة ما نحب لا ماء ورد ولا ماء الزهر باش نعوضهم في الرش جاوبيني

[@aslylia6173]

Tbarek allah 😘😍 bon partage 👍👍👍👏

[@maissasalmi7903]

حبيبتي مريومة حنا ماما دير ثلاث كيلات سميد بكيلة مخلطة نص زيت و نص سمن و نفتلوه بالمازهر و الماء 😌

[@cuisinemaryouma]

بنت الجزائر شكرا حبيبتي

[@fouadbabay9399]

ان نموت عليه و زدت جربت تاعك اممممممم جا يهبل الله يخليك ام لقمان من قسنطينة

[@cuisinemaryouma]

اللّٰه يبارك شكرا حبيبتي

[@امرحمةامرحمة-د1م]

يعطيك الصحة يشهي ابعتي شوي

[@ouarda_66]

يعطيك الصحة تسلم ايديك وبصحتكم 😘😘😘😘

[@zahiraabed9649]

يعطيك الصحة يالحبيبة

[@alinejoulai5110]

راني جربة الاول عطيك صح

[@زهرةالأمل-ر1س]

يعطيك صحة يا لفحلة نسقسيك مريومة وين تسكني

[@قناتناالمتنوعة]

بارك الله فيك 😍

[@امادمايةادم]

شكرا على الوصفة وصح مولودكم كل عام وأنتم بالف خير👏👏👏👏👏👏👏👏👍👍👍👍👍👍👍

[@yayayasso3718]

مممم شهاني ان شا الله نديرو يعطيك الصحة مريومة

[@lavierose9497]

بارك الله فيك.