انا سنه ١٩٨٣ حضرت حفلة لمحمد منير مع فرقة يحي خليل علي مسرح سينما الهمبرا في اسكندرية كنت منبهر من صوت منير وعزف فرقه يحي خليل كأنك بتسمع الكاسيت بالظبط. صوت منير. وعزف الفرقة. حاجه صادقه وروعه
زيك والله انا كنت بسمع الالبوم بس مكنتش شايفه بالانبهار ده ورجعت سمعته مره تانيه بعد ماشفت الحلقه دي وعجبني وخذت بالي من اغنيه زي زماني قد ايه هي عظيمه وعالمدينه كمان
عايزين بقي لمدة سنتين كده فقرة شهرية أو أسبوعية ألبومات محمد منير كلها، تملي معاك، أكتر واحد بيحبك، ليلي نهاري، كمل كلامك، إيهاب توفيق كلها، مصطفي قمر كلها، محمد فؤاد كلها، محمد محيي كلها، هشام عباس كلها، كام واحد لخالد عجاج، دلعونا كده، ألبومات التسعينات بالتفصيل، كل شهر ألبوم لمدة سنتين، تلاتة، أربعة، خمسة، ستة، سبعة، زي ما إنتو عايزين
برافو عليكم .. بصراحة أول مرة أسمع حلقة بتحليل قوي عن أحد أهم البومات منير.. والحقيقة أن أغلب البومات منير تستحق حلقات وليس حلقة فأغلب ألبومات منير تشعر أنها ألبومات مختلفة عن بعضها البعض في نوعية الأغاني ومعانيها العميقة والمكثفة وكذلك نوعية الموسيقى الغالبة عليها ، خاصة في البومات منير القديمة وآخرها في رأيي المتواضع البوم ( ممكن ) بعدها يبدأ منير في الزوبان مع الموسيقى المحيطة والسائدة وبالتالي بدأ في التخلي عن عبقريته وخصوصيته الفنية المتكاملة . . أتمنى أن أستمع لتحليل زي دا لألبوم ( وسط الدايرة ) لأني أعتقد إن الألبوم دا فيه شغل كبير ، يا ريت اللي معاي يضغط لايك
يا اساتذة الكلام بخصوص فشل بنتولد و علموني عنيكي مش صحيح خالص ، بنتولد لما نزل كسر الدنيا لدرجة ان الشركة المنتجة اعادت طرح شريط علموني عنيكي و اللي هو كمان كسر الدنيا بأثر رجعي ، اضيف لكم من القصيدة بيتا كمان ، شبابيك في اول نزوله لم ينجح نجاحا كبيرا و اخد وقت طويل لحد ما الناس استوعبته و بقى ايقونة .
البتي شاه و الرام جام كانوا باندات غربيه ولكن من ٧٦ الي ٨١ لم يكن العامه يعرفونهم لانهم كانوا في فندقين فقط وليس لهم مشروع غنائي ابو الموسيقي الحديثه و فكرة الباندات هو محمد نوح رحمه الله بلا منازع عندما اصطحب عازفين قليلين بالاسلوب الذي نعرفه الان في عروض غنائيه مجانيه دعما لجنود الجبهه ومدد مدد مدد مدد شدي حيلك يا بلد تلاه فرقه اسمها الجيتس و الفنان هاني شنوده ربنا يديهم الصحه انا باقول لكم تجربه عشناها ماسمعناش عنها من غيرنا .. وتحياتي لكما 🙂
حلقة جميلة لألبوم اسطورى ... بما انى من محبى منير نفسي تعملو حلقة عن عملين لمحمد منير مخدتش حقهم اطلاقا ف التحليل ... الألبوم الأول هو( الأرض السلام ) الألبوم ده فيه موسيقي عظيمة تستحق الدراسة ..و الألبوم التانى هو احمر شفايف اللى فيه كمية أصناف موسيقية كتيرة و متنوعة
حضرتك حد محترم جدا ومثقف وقارئ جيد وتقدم للمشاهد والمستمع من خلال هذا البودكاست محتوى موسيقي فني أكثر من رائع وتقدم فيه كم معلومات مميزة وممتعة وتضم ايضا مكتبة تاريخية يوجد بها كل ما يخص الموسيقى العالمية وخصوصا تاريخ الموسيقى في مصر وكيف كانت قبل التحديث والتطور الموجود حاليا وبعد اذن حضرتك لو تسمح لي عندي ملحوظة لسيادتك ممكن حضرتك تمهل الضيف الوقت الكافي للرد عندما تسأله سؤال وخاصة عندما تتذكر شيئ فتقوله فتقطع عنه ما كان يتحدث به سابقا ويرد على ما قلته لاحقا فلا يقول رده كاملا و انا كمتابع ومشاهد ومتلقي الاقي نفسي توهت ولكن كل ما ذكرته في ملحوظتي لا ينقص ولا يقلل مما ذكرته عن حضرتك وهذا البودكاست في بداية تعليقي ولكم جزيل الشكر والامتنان واسف على الإطالة في الملحوظة وتفضل سيادتك بقبول وافر الاحترام والتقدير
حلقة هايلة من ناس فاهمة وبتحب اللي بتتكلم عنه يا ريت حلقات متتالية عن التاريخ الغنائي في التسعينيات وأول الالفينيات عمرو دياب كاظم الساهر منير هشام عباس
تصحيح احمر شفايف 2003 كان انتاج طارق الكاشف وتوزيع شركة عالم الفن محسن جابر انما مكنتش انتاج محسن جابر خالص واغنية اقرار كلمات أيمن جودة مش أحمد فؤاد نجم البوم مشوار كان بعد البوم يا اسكندرية مش الطول واللون والحرية
حلقة جميله جدا وعظمه شكرا لمجهودكم الحلقه الجايه هتكون عن البوم ايه؟ اتمنى عن تملي معاك او اكتر واحد أو وياه او بناديك تعالى الاربع ألبومات دول والتجارب الموسيقيه يستحقوا الواحد يتحدث عنهم
لا طارق مدكور و كان توزيع سيء جدا في رأيي اساء للاغنية الاصلية و عظميتها ,..... انا اتمنى ان التوزيع ده يتمسح تماما من الوجود .... اساسا اغاني شريط شبابيك المفروض يصدر قانون بتجريم اعادة توزيعها
@@mohameddandarawy1660 لا توزيع هاني شنودة وعندي الCovers ولو كانت توزيع طارق مدكور كنت هعرف، انا عندي ارشيفه بالكامل واتحدى اي حد يعرف شغله اكتر مني وعلى اللي انت عايزه والالبوم ده كله اتعمل تخليص حق ومحدش من اللي اشتغل فيه راضي عنه
@@mohameddandarawy1660 لا كانت توزيع هاني شنودة وانا عندي الالبوم بالغلاف وحتى بالامارة كانت رقم 2 في الوش الاول من الشريط التاني لان البوم مشوار كان نازل شريطين في بعض، وعندي ارشيف طارق مدكور بالكامل ولو كانت توزيعه كنت هعرف وانا مغمض لاني عندي حاجات طارق مدكور نفسه ممكن يكون مش فاكر هو وزعها امتى أصلاً 😂❤️
مجدي نجيب لم يكتب الاغنية في المعتقل كما يشاع اتمني تتواصل معايا هقولكم تفاصيل البوم شبابيك نقلاً من مصادرها الحقيقيه عمنا مجدي نجيب و الشاعر الراحل عبد الرحيم منصور و غيرهم من المشاركين في العمل دا
حسين جاسر كان ملحنا هاويا لم يحترف العمل بالموسيقى و لذلك كانت اعماله مقلة جدا لكنها فلتات فنية و لها طابع خاص جدا ..... بمعنى انه لم يكن حريصا على العمل بالموسيقى لكنه كان ينتج فنا عندما يلح عليه اللحن
Appreciating the good content HOWEVER to the presenter: please please please do not interrupt your guest do not tell us information focus on posing smart and great questions give a space to the one you interview all the extra info you want to tell us you could do a solo video bridge /clip as a break best
على فكرة البوم علموني عنيك وبنتولد البومات ناجحة ومهمة جدا ومفشلتش ابدا زي ما قلتوا لكن وجهة نظري ان البوم شبابيك اهم و أعظم البوم في التاريخ حتى ولو كل البومات محمد منير عظيمة لكن يظل البوم شبابيك هو الأهم على الاطلاق
على فكره انتو ظلمتو يحي خليل ....اعتقد لولا يحي خليل لم تظهر هذه المزيكه الجديده في مصر واصلا البوم شبابيك لم يظهر اييضا حرام عليكم تهضموا حف الرجل هو صاحب الفضل الاول وهذا باعتراف فتحي سلامه نفسه
ليه متكلمتش عن ايمان البحر درويش اللي كان انجح مطرب في اوائل الثمانينات وكمان مش متفقة ان محدش من مطربي الثمانينات عمل علامة بارزة الا محمد منير وعلي الحجار هاني شاكر ومدحت صالح كانوا ناجحين جدا في فترة التمانينات والتسعينات
عملوا نجاحات فعلا و كانوا عظماء بس منير قصة متفردة متوغلة في الوجدان بكلمات محدش قالها قبله ولا هيقول زيها بعده و موسيقى من اجمل مايكون وروح ربنا اعطاها تأثير غير مفهوم
للعشق إنشادي ، أنا مغرم بهواه زدني بفرط الحب ، وجه فؤادك للإله ، و في مقابلة لفتحي سلامة تحت عنوان ، Sufism vs Modernism Fathy Salama و كلها بإشتراك الشيخ محمود التهامي
يحيى خليل له تجربة تانية عظيمة و كلها لايفات .... رحيل مع حميد الشاعري ... و ده شريط حميد الوحيد اللي خارج السياق و تشم فيه رائحة يحيى خليل اكتر من حميد .... انتوا متحاملين على يحيى خليل و حاطينه في برواز المدير اكتر من الفنان و هو بيمتلك الموهبتين
اسوا من كتب لمنير هو الابنودي ...... مشروع منير ... عبد الريحيم منصور .... فؤاد حداد .... مجدي نجيب ..... و امتدادهم كوثر مصظفى ..... الابنودي موازي مش اساسي
@@user-jr8wb4jl1y الابنودي له الدور الاكبر في تاريخ منير ؟؟؟؟؟ لا طبعا و قولا واحدا بدون اي تحيز ..... الابنودي ظهر في البومات منير في شيكولاتة يعني تقريبا بعد اكتر من عشر سنين من بداية منير و اعتلاءه القمة .... بعد علموني عنيكي و بنتولد و شبابيك و اتكلمي و بريء ووسط الدايرة و حدوتة مصرية ...... يعني منير لو ما كانش غنى تاني اصلا بعد دول كان هيفضل منير و هيفضل صاحب المشروع المتفرد في تاريخ الموسيقى المصرية و العربية ....... الابنودي لم يضف شيئا لمنير لكنه جاء على نجاح موجود اصلا و على مشروع تم تأسيسه بالفعل من خلال مجموعة تضم اولا عبد الرحيم منصور و منيب ثم هاني شنودة و مجدي نجيب و سيد و شوقي حجاب و فؤاد حداد و يحيى خليل و فتحي سلامة ...... فترة الابنودي من اسوا الفترات بدأت بشيكولاتة اللي لولا التوزيع الموسيقى كانت تبقى اغنية ساذجة جدا و هو استلهام من التراث بس في رأيي سخيف و خدي عندك من حبك مش بريء و ليلة قمر يا قمر صيفي و الليلة دية حاجات مالهاش طعم الا باضافة روح منير ليها ....... علشان ما اظلمش هناك برة الشبابيك و يونس من الروائع لكن في المجمل الابنودي ضيف على المشروع لم يضف اليه شيئا
ازاى تقولوا ان هانى شاكر يقول عبد الحليم ييحاربنى ده عبد الحليم فى سن والد تانى شاكر وشوفوا وفاه عبد الحليم كان هانى شاكر اد ايه وبعدين هانى بيغنى اغانى كثير لعبد الحليم
يعني قولت ان انتم فاهمين ومحيطين سمعا" لجميع مطربين القرن الماضي .. حتى اتضحت حقيقتهم كناقصين خبرة ومعرفة للموسيقى العربية ..!! عشان تكملو نقص معرفتكم لفناني القرن الماضي ارجعو قليل وبحثو عن مجدد الاغنية الاول واللي ماشي عمرو دياب على خطاه .. وهو الفنان الرااائع (( عمر فتحي )).!! ❤
@@mostafahamdy3082 هو عايز يفهمك انه جامد و عارف عمر فتحي 😂 و اراهنك لو يعرف اي عمل من اعماله 😂😂😂 و طبعا لازم ذكر اسم عمرو دياب عشان الحرقان اللي عنده انت فاهم مع ان الحلقه عن منير اصلا
الرد محتاج شرح كتير بس حقول من الاخر بحكم اني كنت ابيع اشرطة كاسيت ..!! عمر فتحي هو اللي طور وجدد في الموسقى العربية .. اللي جوى بعد كوبي بيست .!! لو عاش عمر فتحي لحد الان كان هو في المرتبة الاولى وده اللي حيجنن البعض.!!
مشكلة يحيى خليل انه نسب النجاح في البوم شبابيك لنفسه و الواقع انه مش هوه اللي وزع كل الألبوم زي ما حضرتكم ذكرتوا ، و كان المفروض انه يعطي كل انسان حقة و يذكر اسم كل شخص اجتهد ووزع عمل من الاعمال و لأكن كل الألبوم نُسب تحت مسمى فرقة يحيى خليل و لذلك الفرقة لم تستمر ، أصعب شيء على الفنان ان تهمش مجهوده و تنسبه لك و دا اللي عملة يحيى خليل اما عن العبقري فتحي سلامة فهوه متفرد في مجالة و تطويره للموسيقى
ياعم سيب الضيف يتكلم براحته علشان انت احتكرت الحلقة لوحدك وده شيء مزعج جدا .. أحلي ديسلايك ليك وتحياتي للضيف المثقف اللي المفروص يعمل تحليل للألبوم لوحده من غير ما تقاطعه
طارق مدكور افسدها تماما ..... الليلة يا سمرة .... وحشة جدا و مشوهة من طارق مدكور ..... المشكلة ان فيه اجيال ما تعرفش غيرها ..... اغاني شبابيك بالذات لا يجب اعادة توزيعها او اللعب فيها خصوصا بهذا الشكل المبتذل
انا سنه ١٩٨٣ حضرت حفلة لمحمد منير مع فرقة يحي خليل علي مسرح سينما الهمبرا في اسكندرية كنت منبهر من صوت منير وعزف فرقه يحي خليل كأنك بتسمع الكاسيت بالظبط. صوت منير. وعزف الفرقة. حاجه صادقه وروعه
يابختك انا كان عندى سبع سنين وقتها
انا مبهور بجودة هذا الالبوم. لا اصدق انه سجل قبل اكثر من ٤٠ سنة. شكرا لهذا التحليل الممتاز
لما يكون المحتوي هادفع ومحترم وإللي ببتكلم ببفهم تحية للقائمين علي العمل
هو اكتر البوم متكامل مر عليا في حياتي ، بالنسبة ليا هو احلى البوم في تاريخ الغناء العربي ❤
عمري ما تخيلت اني أقعد ساعة ونص أسمع اتنين بتكلموا في المزيكا ! بس اللي حصل اني عملتها تلات مرات، الفيديو ده واتنين كمان ليكم.
اول برنامج يقدم حاجة مفيدة فى الموسيقى والغناء ،،، المفروض الحلقات دى تدرس باكاديمية الفنون❤❤❤❤❤
فيديو بيتكلم عن اعظم البومات المزيكا في الشرق الأوسط وكمان اللي بيتكلم عنه من ناس بتفهم اوي اوي . انها العظمة مجسدة.❤❤❤❤❤❤
الالبوم التاريخي الافضل على الاطلاق
انا حقيقي انا سعيد يا جماعه اني عرفتكم وحقيقي عرفتني علي اغاني عمري ما سمعتها والقصه وارئها حقيقي خلتوني ارجع اسمع كل الاغاني كلها تقريبا ♥️♥️♥️
زيك والله انا كنت بسمع الالبوم بس مكنتش شايفه بالانبهار ده ورجعت سمعته مره تانيه بعد ماشفت الحلقه دي وعجبني وخذت بالي من اغنيه زي زماني قد ايه هي عظيمه وعالمدينه كمان
عايزين بقي لمدة سنتين كده فقرة شهرية أو أسبوعية ألبومات محمد منير كلها، تملي معاك، أكتر واحد بيحبك، ليلي نهاري، كمل كلامك، إيهاب توفيق كلها، مصطفي قمر كلها، محمد فؤاد كلها، محمد محيي كلها، هشام عباس كلها، كام واحد لخالد عجاج، دلعونا كده، ألبومات التسعينات بالتفصيل، كل شهر ألبوم لمدة سنتين، تلاتة، أربعة، خمسة، ستة، سبعة، زي ما إنتو عايزين
البيه اللي جايبه ناقد فني ما بيحبيش غير عمرو دياب وما بيحبيش اغلب اللي اتت طالبهم دول
برافو عليكم .. بصراحة أول مرة أسمع حلقة بتحليل قوي عن أحد أهم البومات منير.. والحقيقة أن أغلب البومات منير تستحق حلقات وليس حلقة فأغلب ألبومات منير تشعر أنها ألبومات مختلفة عن بعضها البعض في نوعية الأغاني ومعانيها العميقة والمكثفة وكذلك نوعية الموسيقى الغالبة عليها ، خاصة في البومات منير القديمة وآخرها في رأيي المتواضع البوم ( ممكن ) بعدها يبدأ منير في الزوبان مع الموسيقى المحيطة والسائدة وبالتالي بدأ في التخلي عن عبقريته وخصوصيته الفنية المتكاملة . . أتمنى أن أستمع لتحليل زي دا لألبوم ( وسط الدايرة ) لأني أعتقد إن الألبوم دا فيه شغل كبير ، يا ريت اللي معاي يضغط لايك
شكرا ❤
الكبير كبير❤
بحبك يا منير
أنتُم شوقتوني أسمع ألبوم محمد منير ( شبابيك)..🌹🌹
انا عندى ٢٠ سنة وشاعر و بحب المزيكا جدا
ياريت تستمروا انت واستاذ مصطفى بودكاست بيبقى عظيم وممتع وبينكم كيميا جميلة ❤ياريت تتكلموا دايما على اجمل فترات الغناء التسعينات وبداية الالفينات
أفضل ألبوم في تاريخ الغناء العربي👑
اعظم ( شريط ) في تاريخ الغناء العربي
يا اساتذة الكلام بخصوص فشل بنتولد و علموني عنيكي مش صحيح خالص ، بنتولد لما نزل كسر الدنيا لدرجة ان الشركة المنتجة اعادت طرح شريط علموني عنيكي و اللي هو كمان كسر الدنيا بأثر رجعي ، اضيف لكم من القصيدة بيتا كمان ، شبابيك في اول نزوله لم ينجح نجاحا كبيرا و اخد وقت طويل لحد ما الناس استوعبته و بقى ايقونة .
البتي شاه و الرام جام كانوا باندات غربيه ولكن من ٧٦ الي ٨١ لم يكن العامه يعرفونهم لانهم كانوا في فندقين فقط وليس لهم مشروع غنائي
ابو الموسيقي الحديثه و فكرة الباندات هو محمد نوح رحمه الله بلا منازع عندما اصطحب عازفين قليلين بالاسلوب الذي نعرفه الان في عروض غنائيه مجانيه دعما لجنود الجبهه ومدد مدد مدد مدد شدي حيلك يا بلد
تلاه فرقه اسمها الجيتس و الفنان هاني شنوده ربنا يديهم الصحه
انا باقول لكم تجربه عشناها ماسمعناش عنها من غيرنا .. وتحياتي لكما 🙂
تحياتي
@@mostafahamdy3082 وتحياتي لك يا فنان
يقال ان الالبوم دة الاكثر مبيعا فى تاريخ مصر
مستحيل فيه البومات زي نور العين و لولاكي وبعض البومات وردة باعوا اكتر بكثييير...
تشريح فنى وتاريخى رائع جدا جدا
حلقة جميلة لألبوم اسطورى ... بما انى من محبى منير نفسي تعملو حلقة عن عملين لمحمد منير مخدتش حقهم اطلاقا ف التحليل ... الألبوم الأول هو( الأرض السلام ) الألبوم ده فيه موسيقي عظيمة تستحق الدراسة ..و الألبوم التانى هو احمر شفايف اللى فيه كمية أصناف موسيقية كتيرة و متنوعة
فوق قمة إفرست للعظمة ب ٣ خطوات
أنا من مواليد عام 1981/3/25 ..👌👌🌹🌹
كنت مستني ليكم حلقة جديدة بعد البوم علم قلبي ❤ و اتمني حلقة عن البوم تملي معاك ❤
يلا عايزين حلقه عن طعم البيوت عشان فيه بهاريز مزيكا وتوزيع ومنير كان بيغني من القمه
للتصحيح .. اغنية الطول واللون والحرية كلمات الشاعر الراحل عصام عبدالله مش كوثر مصطفى.
والحان العبقرى ابن العبقرى مصطفى على اسماعيل
تصحيح.. شقيق محمد منير هو فاروق أبازيد وليس فاروق منير لأن محمد منير اسم مركب
شجر الليمون الوحيد الذي لا يدبل طول العام
حلقة رائعة ومعلومات ممتعة ومهمة
شكرا مع كل الحب
متابعكم من رام الله
تحياتي بجد حلقة رائعة و مبسوط جدًا من ملاحظة آلة التشيلو في أغنية شبابيك بلاحظها من زمان و بتطربني جدًا و أول مرة أسمع حد بيتكلم عنها ♥️♥️
سرقت عمري من احزاني
يحيى خليل كان له دور كبير مع محمد منير في هذه الفترة في التوزيعات وأحمد منيب في التلحين وعبد الرحيم منصور في الكلمات
عظمه على عظمه على عظمه اللي انتوا بتعملوه ده والله ❤
احلى برودكاست ❤❤ عاوزين البومات اكتر
حضرتك حد محترم جدا ومثقف وقارئ جيد وتقدم للمشاهد والمستمع من خلال هذا البودكاست محتوى موسيقي فني أكثر من رائع
وتقدم فيه كم معلومات مميزة وممتعة وتضم ايضا مكتبة تاريخية يوجد بها كل ما يخص الموسيقى العالمية وخصوصا تاريخ الموسيقى في مصر وكيف كانت قبل التحديث والتطور الموجود حاليا
وبعد اذن حضرتك لو تسمح لي عندي ملحوظة لسيادتك ممكن حضرتك تمهل الضيف الوقت الكافي للرد عندما تسأله سؤال وخاصة عندما تتذكر شيئ فتقوله فتقطع عنه ما كان يتحدث به سابقا ويرد على ما قلته لاحقا فلا يقول رده كاملا
و انا كمتابع ومشاهد ومتلقي الاقي نفسي توهت ولكن كل ما ذكرته في ملحوظتي لا ينقص ولا يقلل مما ذكرته عن حضرتك وهذا البودكاست في بداية تعليقي ولكم جزيل الشكر والامتنان
واسف على الإطالة في الملحوظة وتفضل سيادتك بقبول وافر الاحترام والتقدير
أشكرك لنقدك البناء .. سأراعي هذه النقاط وسأحسن من أدائي في القادم.
رائعين كالعادة وحواركم ثرى وراقى 👌
انا في قمة استمتاعي و انا بسمعكم دلوقتي ❤❤❤
حلقة هايلة من ناس فاهمة وبتحب اللي بتتكلم عنه
يا ريت حلقات متتالية عن التاريخ الغنائي في التسعينيات وأول الالفينيات
عمرو دياب كاظم الساهر منير هشام عباس
تحليل رايع جدا ةكشف حاجات كتير مهنه بارك الله فيكم
حلقة جميلة وممتعة كالعادة ،، في انتظار المزيد 👋
تصحيح
احمر شفايف 2003 كان انتاج طارق الكاشف وتوزيع شركة عالم الفن محسن جابر انما مكنتش انتاج محسن جابر خالص
واغنية اقرار كلمات أيمن جودة مش أحمد فؤاد نجم
البوم مشوار كان بعد البوم يا اسكندرية مش الطول واللون والحرية
فتحي سلامة من اعظم الموسيقيين في تاؤيخ مصر ....... لكنه غير محظوظ
اتفق معك تماما
عاد فتحى سلامة قائد لفرقة منير
Grammy awarded 2005
فتحي سلامة عبقريته بتفردة في مجالة للآن
ياريت تكتر من ألبومات وأغاني الكينج👑
اغنية يا زماني بالضبط زي pink floyd dark side of the moon
اسمع تاني كويس يا صديقي ...... مفيش اي علاقة بين الاغنيتين
حلقة جميله جدا وعظمه شكرا لمجهودكم الحلقه الجايه هتكون عن البوم ايه؟ اتمنى عن تملي معاك او اكتر واحد أو وياه او بناديك تعالى الاربع ألبومات دول والتجارب الموسيقيه يستحقوا الواحد يتحدث عنهم
حلقة غنية و ممتعة. شكرا علي مجهودكم.
بننجرح دي كانت في البوم امبارح كان عمري عشرين سنة 2005 مش في احمر شفايف 2003
اللي اعاد توزيع الليلة يا سمرا في البوم مشوار كان هاني شنودة
لا طارق مدكور و كان توزيع سيء جدا في رأيي اساء للاغنية الاصلية و عظميتها ,..... انا اتمنى ان التوزيع ده يتمسح تماما من الوجود .... اساسا اغاني شريط شبابيك المفروض يصدر قانون بتجريم اعادة توزيعها
@@mohameddandarawy1660
لا توزيع هاني شنودة وعندي الCovers
ولو كانت توزيع طارق مدكور كنت هعرف، انا عندي ارشيفه بالكامل واتحدى اي حد يعرف شغله اكتر مني وعلى اللي انت عايزه
والالبوم ده كله اتعمل تخليص حق ومحدش من اللي اشتغل فيه راضي عنه
@@mohameddandarawy1660
لا كانت توزيع هاني شنودة وانا عندي الالبوم بالغلاف وحتى بالامارة كانت رقم 2 في الوش الاول من الشريط التاني لان البوم مشوار كان نازل شريطين في بعض، وعندي ارشيف طارق مدكور بالكامل ولو كانت توزيعه كنت هعرف وانا مغمض لاني عندي حاجات طارق مدكور نفسه ممكن يكون مش فاكر هو وزعها امتى أصلاً 😂❤️
@@mohameddandarawy1660 توزيع هاني شنودة
@@mohameddandarawy1660
توزيع هاني شنودة
اعظم شريط ف تاريخ الغناء العربي ( شبابيك_1981)👑♥️
ايه الحوار الجميل ده حوار ثرى فعلا
مجدي نجيب لم يكتب الاغنية في المعتقل كما يشاع
اتمني تتواصل معايا هقولكم تفاصيل البوم شبابيك نقلاً من مصادرها الحقيقيه عمنا مجدي نجيب و الشاعر الراحل عبد الرحيم منصور و غيرهم من المشاركين في العمل دا
غالباً فيه أغنية تاني بنفس الاسم كتبها مجدي نجيب في المعتقل ف الناس اختلط عليها الأمر والله اعلم
ف حوار ل مجدي نجيب بنفسه بيقول انه كتبها ف المعتقل
حسين جاسر كان ملحنا هاويا لم يحترف العمل بالموسيقى و لذلك كانت اعماله مقلة جدا لكنها فلتات فنية و لها طابع خاص جدا ..... بمعنى انه لم يكن حريصا على العمل بالموسيقى لكنه كان ينتج فنا عندما يلح عليه اللحن
حلقة عظيمة طبعاً....بس خناقة فتحي سلامة ويحيى خليل مؤثرة عليك بزيادة أخدت نص الكلام
استمرو عاوزين حلقات اكتر
عزيز الناصر ابدع فى الليلة ياسمرة
حلقه جميله جدا ب س ممكن تعملو اضافه لشخص ثالث يشرح التفاصيل الموسيقيه بشكل اعمق للموسقيين مش بس المستمع العادى
Appreciating the good content HOWEVER
to the presenter:
please please please do not interrupt your guest
do not tell us information
focus on posing smart and great questions
give a space to the one you interview
all the extra info you want to tell us you could do a solo video bridge /clip as a break
best
عايزين حلقه عن البوم Dangerous او History لمايكل جاكسون وحفله والبوم الشموس التلاته
ألبوم شبابيك
كان ب٢٧٥ قرش
💵🙃🤔
فتحى سلامة افضل من قدم موسيقى الجاز،واستطاع المزج بينها وبين الموسيقى الشرقية التقليدية والايقاعات الأفريقية ❤
حلقة هايلة و دسمة و عظيمة بعظمة الفنان محمد منير برافوا دقائق
على فكرة البوم علموني عنيك وبنتولد البومات ناجحة ومهمة جدا ومفشلتش ابدا زي ما قلتوا لكن وجهة نظري ان البوم شبابيك اهم و أعظم البوم في التاريخ حتى ولو كل البومات محمد منير عظيمة لكن يظل البوم شبابيك هو الأهم على الاطلاق
هو مجهود و كلام كويسين بس فيه معلومات مغلوطه كتير محتاجه تتذاكر كويس
جامد اوي اوي اوي
جميل فشخ
متبطلوش عشان انتو بتعملوا عظمه
الطول واللون والحرية هي كلمات عصام عبدالله مش كوثر مصطفي .
فريد الاطرش مات في عام 1974 واللهُ أعلم..☝️☝️🌹🌹
عظمه
الكنج طول عمره كنج
🎶🎼🎵🎤👑✌️
فؤاد حداد كتب الليلة ياسمرة
عايزين حلقه عن مدحت صالح
انا بقى يا عم مصطفى سمعته وهو نازل كان عندى ٨ سنين
وكان الشريط عامل ١.٢٥ مش الاصلى طبعا
😂😂😂😂😂😂😂😂😂😂😂
على فكره انتو ظلمتو يحي خليل ....اعتقد لولا يحي خليل لم تظهر هذه المزيكه الجديده في مصر واصلا البوم شبابيك لم يظهر اييضا حرام عليكم تهضموا حف الرجل هو صاحب الفضل الاول وهذا باعتراف فتحي سلامه نفسه
ليه متكلمتش عن ايمان البحر درويش اللي كان انجح مطرب في اوائل الثمانينات وكمان مش متفقة ان محدش من مطربي الثمانينات عمل علامة بارزة الا محمد منير وعلي الحجار هاني شاكر ومدحت صالح كانوا ناجحين جدا في فترة التمانينات والتسعينات
منير عصب محفور في الذاكره ❤شريان دم فى القلب
عملوا نجاحات فعلا و كانوا عظماء بس منير قصة متفردة متوغلة في الوجدان بكلمات محدش قالها قبله ولا هيقول زيها بعده و موسيقى من اجمل مايكون وروح ربنا اعطاها تأثير غير مفهوم
اسم يحيى خليل هيتحط ازاي و هو اعادة توزيع ؟؟؟ يعني توزيع اغاني مشوار ريميكس يحيى خليل مالوش علاقة بيه
كان عمري ١٤ لما نزل اشتريت نسخه تانيه لان الاول تلف من كتر ماسمعته هههههههه😅
اسمه ايه الموسيقى الصوفيه لفتحي سلامة ؟ مش عارف ابحث بأسم ايه ؟
للعشق إنشادي ، أنا مغرم بهواه زدني بفرط الحب ، وجه فؤادك للإله ، و في مقابلة لفتحي سلامة تحت عنوان ، Sufism vs Modernism Fathy Salama و كلها بإشتراك الشيخ محمود التهامي
اول تعليق ☝ جميل
محمد الحلو فنان عظيم .... بس اشكي لمين من الحلو كانت سيئة جدا ... موجودة على يوتيوب
احترمك ع يا زماني، واحترام تاني ل ذكر مسار اجباري ، يا زماني تاني اغنيه بعد شبابيك وهم اخلي ما ف الالبوم
للأسف نسخة الالبوم المتوفرة على الأقل على انغامي مش بالجودة الكافية.
اعملو حلقه علي حميد الشاعري ❤
مش اي حد يتعملوا حلقة
منير علامة فارقة في تاريخ الغناء
وحميد الشاعرى ايه؟ معملش حاجه يعنى؟!!!؟
مش معنى انك بتحب محمد منير تنكر دور ووجود فنانين لهم دور مؤثر فى تاريخ الموسيقى وحميد الشاعرى واحد منهم
@@olivetreeus
حميد الشاعرى مش اى حد ويستحق يتعمل برامج عن تأثيره فى مسار الموسيقى والغناء
تقريبا اغنية كان فاضل اغنية قديمة من اوائل اغانيه بس اعاد غناها في 2008
شبابيك مجدي نجيب وألحان احمد منيب
👑
يحيى خليل له تجربة تانية عظيمة و كلها لايفات .... رحيل مع حميد الشاعري ... و ده شريط حميد الوحيد اللي خارج السياق و تشم فيه رائحة يحيى خليل اكتر من حميد .... انتوا متحاملين على يحيى خليل و حاطينه في برواز المدير اكتر من الفنان و هو بيمتلك الموهبتين
اتفق معاك تماماً
اسوا من كتب لمنير هو الابنودي ...... مشروع منير ... عبد الريحيم منصور .... فؤاد حداد .... مجدي نجيب ..... و امتدادهم كوثر مصظفى ..... الابنودي موازي مش اساسي
مشروع منير علي مستوي الكلمة عبد الرحيم منصور و مجدي نجيب و علي مستوي اللحن هاني شنوده و احمد منيب
ازاى يعنى كل الحاجات وبرة الشبابيك ويونس ويحمام بتنوح ليه ومشروع جمهوريه زفتى الابنودى له الدور الأكبر فى تاريخ محمد منير من حيث عدد الاغاني
@@user-jr8wb4jl1y ابنودي مين بس
طالما متعرفيش التاريخ الحقيقي لمنير ارجوكي التزمي الصمت
@@user-jr8wb4jl1y الابنودي له الدور الاكبر في تاريخ منير ؟؟؟؟؟ لا طبعا و قولا واحدا بدون اي تحيز ..... الابنودي ظهر في البومات منير في شيكولاتة يعني تقريبا بعد اكتر من عشر سنين من بداية منير و اعتلاءه القمة .... بعد علموني عنيكي و بنتولد و شبابيك و اتكلمي و بريء ووسط الدايرة و حدوتة مصرية ...... يعني منير لو ما كانش غنى تاني اصلا بعد دول كان هيفضل منير و هيفضل صاحب المشروع المتفرد في تاريخ الموسيقى المصرية و العربية ....... الابنودي لم يضف شيئا لمنير لكنه جاء على نجاح موجود اصلا و على مشروع تم تأسيسه بالفعل من خلال مجموعة تضم اولا عبد الرحيم منصور و منيب ثم هاني شنودة و مجدي نجيب و سيد و شوقي حجاب و فؤاد حداد و يحيى خليل و فتحي سلامة ...... فترة الابنودي من اسوا الفترات بدأت بشيكولاتة اللي لولا التوزيع الموسيقى كانت تبقى اغنية ساذجة جدا و هو استلهام من التراث بس في رأيي سخيف و خدي عندك من حبك مش بريء و ليلة قمر يا قمر صيفي و الليلة دية حاجات مالهاش طعم الا باضافة روح منير ليها ....... علشان ما اظلمش هناك برة الشبابيك و يونس من الروائع لكن في المجمل الابنودي ضيف على المشروع لم يضف اليه شيئا
@@mohameddandarawy1660 عدد الاغانى اكتر من أى حد
يعني ايه الهه الموسيقى ؟ لفظ غريب و مينفعش طبعا
خلي الراجل يتكلم
ازاى تقولوا ان هانى شاكر يقول عبد الحليم ييحاربنى ده عبد الحليم فى سن والد تانى شاكر وشوفوا وفاه عبد الحليم كان هانى شاكر اد ايه وبعدين هانى بيغنى اغانى كثير لعبد الحليم
يعني قولت ان انتم فاهمين ومحيطين سمعا" لجميع مطربين القرن الماضي .. حتى اتضحت حقيقتهم كناقصين خبرة ومعرفة للموسيقى العربية ..!!
عشان تكملو نقص معرفتكم لفناني القرن الماضي ارجعو قليل وبحثو عن مجدد الاغنية الاول واللي ماشي عمرو دياب على خطاه ..
وهو الفنان الرااائع (( عمر فتحي )).!! ❤
انت عايز تقول ايه؟
@@mostafahamdy3082
هو عايز يفهمك انه جامد و عارف عمر فتحي 😂
و اراهنك لو يعرف اي عمل من اعماله 😂😂😂
و طبعا لازم ذكر اسم عمرو دياب عشان الحرقان اللي عنده انت فاهم مع ان الحلقه عن منير اصلا
الرد محتاج شرح كتير بس حقول من الاخر بحكم اني كنت ابيع اشرطة كاسيت ..!!
عمر فتحي هو اللي طور وجدد في الموسقى العربية .. اللي جوى بعد كوبي بيست .!!
لو عاش عمر فتحي لحد الان كان هو في المرتبة الاولى وده اللي حيجنن البعض.!!
@@mohamedmido4866 وده حتفيدني بايه لو ذكرت اعماله واخرتك حيالله معلق..!!
روح يا ابني العب قال بعض اعماله قال .!! 😂😇👉
يا اخي الي ورا الاورج مشتت المعلومات وبقاطع كثير
مشكلة يحيى خليل انه نسب النجاح في البوم شبابيك لنفسه و الواقع انه مش هوه اللي وزع كل الألبوم زي ما حضرتكم ذكرتوا ، و كان المفروض انه يعطي كل انسان حقة و يذكر اسم كل شخص اجتهد ووزع عمل من الاعمال و لأكن كل الألبوم نُسب تحت مسمى فرقة يحيى خليل و لذلك الفرقة لم تستمر ، أصعب شيء على الفنان ان تهمش مجهوده و تنسبه لك و دا اللي عملة يحيى خليل اما عن العبقري فتحي سلامة فهوه متفرد في مجالة و تطويره للموسيقى
مع كامل الاحترام ليكم انتوا الاتنين بس ازاي تتجرأوا تتريقوا على منير. منير مين اللي ركب الطفطف ورجع يا خفيف انت وهو. انتوا تتريقوا على منير وعلي الحجار يا عيل منك ليه!!!!
هو انتو نسيتو ...اتكلمي..وسط الدايره.......
عايزين هيثم شاكر
بيقاطع كتير اوي المذيع. ربع ساعه وما قدرتش اكمل وقفلت الفيديو
ياعم سيب الضيف يتكلم براحته علشان انت احتكرت الحلقة لوحدك وده شيء مزعج جدا .. أحلي ديسلايك ليك وتحياتي للضيف المثقف اللي المفروص يعمل تحليل للألبوم لوحده من غير ما تقاطعه
فعلا عندك
للاسف بيقاطع الضيف بطريقة مستفزة جدا
طارق مدكور افسدها تماما ..... الليلة يا سمرة .... وحشة جدا و مشوهة من طارق مدكور ..... المشكلة ان فيه اجيال ما تعرفش غيرها ..... اغاني شبابيك بالذات لا يجب اعادة توزيعها او اللعب فيها خصوصا بهذا الشكل المبتذل
الليلة يا سمرة توزيع يحيى خليل لو نزلت السنة دي ب نفس توزيعها هتكسر الدنيا ... نوعية التوزيع فكرها ابدي و ليس وقتي زي توزيع مدكور