Парламентын боловсрол - Ардчилал гэж юу вэ?

Ардчиллын тухай ерөнхий ойлголт өгөхийг зорив. Манай дэлхий дээр 200 гаруй улс бий. Харин тухайн улсын засгийн эрх мэдэл хэнд байгаа, улсыг хэн удирдаж байгаагаас шалтгаалан улс орнууд хоорондоо ялгардаг. Улсыг удирдах эрх мэдэл бүх ард түмний гарт байж, ард түмэн төрийг удирдах үйл хэрэгт оролцох боломжтой байдаг улсыг ардчилсан улс гэнэ. Ардчилсан улсад асуудлыг бүгдээрээ хэлэлцэж, цөөнхөө хүндэтгэж, олонхоороо шийдвэр гаргана. Гаргасан шийдвэрээ бүгдээрээ дагаж мөрдөнө. Манай улс ардчилсан улс юм. Монгол Улсын Үндсэн хуулийн Гуравдугаар зүйлийн 1 дэх заалтад “Монгол Улсад засгийн бүх эрх ард түмний мэдэлд байна” гэж заасан. Иймээс Монгол Улс бол Үндсэн хуулиараа баталгаажсан ардчилсан улс юм.
www.edu.parliament.mn