وداعة الله | السيد محمد المكي | ليلة 1443/9/21هـ
Вставка
- Опубліковано 7 вер 2024
- • وداعة الله
• السيد محمد المكي
• الشاعر : علي البحراني (القطيفي)
• استشهاد أمير المؤمنين عليه السلام
• موكب الأمام الحسن عليه السلام
• حسينية الخواجة الأحساء - الفيصلية
1443هـ
---------------- قنواتنا ----------------------
أنستغرام : ....
واتســـاب : api.whatsapp.c....
سنـــــــاب : www.snapchat.c....
يوتيــــوب : / alssebt
--------------------------------------------------
العنوان: وداعة الله ..
اوداعة الله يا علي .. ما تحاچيني!
اوداعة الله يا علي .. ماخذ اسنيني
كم جرح بعدك أشوف؟
والوعد يوم الطفوف .. لا تخليني
١
مروا ابنعشك عليّه .. اشلون صار اوداع!!
منه أشتَم ريحة أمي .. امكسرة لضلاع
حيف يا حلو الجهامه .. تندفن بالگاع
انت بيتي وسور خدري .. وانت ليّه اگناع
ما خَذِتني يا علي .. وحدك امسافر
ما خَذِتني يا علي .. وخوفي من باچر
حيره والمدمع ذروف
والوعد يوم الطفوف .. لا تخليني
٢
يا علي شوكتنا فلّت .. والشمل تبديد
لا عساها ادموعي تبرد .. والنياحه اتهيد
من گرب نعشك يبويه .. كل شي صار ابعيد
واعله بالي ايكون تقرا .. الخطبه يوم العيد!
وانت تدري يا علي .. مفجع امصابك
وانت تدري يا علي .. الأفجع اغيابك
يا گمر صابه الخسوف
والوعد يوم الطفوف .. لا تخليني
٣
گوّض العز يا لوانا .. والدهر غدّار
نرجع اشلون المدينه .. ابلا علي الكرار!
وحدي أدخل دار فاطم .. وأذكر المسمار
منهو تالي الليل يطلع .. بيّه للمختار؟
أشكي فگدك يا علي .. للنبي الهادي
أشكي فگدك يا علي .. وحسرة افادي
أبچي وايطول الوقوف
والوعد يوم الطفوف .. لا تخليني
٤
بالطفوف احضرني وآنا .. ألطم اعله الهام
يوم تتذبّح أهلنا .. وتحترگ لخيام
من يساعدني يبويه .. ابلمّة الأيتام
ليلة احدعشر كسيره .. والجفن ما اينام
ترضى بعدك يا علي .. أصعد الهزّل
ترضى بعدك يا علي .. بت علي تنذل!
بالعدا ما مِن رؤوف
والوعد يوم الطفوف .. لا تخليني
٥
أرجع الكوفه سبيه .. ويّا راس احسين
لا تناشد، گوم عاين .. وين زينب وين
وگفة الديوان أصعب .. يا علي امن البين
گلّي أهل الكوفه يابه .. اويانا عدهم دَين؟!
والله ضعنا يا علي .. وانحنى راسي
والله ضعنا يا علي .. والزمن گاسي
انهض انهض يا عطوف
والوعد يوم الطفوف .. لا تخليني
___________
تمت
علي حسين البحراني
الوزن: شموس