Владик Батманов - Салам, баде!

Салам, баде!
Владик Батманов
Атанва зун къе ви сурал,
Вахъ вил хьана, са кьил ч1угваз.
Гъил алтадиз сурун ч1урал,
Ви т1вар кьаз зун ава рахаз.
Атанва зун къе ви кьилив,
Къарагъ,баде, къарагъ к1вачел.
Ви сурун накьв кьуна гъилив,
Заз эцигиз к1ан я рик1ел.
Гьар сеферда атайла зун,
На зи салам кьадай баде.
Къе, лагь, вучиз киснава вун?
Гьамиша зав рахай, баде.
Зи мехъерик са кьуьл хъувун,
Эхиримжи мурад тир ви.
Рекьидайди чидайт1а вун,
За мехъерар ийидай зи.
Совхоздални физ хк1ан туш,
Вун авайла вишра атай.
Зи гьал, баде, хьанва нахуш,
Закай ич хьан сап ад кт1ай.
Хушраканди гъал янава,
Ви бадидиз на яд хъвайи.
Ви варарал дап1ар хьанва,
Гьамишанда ахъаз хьайи.
Вун такуна, вал атайдан,
Буьркьуь хьурай экуь вилер.
Заз и саягъ ц1ай ягъайдан,
Кана кабаб курай гъилер.
Рик1 шехьзава зи, шехьзава,
Вун дат1ана рик1ел хкиз.
Вун кьейиди за нехьзава,
Гьар сеферда къаргъиш ийиз.